الموضوع: محتار ومحتاج مساعدتكم

انا عضو جديد وعاجبني جدا المنتدى الرائع ده، ودي أول مشاركة ليا،
أنا عايز أشتري عربية لانسر بس محتار بين الشكل الجديد والقديم،
طبعا القديم متجرب وكل الناس بتشكر فيه، بس الجديد بصراحة أكثر من رائع، بس أنا قلقان علشان هو لسة مش منتشر ومش معروف ايه مشاكله،
فياريت تفيدوني أفادكم الله...

الحقيقة فى فرق كبير فى السعر
حوالى 40 الف جنيه
يعنى الانسر الفول ابوشن ال 1.6 تقريبا كانت ب 110 اقل او ازيد الفين او 3
دلوقتى الانسر الفول اوبشن ب 150 الف
ده اول نقطة انت عامل ميزانية كام وهل موضوع الفرق ده مش مهم ولا لا

تانى حاجة العزل يعتبر كويس واحسن فى الانسر الجديدة
تالت حاجة الشكل الجميل جدا للشكل الجديد
رابع حاجة ده تكنولوجيا حديثه
خامس حاجة الشكل القديم كتر اوى فى السوق

الحقيقة انت لو مش فارق معاك موضوع السعر هات الشكل الجديد ، عربية جميلة وممتازة
والمستوبيشي تقريبا عربية تعتبر مشاكلها قليلة جدا