السلام عليكم جميعا
معروض عليه نيسان صنى 94
فهل هى سيارة تستحق الاقتناء من حيث الاعتماديه و استهلاك البنزين و قلة الاعطال و التكييف و توافر قطع الغيار
على فكره السيارة معروضه بسعر جيد و المفروض حالتها جيدة ايضا
انتظر ردودكم و جزاكم الله كل خير
عرض للطباعة
السلام عليكم جميعا
معروض عليه نيسان صنى 94
فهل هى سيارة تستحق الاقتناء من حيث الاعتماديه و استهلاك البنزين و قلة الاعطال و التكييف و توافر قطع الغيار
على فكره السيارة معروضه بسعر جيد و المفروض حالتها جيدة ايضا
انتظر ردودكم و جزاكم الله كل خير
تستحق الاقتناء لو بحاله جيده لكن بالنسبه لقطع الغيار مش متوافره بشكل كبير لكن هتلاقيها بعد شوية لف في المحلات وبالنسبه للموديل دا اعتقد قطع غياره موجوده عن الموديلات الجديده
السلم وعليكم
انا معروض عليا نيسان 94 حاله ممتازه مع احد الاصدقاء ونفسي اعرف معلومات عن قطع الغيار لو وصلت لمعلومه سوف ابلغ حضرتك بيها لعل الفائده تعم ان شاء الله
قبل ما تشترى العربية
من رائى انك تنزل فى 3 اماكن وتسال الاول
وهم : التوفيقية واسال هناك على قطع غيار السيارة , واسال فى دمشق فى مصر الجديدة , واسال فى الحرفين , واذا لقيت الحاجات المهمة منها موجودة يبقا توكل على الله , بدل ما تدفع فلوس على ا لارض
وانا قولتلك كدا لان اغلب الملاك هنا معاهم عربيات حديثة , واغلبنا لو حينصحك يبقا حيكون عن عدم تجربة وسمع
فصدقنى ده افضل حل ليك
تحياتى
اهلا بحضرتك في قسم نيسان
حضرتك انا ليا رأي شخصي في الموضوع ده بالذات
العربية ديه في الشارع بقالها 16 سنة و معلش هي بتختلف عن العربيات الاخري اللي في الشارع بقالها 20 و 30 سنة زي الكوري لقلة سعر قطع الغيار
و ديه عن تجربة شخصية للعربية اللي كانت معايا و هي تويوتا كورولا موديل 96
موديلات التسعينات ياباني اصلي لكن للاسف مش هتلاقي قطع غيار ليها يابانيي اصلي او هتلاقي حاجه اسمها ياباني استثماري او ايطالي . ماليزي . صيني . و حاجات من هذا القبيل
طبعا هتكون النتيجية الحتمية ان القطع الغيار ديه غير معمرة بالمرة يعني قطعة الغيار اللي كانت بتقعد بالخمس سنين هتلاقيها تقعد معاك حدود سنة او سنتين بالكتير و غير كده هتلاقيها غالية لو جبتها ياباني استثماري
لأنه بيبعها لحضرتك علي انها ياباني طالعة من مصنع نيسان باليابان و طبعا ده كلام مش منطقي لأن نيسان في اليابان مبقتش تصنع للعربيات الموديلات القديمة ديه
فالافضل ان حضرتك لو هتشتري عربيات يوزد يبقي تجيب مثلا من 2002 و انت طالع زي ما انا عملت و اخدت خيرها حوالي 5 سنين و بعدين بعتها و خلصت منها لما لاقيت ان قطع الغيار اصبحت غير معمرة
ارجوا ان تكون وجهة نظري وصلت لحضرتك و اهلا بيك مرة اخري