السلام عليكم ورحمة الله وبركاتو
كل سنة وانتو طيبين
قبل مادخل في الموضوع بنصح اي حد يبعد عن الطريق الزراعي خلال الايام دي
الحمد لله انا كنت هموت امبارح بسبب الطريق الزفت ده وكمان الاحوال الجوية
ندخل في الموضوع
راجع من دمنهور الساعة 9 ونص وطبعا الطريق شبورة جامدة جدا جدا ومكنتش شايف غير الخطوط البيضة اللي في الارض
المهم فجأة عند مدخل الدلنجات الاقي انوار حمرا كتير واصوات عربيات بتفرمل وانتظار شغال وانا طبعا من الخضة اني دست فرامل والحمد لله لحقت نفسي قبل مادخل في حد (مع اني ماشي على 60)
المهم طبعا اللي لحق نفسو لحق واللي ملحقش ربنا يعوضو
طبعا اللي خلا الناس يعملو كدة ان في تريلتين اتخبطو في بعض وبصراحة كانت حادث بشع جدا جدا واللي راح معاهم راح وشفت عربيات كتير متدمرة(ربنا يسترها علينا) وبفضل الله ثم الفرامل الجامدة كان زماني معاهم او على الاقل لبست فحد
فضلنا وقفين اكتر من ساعتين عبال ماجات الاسعاف والشرطة والعربيات اللي هتجيب العربيات المقلوبة على جمب علشان يفتحو الطريق
وطبعا مكمل باقي الطريق وانا مشغل انتظار وماشي على 50-60 علشان مش شايف اي حاجة خالص علشان كدة نصيحة محدش يسافر الايام دي على الطريق الزراعي بليل
اقعدو بالعافية