الموضوع: استفسار عن صيانة ال40 ألف !

السلام عليكم

كنت عاوز اعرف صيانة ال40 الف بتتكلف قد ايه خاصة ان فيها حاجات كتير بتتغير زي فلتر البنزين وفلتر الهواء و زيت الفتيس وزيت الكورونه. ده غير البوجيهات و و و ....الخ
ومكتوب سعر المصنعيات بتاعت صيانة ال40 ألف حوالي 300 جنيه.



حاسس ان هيتخرب بيتي في الصيانه دي

المشاركة الأصلية كتبت بواسطة semsem8080

خش علي اللينك ده هيوضخلك كل حاجة
http://www............com/vb/showthread.php?t=43805

متشكر جدا على الرد السريع

المشاركة الأصلية كتبت بواسطة semsem8080

عملت صيانة ال 40000 امبارع فى ابو غالى العبور
يا جماعه انا امبارح عملت صيانة ال 40000 لعربيتى الالنترا الاوتوماتيك 2008 و تم عمل الاتى
1- تم تغيير زيت الموتور و الفلتر بس انا اشثريت زيت شل الترا من يرا عشان هما معندهمش غير توتال -------السعر 250 زيت و 18 فلتر
2- تم تغيير زيت الفتيس الاوتوماتيك ------ السعر 90
3- تم تغيير زيت الفرامل ---------السعر 9
4- تم تغيير ماء الراديراتير ------السعر 52
5- تم تغيير فلتر البنزين ------السعر 90
6- كان المفروض تغيير فلتر الهواء بس كان خلصان عندهم
7- تم تغيير كلبس الكنبه الخلفى عشان كان مكسور ------ السعر 20
8- تم الكشف على كل اجزاء العربيه
9- تم تنضيف فلتر التكييف
10- تم تربيط العفشه
11- تم تشحيم الكاوتشات اسفل العربيه باسبراى مخصوص ------ السعر 30
12- تم غسل الموتور بفوم مخضوص -------السعر 30
13- كان المفروض تغيير تيل امامى بسا انا كنت مغيره عندهم من 5000 كيلو
14- كان المفروض تغيير بوجيهات بس انا كنت نعيره عندهم فى صيانة ال 30000
اجمالى اللى دفعته بعد الخصم 610 جوا التوكيل ( ملحوظه مصنعية صيانة ال 40000 ب 240 جنيه ) و 250 زيت من برا يبقى كله 860 و خليت الواد اللى بيغسل العربيات يغسللى العربيه كلها و اديته 20 جنيه و انا صورت كل حاجه و هنزلهلكم
الموضوع ده عالملة زميلانا فيكتور(victornabil2002) علي موقع موقع

متشكر جداااااا يافندم, الاسعار في ابو غالي احسن بكتير وناس كتير بتشكر في خدمتهم وانها احسن 100 مره من غبور. انا كنت عاوز اعملها في ابو غالي بس في حاجات تبع الضمان هعملها في غبور.

المشاركة الأصلية كتبت بواسطة ahmedsamir5edr

لو كده أعملها بره التوكيل
و كبر دماغك .. كده كده مش هتكوم طلعت من الضمان

انا اصلا عاوز ابعد عن غبور بس للأسف محتاج اروح المره دي بالتحديد عشان عندي مشكلة وتقريبا تبع الضمان ويارب تتحل.

المشاركة الأصلية كتبت بواسطة tarekabosdera

فعلا صيانة ال 40 ألف أكتر صيانة مكلفة هي وال 80 الف ومضاعفات ال 40 بشكل عام

انا عملتها قريب في مركز معتمد واتكلفت حوالي 800 جنيه رغم اني مغيرتش فلتر التكييف لانه قالي سعره 220 جنيه !!!!!!!!

اللي هتيغير نفس الحاجات اللي في الجدول بالاضافة ان المصنعية 300 جنيه ( افترى بقه )

وفلتر الهوا ب 45 ج
البوجيها ب 66 او 160 جنيه تقريبا حسب الموديل ( 2007 ولا 2009 )

فلتر البنزين ب 90 ج تقريبا

زيت الفتيس ب 140 ج

زيت المحرك شل الترا ب 250 ج

فلتر الزيت ب 20 ج

مياه رديتر ب 35 جنيه

منظف رشاشات ب 20 جنيه تقريبا ( مش فاكر ده )

لو هتعمل صيانة ال 40 الف وانت لسه في ضمان هتضطر تعملها بحذافيرها خصوصا لو في ابورواش او قليوب
ممكن تشيل بعض البنود اللي مبالغ فيها جدا زي فلتر التكييف ( 220 ج ) وتشتريه من بره أرخص وتركبه انت ( سهل جدا (

وبعد ما تطلع من الضمان مش لازم غبور خالص ولا المراكز المعتمدة لان كل اللي بيعملوه ببسساطة ممكن أي ميكانيكي عنده ورشة محترمة يعملها وبتكلفة أقل بكتييييييييييييييييييير وخصوصا المصنعية

متشكر جدااااا على الافاده بالاسعار وانا هحاول الغي بعض البنود الي مش ضروريه وما تأثرش على اداء العربيه.