دبست نفسى فى موتور 2000cc للويرا ومحتار بيه ...
السلام عليكم يا بروتوناويه
معلش أنا مشاركاتى بسيطه اليومين دول بس أوعدكوا بمواضيع جديده بدل اللى أتمسحت ان شاء الله
محتاج رأيكوا فى موضوع
من فتره دماغى لفت لما جربت عربيه عليها موتور مايفك فقررت أركب تربو أو أسقط موتور
المهم معظم اللى قابلونى فالحرفيين حذرونى من التربو ومشاكله ونصحونى بتسقيط موتور
المهم ظبطت الموتور ال1300 اللى راكب عالعربيه وخليته ممتاذ والتسارع فوق الممتاذ
بس لما بيركب معايا 3 أو 4 السحب بيروح فالهوا
من حوالى أسبوع لقيت موتور 2000 cc أنجكشن أستيراد بيركب على ميتسوبيشى البطه يعنى نفس اللى راكب عندى بدون تعديل :S_thum1[1]:
بدون أى مقدمات لقيت صاحب المحل بيقولى خد الموتور ده ركبه عندك وجربه وقولى النتيجه وبعدين نتحاسب :U_thin1[1]:
قولتله بس الموضوع ده مكلف وهحتاج تعديل العفشه والفرامل و ....
قاللى مالكش دعوه ركبه وهنظبط الموضوع ده بعد كده
من الأخر الموتور شكله محمسنى ودلوقتى محتاج نصايحكوا قبل ما دماغى تاخد قرار مفاجئ وأخده أركبه ومش هياخد معايا 4 ساعات بالكتير وهيكون راكب :120146b
ايه رأيكوا أسقط ولا أفكر من تانى ؟؟؟؟؟؟؟؟؟؟؟؟؟؟ :11:
