الموضوع: بفكر اغير نور الطابلوه ايه رايكم

المشاركة الأصلية كتبت بواسطة jojowork1

يا باشا هو بس مش عارف يعملهم انا مغير نور العدادات بابيض وازرق لدات بس مركبهم ورا العدات نفسها بس ديه عمليه صعبه شويه ممكن فعلا تشيل اللمبات الاصليه وتركب مكنها لدات علطول وخلاص ومغير نور مفاتيح التكيف كله ونور الكاسيت كمان والشاشه عمله ابيض كله زي ما قلتلك كل حاجه تنفع بس عاوزه واحد لعيب مش اي كهربائي

شكرا على اهتمامك
بس صرفت الحكاية دى كلها كام بالمصناعية

المشاركة الأصلية كتبت بواسطة tarek_2005

لانها عملية دقيقة جداً ومحتاجة خبرة عالية ونظافة في الشغل وللاسف ده مش متوفر في صنيعية مصر لازم تعملها بنفسك وطبعاً ينقصك الخبرة وستكون الخسارة لاقدر الله اكبر من المنفعة المتوقعة لذا لا انصحك بذلك

انا ممكن اعملها لاني فني الكترونيات ولكن لم افكر لدقة العملية

شكرا على اهتمامك
الكهربائى اللى انا بتعامل معه عنده خبرة ودقة فى الشغل
انما الكهربائى اللى سئلتة كان غير ده

المشاركة الأصلية كتبت بواسطة mely

بالله عليكم ايه الشاشه الى تحت الكاسيت دى لان الكل عمال يتكلم عليها انا معايا لانوس وان وواحده تو بس مش عارف برضه الشاشه دى فى لانوس ولا نوبيرا
انا رجعت لنوع عربيتك ولاقيتها نوبيرا وان فشكرا لاى رد هيجى عليا

هصورك الشاشة دى ورفعلك صورتها ان شاء الله
هى بتتحكم بالسماعات ومميزاتها كتييييييييييييرة وجميلة جدا
انا كنت هلغيها وهجيب بدلها مشغل اسطوانات cd بس لقيتها اكثر منفعة من ال cd

المشاركة الأصلية كتبت بواسطة coledge

ادخل على الموضوع ده يمكن يفيدك


http://www.nilemotors.net/nile/140246-a.html

شكرا على الرابط ياباشا

المشاركة الأصلية كتبت بواسطة jojowork1

كله ينفع بس في حجات مش سهله شويه عاوزه حد لعيب عشان يعملها زي مثلا كاسيت العربيه

المشاركة الأصلية كتبت بواسطة hosar

طبعا كلة ينفع بس الرك على المهارات فى التركيب
بس اعتقد ان دا بإستثناء نور الكاسيت

شكرا على اهتمامكم

يا باشا التكلفه كانت حوالي 150 جنيه كل الليدات ودوائر التشغيل بتاعتها عشان انا عامل كنترول بيقلل ويزود اضائه التابلوه وليدات الشاشه بتاعت الكاسيت فيها نوعين نوع صغير بس عادي ونوع صغير هاتشتريه من بتوع قطع غيار الموبيلات وهتحتاج ادوات خاصه للعمل زي المكوه الهوت اير مثلا
المصنيعه للاسف مش عارف عشان انا انتهزت فرصه يومين اجازه كانوا عني ونزلت عملتهم بنفسي وضحكت علي نفسي وما حسبتش نفسي فمش عارف الموضوع ده هياخد مصنعيه كام بس الكاسيت مش هاينفع فيه كهربائي علي الاقل عاوز فني في الكاسيت اذا مكانش مهندس كمان عشان احتمال يحتاج شويه تعديل لللدات 12 فولت لي 3 فولت

شكرا على اهتمامك ياباشا
بس انا مش عايز كنترول انا عايز اضاءه زى الاضاءه العادية بس تكون بيضةده كل اللى انا عايزه
الليدات اللى هجبها للعدادات ومفاتيح التكيف والكاسيت والشاشة كام لمبه وبكام

لازم تغير لمب التبلو لانها وحشة بس ربط كويس بعد متفك

شكرا على النصيحة ياباشا

بصراحه الاعداد مش فاكر بس بالتقريب العدادات حوالي 4 او 5 وش التكيف اصغر في الحجم وحوالي 4 او 5 برده الكاسيت حوالي 3 او 4
سعر الجوز من اليدات 5 جنيه ليدات الكاسيت ارخص شويه بس لو لقيت حاجه اغلي وانظف واضائتها اقوي هاتها عشان تحس بالفرق انا مركب في العدادت بس 75 ليد بس من الحجم الصغير وطبعا ركبتهم ورا العدادات مباشره عشان جوه الشسيه نفسه عشان يكون اضائتهم اقوي بس عمليه كان صعبه جدا جدا