الواحد مش مظبوط خالص

**Ghamrawy** · 24-12-2010 02:04 PM

بقالى مدة كده مش عارف فيا ايه

انام مهما انام اصحى مكسر و مش شايف قدامى و مزاجى مقلوب و كأن عدى عليا قطر و انا نايم

احاول انام مدة قليلة برضه نفس الحال

طلوع سلالم كتيير و مشى مدة طويلة ياااااه بيبقى عقاب
قعدة مدة طويلة الاقى ضهرى قاتلنى من اوله لاخره

مش عارف ايه الحل و الجسم المكسر و الاحساس بان الجسم بقى عامل زى الفرخة الفيليه اللى من غير عضم دى ...يمكن اسبوع فى سويسرا فى مصحة زى اللى بيطلعهم واحد صاحبنا تجيب نتيجة ؟؟
الله اعلم

و لا الواحد خلاص طلع معاش فى سن التلاتين و النهاية قربت

**dr_abooody** · 24-12-2010 04:04 PM

الف سلامة عليك يا باشا

انت بتشرب مية كتير و بتدخل الحمام كتير ؟

**SHNORY** · 24-12-2010 04:35 PM

دا مش انا لوحدي بقي
ودي حاله عامه
انا الفتره اللي فاتت حاسس بخمول غريب زي ما تكون اعراض انسحاب المخدر شغاله
ومن امبارح وانا قاعد في البيت
كل ما اقول اناملي نص ساعه الاقيني بنام بال4 ساعات ورا بعض
واصحي من النوم ابقي عاوز انام تاني

**mailo** · 24-12-2010 05:37 PM

طبيعي إن كل فترة يجيلك الإحساس ده أنا كمان كده
بص كل أكل نضيف يعني من الآخر بيتي
حاول تشم هوا نضيف شوية يعني انزل الكورنيش الساعة 3 am مثلا بس أنا مليش دعوة لو جالك برد
واتحرك شوية وعلى فكرة الموضوع ده بيبقى فيه عامل نفسي يعني لو إنت stressed عشان شغل أو امتحانات أو عائليا حاول تفوك شوية

وبعدين حيها بالكتير يومين أو أسبوع وتلاقي نفسك رجعت تاني زي الاول وأحسن

**الغزالى** · 24-12-2010 09:41 PM

امال انا اعمل ايه بئى ,,, مش بعرف انام كويس ,, وافضل طول النهار اسقط نوم

**ahmed_h_g** · 24-12-2010 11:16 PM

الموضوع ده حصلى كتيييييييييير
علاجه
أظبط نومك كل ده هيتظبط

**zidaneelwaly** · 25-12-2010 01:44 AM

المشاركة الأصلية كتبت بواسطة peaceman

الشتاء يا جماعة و الدفا في السرير طبيعي و طبعا لازم نتقل في اللبس شوية لأن البرد بصراحة بيدخل في العظام بطريقة متوحشة
و الف الف سلامة للجميع

تمام الكلام
لو تشوف ايام الصيف الواحد مش بيطيق ينام من الحر يعني لما اقول نمت يبقو6 ساعات من 12 ل 6 بس و شور في المتين و انزل اخرج بدري ياسلام م م م م م
اما في السقعه الواحد بينزل تحط الغطا مبيبقاش عايز يطلع اكنك نايم في تكييف لازم الجسم يتكسر

-

الموضوع: الواحد مش مظبوط خالص

LinkBack

أدوات الموضوع

عرض

-

-

-

-

المواضيع المتشابهه

ال rbm مش مظبوط

استفسار صغنطوط خالص خالص

يعني الواحد عاوز يمشي مظبوط وهما مش عاوزين يساعدوة

ال rpm مش مظبوط

الزجاج تقل خالص خالص وقرب يوصل لدرجة التوقف التام

الكلمات الدلالية لهذا الموضوع

المفضلات

المفضلات

ضوابط المشاركة