إحباط مبكر جدا من مراكز الصيانة لنيسان

السلام عليكم ورحمة الله وبركاته
بصراحة انا جالى احباط من الكلام اللى بيتقال على مراكز صيانة نيسان مثل السبع وهذا ما جاء فى مشاركة الزميل الفاضل Mony10
( يا جماعه خلي بالكو من تقارير واسعار الصيانه في مركز السبع )
والردود التى جاءت تعقيبا عليه لما يكون مركز بالأسم ده وفيه المشاكل دية طيب الواحد يعمل ايه انا فعلا ابتديت افكر ابعد عن النيسان الصنى ....حتى شركة اوتو ايجيبت مش موافقين ينزلوا 500 جنيه تخفيض فى سعر العربية بعد وعود براقة بإن فيه تخفيض ...بس مش ديه المشكله ..الواحد نفسه فى اسم مركز خدمة محترم بجد وبيحترم ان السيارة اللى داخله الصيانة دية تعتبر شقى عمر الواحد انما حسبى الله ونعم الوكيل
حسبى الله ونعم الوكيل ..حسبى الله ونعم الوكيل

أنا كمان عندي احباط منهم جداً ومن الطناش وعدم احترام المواعيد!!!

على فكرة انا اتصلت بمركز السبع و سالته على اسعار التقرير الشامل للعربية بغرض البيع او الشراء

قالى فى حدود 250 الى 300

ولما سالت فى مركز الدراسة قالولى 150 ج و بالضريبة 165 ج و يدينى تقرير مفصل بحاله العربية

طيب ما فيه كذا مركز لمودرن موتورز وينايتد جروب
اللى مش مرتاح هنا يجرب فى مركز تانى
اللى انا بس مستغرب ليه ان معظم الناس بتشكر فى السبع جدا وخصوصا فى الصيانة

استاذ وائل اخبارك ايه

اسف على عدم اتصالى بيك نظرا لانشغالى الفترة اللى فاتت

بخصوص عدم وجود خصم فى اتو ايجبت , وانا سالت لحضرتك , ده لان العربية لسه زايدة حوالى 1000 جنيه واتو ايجبت موزع معتمد مكسبه فى السيارة مش بيكون كبير زى اى معرض عادى
ولسه الزيادة قريبة , فمش عارفين يعملوا خصم طبيعى قد ايه فىا لسيارة الفترة الحالية
وانا قولت لحضرتك فى البداية خالصصصصص وقت لما كنت بتابع مع مودرن عشان شركة التامين , لو عاوز حاجة كلمنى عشان اشوفلك الدنيا فيها ايه فى اتو ايجبت ونلحق نعمل حاجة قبل الزيادة
وفعلا الزيادة جت فى العربية , وكنت بحاول بصفة ودية اجيب لحضرتك خصم مع مسئول هناك انا عارفه , وحضرتك روحت وكلمت شخص اخر انا معرفهوش ,
فا انا بكلمهم تانى وبكلم كل الموزعين الاخرين عشان نشوف ايه اللى ممكن نعمله مع حضرتك
ولكن الموضوع عاوز صبر مش اكتر

وبخصوص موضوع الصيانات لنيسان
وارد الخطا مع اى حد , طبيعى جدا , ومش معنى لما يحصل كدا يبقا خلاص يجيلك احباط وتنصرف عن السيارة

ما كيا بيحصلش فيها مشاكل سواء فى الخليجى او التوكيل و وعندك هيوانداى بردوا , وعندك بروتن , وعندك شفورليه

مش معنى اللى حصل مع غيرك حيحصل معاك

الحمد لله اغلب الناس اللى معاهم عرببيات غير نيسان بيحسدونا والله بدون تحيز على مراكز الخدمة اللى عندنا

وباذن الله بس افوق من المهرجان الاعلام , وانا بنفسى حنزل واشوف لحضرتك الموضوع بتاعك وحكون معاك وحسبق خطواتك كمان

والموضوع ابسط من كل ده وخير ان شاء الله

اقتباس:

---

المشاركة الأصلية كتبت بواسطة ahmed.tv

استاذ وائل اخبارك ايه

اسف على عدم اتصالى بيك نظرا لانشغالى الفترة اللى فاتت

بخصوص عدم وجود خصم فى اتو ايجبت , وانا سالت لحضرتك , ده لان العربية لسه زايدة حوالى 1000 جنيه واتو ايجبت موزع معتمد مكسبه فى السيارة مش بيكون كبير زى اى معرض عادى
ولسه الزيادة قريبة , فمش عارفين يعملوا خصم طبيعى قد ايه فىا لسيارة الفترة الحالية
وانا قولت لحضرتك فى البداية خالصصصصص وقت لما كنت بتابع مع مودرن عشان شركة التامين , لو عاوز حاجة كلمنى عشان اشوفلك الدنيا فيها ايه فى اتو ايجبت ونلحق نعمل حاجة قبل الزيادة
وفعلا الزيادة جت فى العربية , وكنت بحاول بصفة ودية اجيب لحضرتك خصم مع مسئول هناك انا عارفه , وحضرتك روحت وكلمت شخص اخر انا معرفهوش ,
فا انا بكلمهم تانى وبكلم كل الموزعين الاخرين عشان نشوف ايه اللى ممكن نعمله مع حضرتك
ولكن الموضوع عاوز صبر مش اكتر

