طريقه تصليح النقر والخبطات البسيطه.. موضوع للمناقشه

**meza** · 27-12-2010 12:15 AM

المشاركة الأصلية كتبت بواسطة mahmoud_afifi

ده مجرد نيتروجين يعني مش هيأثر من ناحية الكيماويات. ده الهواء الجوي اغلبه نيتروجين :)
وكمان النيتروجين بيدخل في الصناعه مع الصلب عشان يتعمل مقاوم للصدأ يعني مفيش منه اي خوف اطلاقا.

انما من ناحية درجة الحراره فهنا المشكله كلها. بس اعتقد ممكن اتغلب على الموضوع ده بإني ارفع درجة حرارته شوية بحيث الفرق من السخن للبارد مايبقاش كبير قوي.

لا لا أنا كان قصدى على موضوع أسيتات الصوديوم .. يا ريت حضرتك تسأل هتأثر عالدهان ولا لأ قبل ما تجيبه

**mahmoud_afifi** · 27-12-2010 12:34 AM

المشاركة الأصلية كتبت بواسطة felix

لالالالالالا
لو ليك حد بيشتغل في الجمرك او قرية البضايع او المطار عامة ممكن يجيبلك علبة

لأ للأسف ماعرفش حد شغال في قرية البضائع

**mahmoud_afifi** · 27-12-2010 12:39 AM

المشاركة الأصلية كتبت بواسطة meza

لا لا أنا كان قصدى على موضوع أسيتات الصوديوم .. يا ريت حضرتك تسأل هتأثر عالدهان ولا لأ قبل ما تجيبه

مش عارف بصراحه, بس في جميع الاحوال انا مش لاقيه اصلا :)

**mahmoud_afifi** · 28-12-2010 03:24 PM

المشاركة الأصلية كتبت بواسطة mbhead

كاديلاك دي فيل كوبيه 1979 ولا غالية ولا حاجة ممكن تجبها ب 15 الف ولا حاجة بس صاحبها شكله راجل جنتيل اووي
و غالبا القيمة بتيقي معنويه اكتر من ماديه يعني تلاقيها غاليه عليه و الامريكاني القديم دا قصة تانيه

اه اكيد طبعا والتكلفه الي دفعها دي كلها اكيد رجعتها احسن ما كانت وهي جديده

المشاركة الأصلية كتبت بواسطة mbhead

و زي انا ماقلت لحضرتك بويه المصنع مش حتطق من الصاج بسهولة و حتي بالحرق بتقرف الصنايعي احلي قرف
لانها مرشوشة علي الصاج عطول من غير معجون و كمان الصاج مش بيبقي زفر
طبعا في درجة حرارة عاليه فبتبقي كانها حته من الصاج
بس الصراحة موضوع النتروجين دا انا معرفش دور علي النت و اسال بوهياجي فاهم مش و لو حضرك عايز تجرب ممكن بلاش في عربيتك

طب تمام متشكر جدا على المعلومات بس يعني ايه الصاج مش زفر ؟
وكمان انا كنت فعلا ناوي اجرب في عربيتي عشان فيها نقرتين وخبطه كده كنت عاوز اصلحهم بالطريقه دي بس طلع فيها مجازفه.

هدور على النت واشوف حد جربها قبل كده ولا لأ. ومتأسف على الرد المتأخر عشان كان عندي امتحان :)

**amr.mostafa** · 28-12-2010 10:21 PM

هو ايه التلج الجاف ...

**Medo.Malek** · 28-12-2010 11:53 PM

طب شوف كده الفيديوز دول و قلى رأيك
1
YouTube - Major Prius Bumper Dent Repair
2
YouTube - Compressed Air Dent Removal
3
YouTube - Repair a dent easy and fast with dent pulling and PDR tools
4
YouTube - Dent Pulling - Bondo Auto Body Repair

**MBhead** · 29-12-2010 12:39 AM

المشاركة الأصلية كتبت بواسطة mahmoud_afifi

طب تمام متشكر جدا على المعلومات بس يعني ايه الصاج مش زفر ؟

الزفارة دي مثلا بقايا بويه قديمه او بقايا مادة بتعالج الصدا كل ده ييسمواا زفارة صاج بس دي كلمة بيقولها الصنايعية
البوهياجي النضيف لازم ينزل الزفارة دي و بعد كده يديه المعجون و يصنفره و يرش عشان البويه تلقط في الصاج
لو بوهياجي اي كلام تلاقي البويه تطق علي طول عشان الصاج زفر او المعجون عامل زي المحاره