عملت صيانة ال 10000 كيلو للاوبترا

**mina_ramsis** · 27-03-2008 11:18 AM

الحمد لله عملت صيانة ال 10000 كيلو فى فرع العامرية فى الاسكندرية بس للأسف انا مش مبسوط من المعاملة و النظام هناك خالص المكان من بره جميل جدا و مبهج نيجى من جوة اول مرة اللاقى ان فيه طابور و كل واحد بدوره فسألت اذا كان ينفع بعد كده احجز بالتليفون فقالولى مفيش حجز اللى ييجى يدخل فى الطابور على طول المهم انا وصلت هناك الساعة 10 صباحا عبال ما دخلت الورشة كانت الساعة 12 و عبال ما اشتغلوا فى العربية كانت الساعة 2:30 ظهرا و اثناء الوقت ده كل شويه اروح اقولهم انتم مابتشتغلوش فى العربية ليه يقولولى حاضر و يروح سايبنها و ماشيين فى الاخر كلمتهم بأسلوب ناشف شويه فقالوا لحد من العمال ان يروح يشتغل فى العربية علشان العربية ديه هتعمل مشاكل المهم بعد كده سألت العامل عن سبب الـتأخير قالى ان المسؤول عن مخزن قطع الغيار مش موجود علشان كده قطع الغيار بتتأخر و السبب التانى ان فى عدد من العمال غايبين لظروف عندهم المشكله الثانية اللى قابلتى ان كل شويه يقولولك اتفضل على الاستراحة ادخل الاستراحة الاقيها حجرة 5 فى 4 متر و فيها كام كرسى ما يكفوش عدد العملاء نهائى و كمان اذا كنت دخلت كان زمانهم معملوش حاجة خالص فى العربية و قالولى تمام كده المشكله الثالثة بقة و هيا فى فرع دفرة اللى فى طنطا الفرع ده بقى مشكله لوحده اساسا مافيهوش استراحة و المشكله الاكبر ان اغلبه نص نقل يعنى تلاقى نفسك واقف حوالين سواقين فمش من المنطقى انهم يخلوا صيانة النقل مع صيانة الملاكى
علشان كده كنت بفكر المرة اللى جاية انى اعمل الصيانة فى اى مركز معتمد تانى فاللى يعرف مركز تانى حلو يهتم بالعربية كويس فى السكندرية يبقى يقولى

**shady_elkady** · 27-03-2008 11:24 AM

مشكلة مراكز منصور انها كانت زمان كانت شغالة على النصف نقل و الاوبل فكان عدد الزوار قليل علشان كدا مكنوش بيهتموا بالاستراحات لانك حتى لو رحت الفرع بتاع الصحراوى القاهرة و دة اكبر فرح حتلاقى الاستراحة غرفة 4*4 لكل الزوار علشان كدا بدوا يعملوا استراحة كبير تحت الانشاء و دة طبعا بس دخول منصور عالم الاوبترا و الافيوا و الاسبارك اما عن الخدمات فانا لما رحت و اتعملت معاهم لقيت العمال الى شغلين فى الوشة زيهم زى احد عامل برة انا بروح بس علشان اضمن قطع الغيار المجانية لانى متوقع اى ان فى حاجات كتير هتبوظ قريب

**mina_ramsis** · 27-03-2008 12:15 PM

يا شادى سيبها على الله حاجات ايه اللى تبوظ
بس مفيش اى مركز تانى ابو غالى او اى حد تانى معاه توكيل من منصور علشان كده صعب الصراحة

**shady_elkady** · 27-03-2008 12:23 PM

لو معاك الضمان هتلاقى مكتوب فية كل المراكز المعتمدة

**Magdih** · 30-03-2008 09:13 PM

العوض جروب بتاع الأوتوستراد كويس جدا وأنا رحت الصيانه مأخدتش أكتر من ساعتين وكمان فى منفذ لبيع قطع الغيار

**mina_ramsis** · 30-03-2008 11:56 PM

للاسف يا استاذ مجدى انا مش من القاهرة
شكرا على تعاونك

**احمد عز** · 02-10-2008 02:19 AM

فى ناس راحت عملت الصيانه بتاعتها فى اوتومستر وبيقولو عليه ممتاز جداااااااااااا

**tayson54** · 02-10-2008 02:23 AM

اوتوماستر زي الزفت وهتلاقي في المنتدي هنا موضوع اسمه حقيقه اوتوماستر ارجو انك تطلع عليه بدل ما تحرق دمك في يوم من الأيام

**KHALED AYMAN** · 19-02-2009 03:02 AM

على فكره فى حاجه احب اقولها :
1-فرع العامريه فى حاليا استراحتين واحده فوق وواحده تحت.
2-فرع طنطا اه زفت و مش بيفهمو حاجه بس خلاص نقلو النقل فى مكان تانى و الملاكى لوحده.

**shock** · 20-02-2009 11:39 AM

انا بختلف معاك في الراي دا
فرع دفره هناك احسن انا رحت هناك 3 مرات
ومفيش مرة مشيت الا وانا مستريح من المعاملة ونصيحة
المركز هناك بيفتح من 8.30 لو رحت من بدري هتخلص
في ساعة بالكتير و خصوصا انتا من طنطا
وهناك المعاملة حلوة وفي استراحة مع المهندس
وفي بتاع شاي هناك بس علي حسابك ههههه

اريت اكونك افدتك براي
اه صح في صيانة فتحت في المحلة من الكموني
بس شكلهم مش ليهم في البطاطس دا برده راي :k46: