محتاج رأيكم ضروري

**bakkarahmed** · 25-12-2010 08:07 PM

من فتره كانت حصلتلي مشكله بسيطه الا وهي ان مسمار ربط الكاوتش بتاع العجله اللي ورا فوت مني وانا باغير الكاوتش ... انا كنت مضطر اسافر بالعربيه فربطت التلات مسامير كويس وقلت امشي علي مهلي ولما ابتديت اتحرك بالعربيه كنت باسمع صوت حكه جايه من الكاوتش اللي ورا وركنت اكتر من مره ومعرفتش اعمل ايه وكان الوقت متاخر ساعتها فتوكلت علي الله وكملت... والجديد اني لما كنت باكبس فرامل علي سرعه كانت العربيه بتغربل جامد من ورا وبيكون فيها رعشه عاليه جدا فعرفت انا الكاوتش مش حاكم كويس بالتلات مسامير فقللت السرعه وقللت استخدام الفرامل علي قد ما اقدر علشان ماتعملش مشاكل علي المدي البعيد
وصلت الحمد لله ورحت للخراط عملي مسمار جديد وكله تمام
اطلع اجرب الاقي صوت الحكه زي ماهوا..........وبعدين.........طلعت علي طريق سريع وكبست فرامل لقيت الرجه اختفت .....الحمد لله
رحت لميكانيكي وقلتله علي اللي حصل وكمان صوت الحكه ده كان بيظهر لما كنت باركب الجنط الاصلي الحديد بتاع العربيه (الاستبن حاليا) مكان الجنط الاسبور علشان انا العربيه عندي مجنطه قالي انت مركب جنوط وهي سبب المشاكل وهانضطر نقصر المسامير شويه ولما قصر المسامير فعلا صوت الحكه راح وانا ماشي ولكن العربيه كانت مصممه انها تشتغلني وكان ليها رأي تاني ولما كنت باكبس فرامل ظهر صوت طقطقه جاي من نفس العجله اللي ورا.........وبعدين
رحت للميكاني تاني اللي زهق مني زي ما انتوا زهقتوا بالظبط وحل الفرده وقالي الطنبوره والسوست والتيل سلام ولكن في مسمار وحش روح هات واحد بداله وجبت المسمار وقصره برده شويه وركب وبرده بيظهر صوت حكه متقطعه مع كبس فرامل ...انا بصبت علي الجنط من جوه لقي الاوف سيت بتاعه 30 والاستبن الاوفسيت 49... وراكب عندي علي الطنبور حلقه بلاستيك بيضاء صغيره الميكانيكي بيقول انها بتركب مع الجنوط دايما وبتتشال لما تركب الاستبن
انا عايز اعرف رايكم في سبب الصوت
تاني حاجه يظهر ان في اختلاف في الاوفسيت عامل مشكله( مع ان ماكنش فيه اي مشكله قبل كده الا لما كنت باركب الاستبن فقط (اللي هو الكاوتش الاصلي مكان الجنط) وانا ماعرفش مدلول الارقام دي ايه فياريت النصيحه .
واسف جدا علي الاطاله

**mely** · 25-12-2010 10:05 PM

طبعا الاوف سيت عندك غلط لانه كده بعيد قوى عن بتاعها بس ده يظهر معاك وانت ماشى يخلى التحكم فى العربيه مش متزن
طبعا موضوع لصوت ده حصل معايا قبل كده بس من العجله الاماميه وكانت عباره عن ورده اتشالت من المسمار الى رابط جهاز الفرامل ومره تانيه ظهر عندى برضه صوت وكان من الرصاص بتاع النط الاسبور بس ده فى العجله الاماميه موضوع انك تمشى بثلاث مسامير ده خطر بس ميأثرش على الثبات يعنى العربيه ماتغربلش ولا اى حاجه من الى بتقول عليه ثم انت بتقول قصر المسمار اى واحد فيهم لان المفروض ان الاربعه مقاس واحد يبقى لو واحد عمل حكه اكيد الباقى هيعملها انت مقاس الكاوتش عندك كام وعايزك تبص على الشفه الداخليه للجنط لامها ممكن تكون بتحك فى حاجه واتاكد ام الطنبوره مش بتحك فى القميص الصاج بتاعها بس كل دم مايخليش العربيه تغربل ثم الغربله لو على سرعه اقل من 120 كم تبقى من العجل الامامى مش الخلفى صوت الحكه مستمر معاك على كل السرعات ولا لأ

**bakkarahmed** · 26-12-2010 12:30 AM

العربيه كانت متزنه تماما انما الغربله دي لما كنت بادوس فرامل فقط
مقاس الكاوتش عندي العادي 175/70
الميكانيكي قصر الاربع مسامير كلهم مش واحد بس ولما صوت الحكه المستمره اختفت من السلانسيه بعد تقصير الاربع مسامير وظهرت تاني مع الفرمله فقط شك في مسمار قاالي انه ممطوط شويه و هات واحد بداله وجبتله واحد جديد وقصره برده زي التانيين والصوت ده زي مايكوت حته من التيل خامته وحشه ومش بيقفش بالتساوي مع سطح الطنبوره مع العلم ان التيل كويس والطنبوره كويسه
بانسبه الاتزان ..بالرغم من اني اكتشفت حكايه الاوفسيت دي بالصدفه من المنتدي انما والله انا بامش علي 160 ومافيش الهوا خااااااااالص لاحدفه ولا رعشه ولاتعويمه نهائي والعربيه بتكون علي الطرق النضيف خط مستقيم ومع الفرامل لابتحود ولابتغربل بس انا عايز اعرف السبب ايه
وعايز اعرف الاوفسيت ده معناه ان الجنط طالع لبره ولا داخل لجوه عن الطبيعي
انا شاري العربيه كدا من حوالي سنه وماعرفش حاجه من الجنط ولا الاوفسيت كل اللي كنت بالاحظه قبل كدا اني لما باركب الجنط الاصلي بيظهر حكه معاه فكنت باكبر دماغي والحم الجنط الاسبور