مليت نيتروجين علي مقاسات الصني الجديدة 36&33 واليكم التقرير .....!!!!
السلام عليكم وانا مروح عديت علي بريدجستون اللي في عمارات العبور وقلت للعامل عايز املي نيتروجين قالي العربية اللي جوة تتطلع وحضرتك تدخل مكانه .... المهم دخلت 3 عمال وقفوا جنب العربية واحد كان ماسك الخرطوم عند الكاوتش والتاني كان تقريبا بيفتح النيتروجين ... والتالت (مش فاكر كان بيعمل ايه مخدش بالي :shyy: ههههه )
فقلت للاول عايز اظبط قدام علي (36) والوراء علي (33) ...... قالي مين اللي قالك كده ياباشا ... قلتله مكتوب علي قايم العربية ... وانا بكلمه واحد شافه ... وهو راح يتأكد لقاه فعلا 36,33 ....... قالي ايه اللي يتغير تقلت يعني ولا ايه
قلتله والله معرفش ... بس القايم مكتوب عليه وكان في ورقة تحذير باتباع ضغط الاطارات المكتوب علي القايم
المهم ظبطه وقالي لو حسيت العفشة ناشفة تبقي تعالي اظبط الضغط تاني ... قلتله ان شاء الله
وكان معايا الافيزات البلاستيك ديه علشان اربط بيهم الطاسات ... خليتهم يعمولهالي .... والحمد لله دفعت وادوني فاتورة
الاختلافات اللي حسيت بيها :
1-ماشاء الله الارض مش حاسس بيها خالص زي الاول
2-حاسس ان الباور تقل سنة.(هو اول ما خرجت كان تقيل ... لكن دلوقتي بقي اخف نمن الاول) حتي في الملفات بقي محترم ماشاء الله
3- العربية لسه فيها حدفة سنه شمال .. وديه شكلها عايز ظبط زوايا.(ان شاء الله صيانة الالف)
....... والنهارده اول مرة اركن في الشارع ... ملاقيتش المكان اللي بركن فيه كل يوم .... المكان كنت فاكرة كبير ووقفت الشارع كله ...... هههههه العربية كبيرة ماشاء الله (البولو اللي كانت معايا ديه كانت ميدالية ... هههههه )
في سؤالين كده علي الماشي :
1- حاسس ان صوت العربية علي عن الاول .... معرفش تهيأت ديه ولا ايه؟؟
2-انا عصب عني كنت بفرمل بس مش مرة واحده ... بس يعني هه جامد شويه .... ده في غلط كبير علي الطنابير؟؟؟
بس فعلا ماشاء الله ............. العربية بقت حاجة تانية خاااااااااااالص :hlopaet_prv:
الحمد لله رب العالمين