رقم العضوية : 14582
تاريخ التسجيل : 11Jul2008
المشاركات : 3,804
النوع : ذكر
الاقامة : Zagazig-Mariotia
السيارة: LANCER 1998
السيارة[2]: MAZDA323-ِALFAROMEO146
دراجة بخارية: لاحول ولا قوه الا بالله
الحالة :
مصارعه المنحرفين كابتن منفوخ يقدم لكم مباراه الموسم..
حيث الدم والضرب والجنازير متعه!!!
الحلقه تبدا بالمقدم الهمام المنفوخ((مصارع سابق))وهو يبتسم بالنضاره اياها بتاعت كل مره وخلفه صور له وهو ايام شبابه الغض وهو يجندل ويشندل ابطال العالم فى المصارعه(صوره وهو بيضرب بس مش وهوابينضرب ) وقدامه طبعا الحزام منفوخ زيه برضه
يبتسم الكابتن منفوخ قائلا وهوبيعدل النضاره الروشه
- مساء الخير واهلا بيكم فى برنامجكم المفضل مصارعه المنحرفين النهارده معانا حلقه طحن كلها دم وانحراف وضرب وكهربا وجنازير انا جبتلكم شريط اخرمباراه لكين مع اخوه الحانوتى بعد ماتعاركو مع بعض لما ابو كين طلق ام الحانوتى وطبعا الحانوتى ماعجبوش رميه امه فى الشارع فقرر يرد شرف امه على الحلبه ويضرب كين بعد ماخلع القناع زى تينا بتاعت جادش
يقاطعه صوت التليفون فيرد كابتن منفوخ:
- ومعاااايا احمد من القاهره .. ازيك يابو حميد عامل ايه؟
- المشاهدازيك انت ياكبتن منفوخ والنبى ياكابتن انا عايز اسال سوؤال محيرنى هو صحيح ((ريتا)) فرقعت ((ستراب الاتش)) وماشيه اليومين دول مع ابن المشمومه ده اللى اسمه(( الروك))؟؟
وصحيح ان ستراب الاتش ظبطتهم مع بعض وللا ايه؟؟ والنبى ياكابتن تجاوب على سؤالى اصل انا مش عارف انام الليل بسبب الموضوع ده!!
- كابتن منفوخ: بص يابو حميد هو انا لما كلمت الروك فى الموضوع ده قاللى ان الموضوع اتفهم غلط لان ستراب الاتش لما دخل عليهم ولقاهم نايمين مع بعض ماكنوش بيعملوا حاجه وحشه لا سمح الله ده كان(( الروك)) ساعتها عامل حركه دى دى تى من ورا ل ((ريتا)) وعلى خوانه والله ياجماعه .. لكن ستراب الاتش فهم الموضوع غلط وافتكر انهم ((استغفر الله العظيم)) ولما ريتا عرفت انه بيشك فيها كرامتها(( نقحت ))عليها وقررت تسيبه لانها ما بتحبش حد يخونها او يشك فى سلوكها وعفتها لا سمح الله.. وبعدين يابو حميد دى اعراض ناس واحنا مابنحبش نجيب فى سيره الناس وهما مش موجودين.. عيب عليك ياخى دول ولايا برضه.. وربنا امر بالستر..
- ياكابتن
- مع السلامه يابو حميد ونرجع تانى للماتش اللى معانا بتاع كين والحانوتى ونقول ان ...
يقا طعه صوت تليفون فيرد :
- ومعااانا الحاجه(( بخاطرها)) من العباسيه ازيك ياحاجه
- ازيك ياكابتن منفوخ .. والله احنا بنحبك قوى قوى ياكابتن وبنحب نشوفك منور الشاشه كده على طول وبنحب قوى الافلام الهندى اللى بتعرضها لنا فى برنامجك ده
- ربنا يخليكى ياحاجه
- معايا ابن بنت بنتى اسمه ((شمشون)) وهو بيحبك قوى ياكابتن وعايز يكلمك
شمشون ياخد دوره
-والنبى ياكابتن انا عايز اشوف الماتش بتاع(( البيج شوز)) لما ضرب ((كيرت انجل)) بالكرسى وكهربه وسيح دم اللى جابوه على الحلبه اصلى متغاظ قوى من كيرت انجل ده اللى مستصيع نفسه وشايف نفسه على الحلبه!
