السلام عليكم , دلوقتى فيه اخ فى السعودية فى بلد اسمها عرعر المفروض انه يعملى توكيل خاص لانجاز معاملة معينة - و انا طبعا موجود فى مصر - المهم صاحبنا راح عمل التوكيل فى المحكمة الشرعية هناك و اتصل بيا و قاللى انه سأل فى المحكمة و قالوله ان التوكيل ينفع يتصدق من اى مكتب للخارجية فى مصر , و عليه راح حاطه فى جواب و بعتهولى على كدة , ياترى الكلام ده صحيح و لا التوكيل كان لازم يتصدق من السعودية , الرجاء من اصحاب الخبرة و التجربة ما يبخلوش عليا بالمعلومة نظرا لاهمية الموضوع بالنسبة لى.
على حد علمي و عن تجربة زميل عمل ..... صاحبك في السعودية يروح القنصلية المصرية يعمل لك توكيل مصري ....
تقريبا مفيش قنصلية فى البلد اللى هو فيها , و بعدين فيه طريقتين للتوكيل الاولى اللى حضرتك بتقول عليها و دى مش محتاجة اى اجراءات تانية - زى ما يكون التوكيل طلع من الشهر العقارى فى مصر بالظبط , الطريقة التانية هى عمل التوكيل فى المحكمة الشرعية و تصديقه من الخارجية المصرية - بس المسالة المحيرة هنا هى هل يلزم تصديق التوكيل من الخارجية السعودية بالاضافة الى الخارجية المصرية و لا لأ.
التوكيل لازم يتعمل في القنصليه ويبعته ويتصدق عليها هنا في الخارجية ويودع احد مكاتب الشهر العقاري
طالما بعته بالطريقة دي مش هاينفع ... كان لازم يكون مصدق عليه يا إما القنصلية المصرية في السعودية .. يا إما يكون معتمد من الخارجية السعودية ...
لو إتصدق عليه من القنصلية المصرية في السعودية .. بيتعمل له محضر إيداع في مكتب الشهر العقاري التابع له الوكيل
لو إتصدق عليه من الخارجية السعودية لازم يتم التصديق عليه من الخارجية المصرية أيضا قبل إيداعه في مكتب الشهر العقاري التابع له الوكيل
لكن كده من غير تصديق عليه سواء من الخارجية المصرية أو السعودية أو حتى القنصلية ... مكتب الشهر العقاري والتوثيق مش هايقبله منك نهائي .. لازم يكون عليه تصديق من جهة مصرية (خارجية أو قنصلية) قبل مكتب الشهر العقاري
ما هى الفكرة ان مكاتب الخارجية موجودة فى مصر فى كل المحافظات و بتقوم بعملية التصديق دى , لكن السؤال هو هل هيقبلوا التصديق على التوكيل اللى معمول فى المحكمة الشرعية السعودية؟اقتباس:
المشاركة الأصلية كتبت بواسطة n.y.s.m.a
اقتباس:
المشاركة الأصلية كتبت بواسطة mr_kenawy
مكاتب الخارجية اللى موجودة في مصر مش بتصدق على أي مستند دولي إلا إذا كان مصدق عليه من الخارجية التابعة للدولة الصادر منها المستند أو إن المستند يكون مصدق عليه من القنصلية المصرية في الدولة دي ... غير كده مش هايرضوا يبصوا حتى في الورق ...
لأن المحكمة الشرعية السعودية مالهاش صفة إعتبارية لتمثيل الدولة السعودية في الخارج ... والجهة الوحيدة اللى بتمثل أي دولة في الخارج هى وزارة الخارجية متمثلة في السفارت والقنصليات التابعة ليها في كل الدول اللى ليها علاقات دبلوماسية مع الدولة دي
وعموما الإجراء الطبيعي اللى موظفين الشهر العقاري حافظينه هو إن الشخص بيروح يطلع التوكيل من القنصلية المصرية في الدولة اللى هو فيها على طول من غير أي تعقيدات تانية
لك جزيل الشكر , و نبدأ الاجراءات من الاول و امرنا لله.