الموضوع: الدروس المستفادة من السير في قوافل أثناء الضباب الكثيف

جزاكم الله خيرا يا باشمهندس وحمدا لله على السلامة
موضوع قيم جدا ما شاء الله

بالأمس حوالت السفر إلى القاهرة مساءا وعدت من العامرية بسبب كثافة الشبورة
وأعدت الكرة اليوم صباحا وعدت من عند كارفور في أول الصحراوي

أرى أنه طالما يمكن تعديل موعد السفر فالسلامة لا يعدلها شئ...وللأسف لا يلتزم الكثيرون بهذه الإرشادات سواء في السير أو التوقف

خضت العام الماضي تجربة سفر مريرة من الإسكندرية إلى القاهرة لإني كنت مضطرا للحاق بموعد في المطار في السابعة صباحا...خرجت من بيتي الساعة الثانية عشرة ووصلت القاهرة الساعة السابعة والنصف..وصلت إلى بوابة الصحراوي فوجدتها مغلقة بسبب الشبورة فحولت طريقي إلى الزراعي وكانت واحدة من أصعب الليالي التي مرت بي

نصيحة عند الاضطرار إلى الوقوف أثناء الشبورة يكون الوقوف عند الاستراحات أو الفتحات الجانبية في الطريق على أقل تقدير مع تشغيل الانتظار وينبغي أن يكون هناك علامات مضيئة كالمثلثات التي تعمل بالبطارية أو كشافات الإنارة المتقطعة وتكون على مسافة مناسبة من السيارة

البعض يضع قوالب طوب ضخمة قبل سيارته وهو ما يضاعف احتمالات الحوادث المتسلسلة

البعض يشعل النيران وهو وإن كان حلا جزئيا إلا أنه شديد الخطورة لاسيما إذا كان الشئ المحترق مما يمكن تتطايره ويسبب اشتعال الأشجار أو النباتات على جانب الطريق أو حتى الإمساك بالسيارات المجاورة التي قد يسرب بعضها ولو قدر يسيرا من الوقود

نسأل الله السلامة والعافية

المشاركة الأصلية كتبت بواسطة ashouhdy

انا ضد السير فى قوافل ... لأن غلطة واحد حتلبس باقى القافلة كلها فى بعض

معاك حق
لكن لو في مسافة فاصلة كويسة تسمح بتدارك الخطأ الموضوع بيكون أهون

انا مش عارف ايه هعى وضعية الزجاج دية

مفتاح التكييف اللي مرسوم عليه شكل مخارج الهوا من تابلوه العربية
بتختار وضع الشباك أو الشباك مع الهوايات السفلية اللي بتكون علي القدم
و خلي بالك مع الوضع ده لازم تكون دورة الهوا بتسحب من خارج السيارة مع غلق الزجاج تماما منعا لدخول بخار الماء داخل السيارة و تكون قطرات علي الزجاج من الداخل يصعب أزالتها أثناء القيادة

رفع درجة حرارة الصالون لتكون أعلي من درجة حرارة الجو بما لا يقل عن 5 درجات

الهدف من الموضوع ده هو منع تكثيف بخار الماء علي الزجاج من الداخل
و ده بيتم ببساطة كالاتي :
- تشغيل المروحة علي أي درجة سرعة
- ظبط مؤشر درجات الحرارة علي وضع الهوا الساخن بدون الحاجة لتشغيل كومبريسور التكييف

بس السرعة من 40 الى 60 كيلو مش توصلكم فى 3 ايام و لا ايه؟!

في مسافة زي من الاسكندرية للقاهرة أو العكس بنكون بنتكلم في 200 كم يعني من 4 الي 5 ساعات
طبعا المضطر أنه يسافر في الجو ده بيكون أفضل له أنه يمشي بهدوء لأن مستوي الرؤية بيكون منخفض جدا لو ظهرت حاجة قدامك مش هاتلحق تهدي

ده غير أنك ماشي ورا عربية و المسافة البينية ممكن توصل الي 3 متر علشان تقدر تشوف نور العربية فلازم تكون السرعة منخفضة

انا لسه جاى دلؤتى ياجماعه من الاسكندريه لدمنهور
والشبوره كاانت فظيعه