- عينيه ليك يابو حميد
-اسمى شمشون ياكابتن وفى كى جى وان
- مع السلامه يابو حميد ونرجع تانى للماتش بتاع كين واخوه..... يقاطعه صوت التليفون فيرد:
ومعانا الحج درديرى ابو باتيستا من الصعيد الجوانى.. ازيك يابو حميد!!!
- والنبى يااستاذ ملووح كنت عايز اسالك سؤال ربنا مايوقعك فى ضيقه ياخال الواد ((هوجان)) ولد اختى البعيده الهى مايشوف يوم عدل فى حياته السوده قرالى فى الجرنان ان(( باتيستا ))طلع اصلا من الصعيد وان اصل ابوه من عيله(( العجاينه)) اللى حدانا فى البلد واحنا كنا فاكرينه من العيله بتاعتنا ودلوقتى فى مشكله مولعه عندينا فى البلد.. ورجاله العيلتين نازلين فى بعض ((مانشيتات)) و((سوبليكسات)) و ((دى دى تى)) طول النهار وماحدش عارف يلمهم.. وامبارح الواد(( عوضين )) اللى من عيله العجاينه هددنى انه يعملى(( تثبيت اكتاف)) من الوضع راقدا لوماعترفتش ان باتيستا من العيله بتاعتهم ومش عارفين نعمل ايه دلوقتى ؟! يعنى يرضيك انى اعمل له(( فينيش كين)) واخلص منه.. وفى الاخر قلنا نستشير حضرتك .. فشور علينا ياخال ربنا ياخدك انت والمصارعين اللى بتجيبهم لينا.
- كابتن منفوخ(( بذكاء)) : الظاهر ان فيه عطل فى التليفون وقناه الافلام دخلت على قناه الرياضه .. وعموما اناحاتصل ببتيستا واشوف الموضوع ده ..
ومعانا تليفون تانى من(( حسونة ابو جهل)) ونقوله ازيك يابو حميد!!
- حسونه : والنبى ياكابتن فيه موضوع محيرنى..الناس بيقولوا ان الواد(( باتيستا)) اعلن اسلامه علشان لقى دراعه اليمين مكتوب عليه ((صلوا على النبي)) والدراع التانى مكتوب عليه((حصوه فى عين اللى مايصلى علىالنبى)) ايه حكايه الموضوع ده ياكابتن عشان محير الناس عندنا؟
- كابتن ((منفوخ)) بزهق: ح ابقى اتصل بباتيستا ونشوف الموضوع ده مع بعض .. مع السلامه يابو حميد.. ودلوقتى اعزائى المشاهدين استعدوا للطحن كله.. ماتش كين والحانوتى .. كل واحد يجيب عياله وقرايبه وجيرانه عشان الكل يتفرج ويشوف الضرب على اصوله والدم وهو بيسيح ويجرى .. بس اللى معاه مطوه ياريت يخليها مؤقتا فى جيبه وما يطلعهاش وهوا بيتفرج.. يبقى يطلعها بعد الماتش .. ودلوقتى..
يقاطعه جرس التليفون فيرد: ومعانا اخرتليفون قبل الماتش من الشيخ ((عبود..عبود..)) ..ازيك يابو جميد!!
- المشاهد: لوسمحت ياكابتن(( شمروخ)) هو اللى يعمل حركه ((هاف سلام)) وهو متوضى يتنقض وضؤه ولا لا؟؟
- السؤال ده تساله للشيخ ((عطوه حركات )) على القناه اللى جنبنا طوالى على ايدك الشمال ..مع 1000 سلامه ياعم الشيخ ربنا يسهلك..
يواجه المشاهدين بابتسامة قائلا:
- ودلوقتى بقى نسمع الماتش بتاع كين واخ.....
تنتقل الكاميرا الى احدى الحارات الشعبيه لنقل عركه اليوم بين ((سيد ابو عضمه)) الشهير بكين واخوه ((حوده ترابيس)) الشهير بالحانوتى وحواليهم ناس كتير ماسكين سواطير وسيوف وسنج وشوم فى انتظار ادوارهم والى لقاء اخر فى حلقه جديده من برنامج ((مصارعه المنحرفين)).. منحرفين بجد يعنى ... اى خدمه ياجدعان!!
