طريقه تصليح النقر والخبطات البسيطه.. موضوع للمناقشه

**mahmoud_afifi** · 25-12-2010 09:55 PM

السلام عليكم

كان في طريقه لتصليح النقر في صاج العربيه وهي باستخدام الثلج الجاف, بنحط الثلج الجاف على الصاج وهو سخن شوية وبعدين بنلاقي ان النقره اختفت.
كانت المشكله ان مش عارفين نلاقي الثلج الجاف فين !
وفي ناس استخدمت ثلج عادي من الفريزر بس ماعملش نتيجه ملحوظه.

انا كان عندي فكره مشابهه للفكره دي وهي باستخدام النيتروجين !
بما انه غاز بيستخدم في التبريد نظرا لأن درجة غليانه -195 درجة مئويه, ليه مانسخدمهوش كبديل للثلج الجاف !!

نسخن الصاج عن طريق ان نسيب العربيه في الشمس او في فرن زي الي بنحط فيه العربيه بعد الدهان وبعدين نعرضه للنيتروجين بحيث يحصل عملية تبريد مفاجئ والصاج ينكمش ويرجع لوضعه الطبيعي.

بس مش عارف خصائص النيتروجين الي بتستخدم في نفخ الكاوتشات هي نفس الخصائص الي بتستخدم في التبريد ولا بتختلف عنها.

**mahmoud_afifi** · 25-12-2010 10:23 PM

المشاركة الأصلية كتبت بواسطة kamalsalem

liquid nitrogen؟ على الصاج؟ وكمان بعد الشمس؟ أكيد البوية مش متصممة لدرجات الحرارة دي

بص على اختبارات مرسيدس هتلاقيهم بيعملوا كده بيحمدوا العربية فجأة ويسخنوها بعدها فجأة ويتأكدوا انوا مفيش حاجة هتفك... بس في عربياتنا ربنا يديها الصحة اكيد البوية هتطق

مش عارف بصراحه موضوع اختبارات مرسيدس, بس هل فعلا الفرق ده ممكن يعمل حاجه للبويه ؟
اقصد البويه الي بتبقى جايه مع العربيه مش لما بيكون حد راشش العربيه عشان اقل حاجه بتأثر في المعجون ويشقق !

**mahmoud_afifi** · 26-12-2010 01:42 AM

بس احنا مش هنعمل الخطوه دي على العربيه ككل !
مجرد مكان الخبطه وغالبا هيبقى على مساحه صغيره بحيث ماتأثرش على الاجزاء المهمه ومتأثرش من خصائص المعدن.

**mahmoud_afifi** · 26-12-2010 02:14 AM

المشاركة الأصلية كتبت بواسطة mbhead

حضرتك بوية المصنع مش يتطلع من الصاج بسهولة لانها مدهونة دهن كمبيوتر (مش ناس اللي بترش) في درجة حرارة عالية و خامات عالية مش زي البوهياجية بتوع مصر
حضرتك من خبرتي في العربيات اقوللك لحضرتك ان البويه عالم تاني خالص و انواع و اشكال و ماركات و حاجات معقدة انا مرة شفت واحد راشش عربيته ب 12 الف خوارج فقط و هوا اللي جايب القوايل استغرب جدا جدا و لما سالت البوهياجي قلي انا اول مرة اشوف نوع الدوكو اللي هوا جيبوا دا .... الدوكو بيلقط في الصاج ولا كانهم حته واحده و ينشف بسرعة جدا

ماهو ده المطلوب اثباته.
احنا مش عاوزين البويه تطلع وفي نفس الوقت نرد مكان الخبطه عن طريق انكماش الصاج.

بس عربية ايه دي الي اتكلفت 12 الف ؟ اكيد حاجه غاليه قوووي

**د.محمود صلاح** · 26-12-2010 08:02 AM

المهم ان النيتروجين نفسه ما يخربش الدهان

**mahmoud_afifi** · 26-12-2010 04:13 PM

المشاركة الأصلية كتبت بواسطة د.محمود صلاح

المهم ان النيتروجين نفسه ما يخربش الدهان

على حسب ما شوفت في الطريقه بتاعت الثلج الجاف الي استخدموه ماحصلش اي حاجه للدهان انما بالنسبه للنيتروجين كغاز مش سائل مش عارف ايه الي ممكن يحصل.
خاصة ان زي ما الاستاذ MBhead قال ان الدهانات الحديثه مابتتأثرش بسهوله.