عايز اوطى ال128 خالص.....اعمل اية؟؟؟
السلام عليكم يا شباب المنتدى الكرام........كل سنة وانتم طيبين وتكون السنة الجديدة أحلى كتير
وانا بربط العفشة بتاعة العربية العفشجى الله يصلح حالة قالى العربية عندك واطية من ورا ولازم تعلى فرحت لبتاع السوست وركب سوستة زيادة علت العربية من ورا ....بس المشكلة ان دلوقتى لو السرعة عدت 80 بحس ان العربية بتعوم زى التعبان والناس بيفكرونى بلعب على الطريق السريع وبيستغربولى اوى؟؟ لكن والله غصب عنى وربنا ستر فى كذا مرة من الحوادث
لما سألت قالوا ال28 لما بتعلى بتعوم وبيقل ثباتها اى نعم هى تتحمل اوزان تقيلة ورا فى الكنبة وتغنيك عن مساعدين ورا بس انسى السرعة
فدلوقتى انا عايز اوطى العربية خالص خالص من ورا وقدام ....عشان الثبات والشكل كمان لأن الكوتشات لما تستخبى ورا الرفارف بيكون شكلها جميل
فلو تكرمتم قولولى اعمل اية واجيب اية واية الخطوات بالظبط الى اعملها
معلومة...المساعدين اللى ورا ناشفة اوى وكان متركبلها صدادت...........شكرا يا شباب