جروب مالكى وعاشقى لانسر كريستاله
https://www.facebook.com/groups/lancer.egypt.1996.2000/
رقم العضوية : 48172
تاريخ التسجيل : 28Sep2009
المشاركات : 547
النوع : ذكر
الاقامة : التجمع الثالث - القاهره الجديده
السيارة: شاهين
السيارة[2]: بيجو 406
دراجة بخارية: لا يوجد
الحالة :
رقم العضوية : 30571
تاريخ التسجيل : 20Jan2009
المشاركات : 5,542
النوع : ذكر
الاقامة : EGYPT
السيارة: Toyota Corolla 1996
السيارة[2]: Nissan Sunny 2OO9
دراجة بخارية: I Don't Like It
الحالة :
ههههههههههههههههههه فيديو حلو
رقم العضوية : 47420
تاريخ التسجيل : 17Sep2009
المشاركات : 1,177
النوع : ذكر
الاقامة : dokii/musadaq
السيارة: rabna yesahel
السيارة[2]: renault logan 2010
دراجة بخارية: no
الحالة :
أحلا كلام في 4:25
تخلف عقلي بجد
أول رئيس مدني لجمهورية مصر العربية
[sor2]http://img03.arabsh.com/uploads/image/2012/06/20/0e32444861f306.jpg[/sor2]
رقم العضوية : 44537
تاريخ التسجيل : 05Aug2009
المشاركات : 1,930
النوع : ذكر
الاقامة : alexandria
السيارة: mfeeeeeeeeeesh
السيارة[2]: nubira
دراجة بخارية: noooooooooo
الحالة :
هو الفيلم ده نزل امتى؟؟؟؟
كلمات اتعبت الملائكه فى كتابة الأجر
((اللهم لك الحمد كما ينبغى لجلال وجهك وعظيم سلطانك))
رقم العضوية : 46095
تاريخ التسجيل : 03Sep2009
المشاركات : 281
النوع : ذكر
الاقامة : Cairo
السيارة: ..
السيارة[2]: VW
دراجة بخارية: .
الحالة :
شوفو ده
YouTube - ‫ظƒظˆظ…ظٹظƒ ط´ظˆ - ظ…ظ…ط¯ظˆط. ظپط±ط¬ - 2‬‎
جامد جدااا
رقم العضوية : 52405
تاريخ التسجيل : 07Nov2009
المشاركات : 1,292
النوع : ذكر
الاقامة : مصر
السيارة: تويوتا كورولا 2013
السيارة[2]: داتشيا 1310 1997
دراجة بخارية: لا يوجد
الحالة :
رقم العضوية : 82430
تاريخ التسجيل : 01Dec2010
المشاركات : 45
النوع : ذكر
الاقامة : egypt
السيارة: ربنا يرزق
السيارة[2]: LaNooS
دراجة بخارية: no
الحالة :
ههههههههههههههه
قال ايه عندوا الجهاز اللي بيعرف بيه دا ايه
دا الوقتي لو وريت بيبي لسة مولود كارت ميموري هيقولك دا ايه
و
4 كتاكيت ودجاجة ومحدش عارف حاجة
هههههههههههههههه
[img2]http://www.chevrolet-opelparts.ru/images/Chevrolelogo.jpg[/img2]
رقم العضوية : 39035
تاريخ التسجيل : 27Apr2009
المشاركات : 842
النوع : ذكر
الاقامة : alexandria
السيارة: بيجو 301
السيارة[2]: فيورا-لادا -لانوس1-نوبيرا2004 -ميجان 2006
دراجة بخارية: لا يوجد
الحالة :
انا نفسي حد يقوللي بجد ازاي ممدوح فرج ده عاش بره انا فعلا مش عارف ده مبيعرفش ينطق حرف صح .ده من زمان كده جه اسكندرية و جاب حبة مصارعين اجانب من عينة ابو العربي و هو حكم اجنبي و قعد يهريهم ضرب علي انها ماتشات استعراضية بس بصراحة شوية مصارعين من النادي الاولمبي ضحكوا عليه و اقنعوه يلعب معاهم علشان يتعلموا منه " اي كلام يعني " و ظبطوه و خلوه يقول حقي برقبتي
ربنا لا تزغ قلوبنا بعد اذ هديتنا و هب لنا من لدنك رحمة انك انت الوهاب
fdido26 سابقا
رقم العضوية : 8062
تاريخ التسجيل : 27Mar2008
المشاركات : 653
النوع : ذكر
الاقامة : ismailia
السيارة: lancer 2000
السيارة[2]: sirion 2008
دراجة بخارية: -
الحالة :
هههههههههههههههه أنا مكنتش متخيل إزاى حد ممكن يخش الفيلم ده فى السينيما
دلوقتى عرفت
الفيلم كوميدى جداااااااااااااا
المفضلات