وبخصوص موضوع الصيانات لنيسان
وارد الخطا مع اى حد , طبيعى جدا , ومش معنى لما يحصل كدا يبقا خلاص يجيلك احباط وتنصرف عن السيارة

ما كيا بيحصلش فيها مشاكل سواء فى الخليجى او التوكيل و وعندك هيوانداى بردوا , وعندك بروتن , وعندك شفورليه

مش معنى اللى حصل مع غيرك حيحصل معاك

الحمد لله اغلب الناس اللى معاهم عرببيات غير نيسان بيحسدونا والله بدون تحيز على مراكز الخدمة اللى عندنا

وباذن الله بس افوق من المهرجان الاعلام , وانا بنفسى حنزل واشوف لحضرتك الموضوع بتاعك وحكون معاك وحسبق خطواتك كمان

والموضوع ابسط من كل ده وخير ان شاء الله

---

اخبارك ايه يا استاذ احمد وربنا يكون فى عونك
وشكرا بأهتمامك بالرد ومش عايزك تشيل هم كفايه الضغط بتاع شغلك وواضح انا صعب تحريك الاسعار اليومين دول وعموما ده نصيب والحمد لله دائما
لكن بالنسبة للصيانة انا فعلا اتصدمت من الكلام اللى بيتقال على السبع وده بجد ضايقنى
وجزاك الله خيرا على تعبك معايا ومع كل الزملاء واشوفك قريبا على خير

اقتباس:

---

المشاركة الأصلية كتبت بواسطة hossam_gabre

طيب ما فيه كذا مركز لمودرن موتورز وينايتد جروب
اللى مش مرتاح هنا يجرب فى مركز تانى
اللى انا بس مستغرب ليه ان معظم الناس بتشكر فى السبع جدا وخصوصا فى الصيانة

---

شكرا على رد حضرتك وانا فعلا واحد صاحبى قالى ان مودرن افضل وهوا معاهم من سنتين او تلاتة

تعبك راحة يا فندم بالنسبالى
وانا اخدت على عاتقى خدمة الاعضاء لوجه الله

وهى الفترة دى فعلا الزيادة عملت خلل على الكل
وفعلا انا كلمت ناس فى اتو ايجبت وفى موردن ولو فى جديد حبلغ حضرتك

وبخصوص مراكز الخدمة تانى , انا عاوز بردوا اوضحلك نقطة مهمة عشان تكون عارفة ومطمن :

كل واحد بيقول وبيحكم على حسب اللى حصل معاه
بمعنى لو حد بيعمل صيانة فى موردن وكل الامور تمام يبقا خلاص ده الافضل

ولو حد بردوا عمل فى السبع وكله تمام معاه ومفيش مشاكل يبقا ده الافضل

ولكن
لو اللى بيعمل صيانة على طول فى موردن وحصل معاه مرة واحدة خطا , يبقا شال من المركز واللى فيه وبقا وحش خلاص واخد انطباع سيى ويجى ينقل الصورة بطريقة صعبة وينسى ان المركز كان كويس معاه فى حاجات اخرى وينسى اى مميزات ليهم وهكذا بردوا مع السبع

يعنى خالى صديقك مثلا اللى مع مودرن يعملوا معاه خطا , واهو بقاله 3 سنين معاهم , حيقول عليهم انهم مش كويسين

يا جماعة وارد الخطا مع اى انسان , المهم اننا نتقبل الامر

ولو كانت المراكز دى فيها مشاكل كتيرة ودايما , كانت نيسان سحبت منهم التوكيل فورا زى ما حصل مع ابوغالى

لان ابو غالى كان بيجى منه شكوى من العملاء بنسبة 60% فدى نسبة كبيرة وعدت النص , ونيسان مش سكتت وسحبت منه التوكيل

مودرن يونايتد السبع بردوا وارد الخطا عندهم وعندهم فى خطا ولكن لو على فرد او 10 او 20 او بنسبة 15% وارد عادى

ولو فى نسبة كبيرة من الخطا كان اتسحب منهم التوكيل

ويا جماعة كلامى ده مقتنع بيه جداااا والسبب
نجاح العربية وانتشارها بيكون داخل فيه بردوا مراكز الخدمة والتوكيل وسمعتها الحسنة ,

ولو مراكز الخدمة مش ناجحة مكنش حد اشترى العربية ولا انتشرت كدا , لانه اكيد حيسمع فى سمعة العربية والناس تخاف تشترى العربية عشان خدمة ما بعد البيع

مش كدا ولا ايه !!!!!