الموضوع: ينفع ادرس كليه تانيه بعد ما اخلص هندسة ؟

ا سيدي الفاضل انا مش بهاجمك ولكن لو نظرت لبلد مثل اليابان او أي بلد أوربي هتجد ان معظمهم بيدخلوا مجال دراسي هم عارفين انهم هيبتكروا ويبدعوا فية ويصبح لهم شأن وأسم يتغني بيه العالم ....أما احنا مشكلتنا النظر تحت أقدامنا يعني حضرتك ...أقصي أحلامك هندسة ....طب ...حقوق ...ألخ ...ومش مهم انه حابب تكون اية لخدمة الناس وبلدك قبل نفسك ....وتقبل تحياتي

لو زى حضرتك ما بتقول اقصى احلامى هندسة مكنتش فكرت ادرس حاجه تانيه و لا كنت فكرت احضر دراسات و لا كنت فكرت اعمل اى حاجه و اشتغلت و خلاص

هو انا بتكلم تركي ؟!!! انت ليه مش قادر تفهمني انا اقصد انك ان شاء الله لما تخلص هندسة ((وده مجاللك)) بدل ما تشتت نفسك في دراسة ثانية استفيد بما درسته وابتكر واستحدث في عملك ...وخصوصا ان مجالك واسع للأبداع ...

هو انا بتكلم تركي ؟!!!

شكرا على الاسلوب الجميل فى الكلام

انت ليه مش قادر تفهمني انا اقصد انك ان شاء الله لما تخلص هندسة ((وده مجاللك)) بدل ما تشتت نفسك في دراسة ثانية استفيد بما درسته وابتكر واستحدث في عملك ...وخصوصا ان مجالك واسع للأبداع ...

افهم حضرتك حاجه الواحد ممكن يبدع فى مجال زى ما حضرتك بتقول ايه
لكن ايه رأيك لو ابدع فى مجالين فى وقت واحد
يعنى مثلا يكون مهندس مبدع و لان هو معاه كليه تانيه زى اقتصاد و حابب مجالها ممكن مثلا الشركه اللى شغال فيها تعينه مدير بعت فتره زمنيه صغير لانه راجل مهندس و فى نفس الوقت دارس اقتصاد و على درايه بعلم الاداره الماليه و الكلام ده
ارجووووووووووك للمره المليون لا تحكم على تفكير الاخرين بتفكيرك انت
كل واحد له دماغ و له تفكير فياريت كل واحد يحترم تفكير التانى حتى لو كان شايفه غلط

الاحسن تاخد دبلومة معترف بيها عالميا
زي mba
او cma
بتبقي حوالي سنتين او اكتر انت وشطارتك

ممكن تفاصيل اكتر عنهم

لما بقول لك "" أنا مش بتكلم تركي "" مفهاش أدني زعل انا لا اقصد أي شيء ولكن بضحك معاك ""هههه""
.. كدة يعني....... شكلك مابتضحكش أنصحك تدرس تمثيل قسم ضحك ...... أخي الكريم أعمل ما شئت ولك حريت الاختيار
أنت حرام الواحد ينصحك

ممكن تعمل دبلومة في اي كليه تجارة سواء لجامعه القاهرة او عين شمس
ويمكن ايضا عملها في كليه الاقتصاد بجامعه القاهرة