انا عندى الـ 5 درج
الاستهلاك حسب المكتوب على بادج الباب 52 كيلو وات شهرياً
اللمبات اللى فوق مش بيتداس منها غير على زرار السوبر بس اللى هو الاصفر , الاخضر منور طول ما الكهرباء واصله
الاحمر بينور لو درجة الحرارة جوا الديب فريزر اقل من المطلوب , يعنى معناها انك يا اما مشغله على درجة تشغيل اقل من اللى ممكن تبرد اللى جواه مقارنة بالجو حواليه او ان مثلا فى تسريب بيرفع درجة الحرارة جوا
لما تلاقى اللمبة منورة اتأكد ان الباب مقفول كويس ومفيش تسريب ولو كله تمام ارفع درجة التبريد وشوف تانى بعد ساعتين
زرار السوبر ده لو انت مثلا جايب كمية كبيرة من الاكل ، او فضيت الفريزر نضفته ، او اى سبب محتاج علشانه ان التبريد يرجع جوا الفريزر بسرعة للحفاظ على الاكل تدوس عليه ، بس خلى بالك مش اكتر من ساعتين علشان الموتور ميتحرقش
ده كل اللى اعرفه عن دولاب اللحمة :)
المفضلات