انا معايا ماروتي 2009 عامله 16000 هي من يوم ما جبتها ونادراً لما بخرج بليل بيها بس كل ما اخرج بليل بلاقيها بتسخن جامد وتعدي النص وخاصه لما بفتح النور العالي فبطر اقفل النور وبتبقي عاديه هو ده عادي ولا عندي انا بس
عرض للطباعة
انا معايا ماروتي 2009 عامله 16000 هي من يوم ما جبتها ونادراً لما بخرج بليل بيها بس كل ما اخرج بليل بلاقيها بتسخن جامد وتعدي النص وخاصه لما بفتح النور العالي فبطر اقفل النور وبتبقي عاديه هو ده عادي ولا عندي انا بس
لا طبعا مش عادى .. و فعلا دماغى واقفه تماما ايه علاقه النور بسخونيه العربيه ؟
بس هقولك الرد المنطقى للسخونيه ,.. راجع دوره التبريد و لو الميه بتنقص و اكشف عند بتاع ردياتير كويس ..وان شاء الله خير
و ممكن تعدى على كهربائى يبص ع الدنيا و تشيك ان كله تمام
هو اللى مجنني ان الصبح زي الفل بس هو بليل الى متفهمش بيحصلها ايه
والله يا عزيزي هوا غريبه واتوقع انه ملوش دعوة بالنور انما بتصادف بس
عموما
توقعاتي ان كهربة العربية عاليه شويه وده بالاساس اللي بتخليها بتسخن كده
وياريت تأكدلنا هوا انتا بتسوق الصبح في شوارع زحمه ولا لأ
لان العربية كده كده في الطوالي سواء شتا ولا صيف المفروض عالطوالي الحراره تقل...
انا من يومين كنت رحت لمركز صيانه يظبط العربية وللاسف لعبلي في الكهربا وخلالي العربية كده وكنت هتجنن وامشي شويه الاقي الحراره وصلت النص في اقل من دقيقه تكون الحرارة وصلت للنص
والحمد لله قعدت اظبط الكهربا لحد اما اتظبطت ولله الحمد ....
كمان ياريت تأكدلنا وضع المروحه ايه
لان المفروض اول الحراره متوصل النص تشتغل
لو مش بتشتغل عالنص بالظبط شيك عالترموستات سريعا وعلى المروحه
تحياتي
باشاااا مش هزود حاجه عن الاسطوات بتوعنااا ((:
بس ريح دماغك وشيل التروموسات خالص وزي ماقلالو لك معه شيك ع دورة تبريد
او نزل ميه كلها وحط مكانها ميه خصراء تانى وربنا يسهل وتبقا فله ...
وسلام سلاح ((:
بلااااااااااااااااش موضوع شيل الترموستات ده يا عدول
غلط جدا ولو كان شيلها احسن كان الخواجه اللي عملها منزلهاش بيها
ههههههههههههههههههههههههه هه
ممكن فعلا ينزل الميه العاديه وينظف دورة التبريد ويرجع يحط ميه خضرا ده حاجه جميله...
عموما لازم يرد على اسئلتي اللي فوق وان شاء الله نقدر نفيده
تحياتي
والله يا زززوم شيلته وبجد حاسيت بفرق كتير ان عربيه الحمدلله م شبتعدي نحيه بعد نص نهائي
ومروحه قبل نص بتشتغل وتنزله بالنسبه ليه فرق ولما نشوف ردة ايه نقرر فعلا
اعتقد انك مركب تكييف فى العربية او العربية كان راكب فيها تكييف و شيلته
اتاكد من الحتة دى و قوللى
والله يا اخي مش عايز افتي لكن والله اعلم ده كده فيه ماس بين النور وحاجه تانيه وبتعمل قفله بتخلي المكنه تسخن
مثل انه يكون ماس مع المروحه وده الارجح
رأيي ان كهربائي يشيكلك عليها خصوصا لو انتا مركب للعربية كتاوت ومعلي النور
لان مفيش اي رابط اطلاقا بين النور والحراره الا ان يكون فيه ماس بيمنع دورة التبريد,,,,
وبرضو سمعت كده ان ممكن يكون سلك الارضي مش متوصل كويس ولكن لا اعتقد ده لانه كان هيؤثر عالعربية بالنهار برضو
وهسألك كده وااكدلك ان شاء الله....
تحياتي
لا كده رسمي يا اخي الكريم روح اكشف على ضفيرة المروحة ولا تتهاون في الموضوع ده
باذن الله هتتحل....
تحياتي
بص ياباشا اول حاجة اوعي تشيل الترموستات بتاع المروعة
لان الماتور لية درجة حرارة معينة بيكون عندة حرق البنزين في اعلي كفائتة
ودرجة لزوجة الزيت في اعلي كفائة
فانت لما هتشيل الترموستات المروحة مش هتفصل ودا هيخلي الماتور بارد وهتلاحظ ان السحب ضعف ولازم تحرق علي الغيار
عشان تجمع معاك
مشكلة السخونية دية فمن المروحة
لما تفتح النور العالي بيستهلك من البطارية جامد فالمروحة مبتخدش سرعتها لان الكهربا كلها رايحة للنور العالي
وممكن تكون المروحة مبتشتغلش خالص
لو المروحة طلعت بتشتغل والنور العالي مفتوح فممكن يكون البطارية فيها ربع ضارب او حاجة
بص الموضوع محتاج كهربائي شاطر ليس اكثر
طيب اتأكد من ده الاول
نور النور ولما تسخن وانت سايب النور شغال المروجه شغاله ولا لاء
قيس الامبير خارج الدينامو علي البطاريه
شوف هل في قفله كتاوت النور مع الترموستات
حضرتك محتاج فعلا كهربائي شاطر يراجع على المروحه والكهربا اللي واصلالها
حتما ولا بد في علاقه بين النور والمروحه او نظام التبريد عموما
وبرضو ياريت تتاكد من سلك الارضي واصل ولا لا....
تحياتي
عذراا
الترموستات اذا قفش فى عربيه مرة واحدة
وللاسباب تكون خارجه عن ارادة اي حد
فاعلم ان عربيه هتجيب وش سلندر ع طول
وليس له اي تاثير على سحب العربيه
سحب العربيه يتاثر بالكهرياء وفلتر الهواء ونوع البنزين...؟
هوا اكيد له فوائد كتير والا ماكنتش نزلته بيه وعلموها الخواجات وركبوه
لاوكن فى جو بتعناا دة ومع انواع عربيات كرباتير عيوبه وضرر كبيرة
دي وجهه نظري المتواضعه .... والله مستعان.
طيب افتح الكبوت و العربية تكون دايرة و شغالة و قف امام الموتور و اسمعه كويس و خلى اى حد يشغل النور الواطةى و العالى و العالى خالص و اسمع صوت الموتور زى ما هوه و لا على الصوت شويتين
لان تقريبا فيه حاجة عندك بتشتغل مع النور العالى بتعلى صوت الموتور و تزود له البنزين فتخلى العربية تسخن
اتاكد و قوللى و انا معاك واحدة واحدة لغاية ما نوصل للسبب
صاحب الموضوع عندى نفس مشكلتك ياترى حليتها ازاى