بفكر اغير نور الطابلوه ايه رايكم

**zakar0tta** · 25-02-2011 03:00 AM

المشاركة الأصلية كتبت بواسطة dr_ahmed_kaf

شكرا ألف شكر على الرد السريع بس أنا فكيت وحدة التكييف و مش عارف اللمبات بتاعتها بتتفك ازاى وخصوصا ان عندى لمبتين تقريبا محروقين و مش عارف أفك اية علشان أوصلهم ودا مش موجود فى الشرح.

ياجماعة ياريت لو حد يرد علي السؤال اللي فات وممكن أوضحة تاني لو سمحتم:

1-انا فكيت وحدة التكييف إزاي أوصل للمبات دي
2- منين أجيب لمبات لونها ازرق لمفاتيح التكييف

وياسلام بقة لو في صور ...... دي تبقي حاجة شتراوس الجنزبيل

**zakar0tta** · 28-02-2011 02:30 AM

المشاركة الأصلية كتبت بواسطة zakar0tta

ياجماعة ياريت لو حد يرد علي السؤال اللي فات وممكن أوضحة تاني لو سمحتم:

1-انا فكيت وحدة التكييف إزاي أوصل للمبات دي
2- منين أجيب لمبات لونها ازرق لمفاتيح التكييف

وياسلام بقة لو في صور ...... دي تبقي حاجة شتراوس الجنزبيل

ياجماعة بلييييييييز الموضوع واضح إنه بسيط ومش مستاهل أعملة موضوع جديد خصوصا ان صاحب الموضوع الأصلي مغير نور مفاتيح التكييف بالفعل.

التابلوه مفتوح ونفسي أقفلة والله.

شكرا مقدما.

**jojowork1** · 28-02-2011 09:40 AM

حضرتك مش محدد ايه اللمبات اللي عاوز توصلها
لو عاوز تغير اللمبات الاصليه فك منهم اي وحده بانك بتلفها نص لفه عكس اتجاه عقارب الساعه هتلاقيها طلعت في ايدك فكها وعند اي حد بتاع اكسسورات هات نفس المقاس بس اللون اللي يعجبك الجوز مش هايتعدي 5 جنيه ركبها بنفس الطريقه اللي فاتت بس بالعكس
مش عارف هو ده اللي انت تقصده ولا ايه

**khaled_2011** · 28-02-2011 10:10 AM

الموضوع جميل جدا وكبر فى دماغى وان شاء الله هاغير نور العدادات والتابلوه الى ابيض
هو ممكن محمد السيد يشتغل فى حاجه ذى دى

**zakar0tta** · 01-03-2011 01:39 AM

المشاركة الأصلية كتبت بواسطة jojowork1

حضرتك مش محدد ايه اللمبات اللي عاوز توصلها
لو عاوز تغير اللمبات الاصليه فك منهم اي وحده بانك بتلفها نص لفه عكس اتجاه عقارب الساعه هتلاقيها طلعت في ايدك فكها وعند اي حد بتاع اكسسورات هات نفس المقاس بس اللون اللي يعجبك الجوز مش هايتعدي 5 جنيه ركبها بنفس الطريقه اللي فاتت بس بالعكس
مش عارف هو ده اللي انت تقصده ولا ايه

أولا انا بحب اشكرك جدا علي الرد وعلي الموضوع الجميل دة وخصوصا ان انا كان نفسي أعمل الموضوع دة بقالي مدة لحد ما شفت الصور الي حضرتك حاطتها للعدادات فسخنت قوي وعجبني جدا اللون الازرق في ابيض ودة بالفعل اللي انا عملتة بس طبعا في حدود امكانياتي وهرفع طبعا الصور بس لما انتهي من النقطةاللي جاية.

ثانيا طبعا انا مش بسأل ازاي افك اللمبة نفسها بتاعة التكييف ولذللك السؤال مرة ثانية وهحاول أوصل السؤال علي قد ما أقدر

أنا فكيت التكييف كوحدة علي بعضها زي ما هي في التابلوة بس مش عارف ازاي افك المفاتيح وأوصل للمبات اللي تحت المفاتيح علشان أغيرها للون الأزرق زي ما حضرتك عامل بردة

عذرا للاطالة ويارب أكون قدرت أوصل السؤال علشان أنا مهتم جدا بالموضوع دة.