الموضوع: تقرير عن جيلى بعد صيانة ال5000 كم

العربيه دلوقتى عامله 5450 كم ورحت عملت صيانة ال5000 كم واتكلفة حوالى 275 جنيه بدون مصنعيات لان صيانة الالف والخمسة الاف مجانيه اما التكلفه فهى ما بين تمن الزيت والفلتر
انا اصريت على زيت موبيل 1 ورفضت الشيل لان حسيت بصوت المتور بعد وضع الشيل ان صوت المتور اخشن شويه وبعدين الثمن واحد اما الان رجع تانى لطبيعته
تم مراجعة الزيوت والكهرباء والعفشه من قبل التوكيل وانا كنت بشتكى ان الزجاج عند نزوله بيعمل صوت فتم تغيير المكنه وده كل اللى حصل فى التوكيل
اما العربيه فهى بسم الله ماشاء الله زى الفل حتى الان انا سافرت بيها بورسعيد وقلت اجرب العربيه جريت بيها لحد 140كم/الساعه والعربيه الحمد لله ثابته والاربى ام معداش ال3.5
بينى وبنكم انا كنت قلقان من الصينى انما دلوقتى انا مرتاح وبحمد ربنه عليها بس انا حاسس ان العربيه بتاكل بنزين شويه ومرضتش اقول لهم فى التوكيل لانى بعتقد ان السبب ان المتور لسه بيلين

ربنا يباركلك فيها وياريت سيادتك توضحلنا استهلاك البنزين كام كيلو فى ال20 لتر او اللتر الواحد بيعمل كام كيلو داخل المدينة وشكرا