السيراتو أتسرقت و لا حول و لا قوة إلا بالله

**ALSHARIEF** · 26-12-2010 12:15 PM

لا حول و لا قوة إلا بالله العلى العظيم .... إنا لله و إنا إليه راجعون .... أللهم أجر أخى فى مصيبته و أخلف له خيرا منها و رد عليه ضالته و لا تجعله من الأييسين.................. أمييييييين .

المشكلة بجد يا جماعة إن الكلاب دول ( لا بارك الله لهم ) تلاقيهم متطورين جدا و حافظين العربية و عارفين إزاى يفتحوها أو يكسروا إزازها و إزاى يشغلوها أو حتى يفكوا تعشيقها و يقطروها أو يرفعوها على ونش المصيبة الأكبر إنهم بياخدوا العربيات المسروقة ده على ورش خفية مقفولة و يبتدوا جوا الورشة يقطعوا العربيات أو يفكوها و يبيعوها قطع غيار ( أللهم أرنا فيهم عجائب قدرتك )............ أو فيه إحتمال تانى و يارب يكون ده إللى حصل فعلا إنهم حبة حيوانات كانوا شاربين و لا ضاربين أى بلى أزرق و أسود على دماغهم و دماغ إللى جايبينهم سرقوا العربية يلفوا بيها شوية و لا حتى يعملوا بيها مصيبة و بعد كده سابوها فى أى حتة زى ماهية إن شاء الله .

أنا أسف ياجماعة على نرفزتى و إستخدامى لبعض الألفاظ الخارجة بس بجد لإنى حاسس بالراجل و مقدر مصيبته و يارب ينهيهاله على خير و يرجعله العربية و تنتهى المشكلة .

فى محاولة كده هعملها بس مش هاقول عليها دلوقتى و يارب يوفقنى و أكون سبب فى إسعاد الراجل ده و أسرته بس أسألكم الدعاء

**kamalsalem** · 26-12-2010 12:32 PM

ربنا معاه بجد ويلاقي عربيته... ويا رب الأخ اللي قال ممكن يساعد يعرف يعمل حاجة

**ALSHARIEF** · 26-12-2010 01:08 PM

السلام عليكم و رحمة الله و بركاته ..................

إستكمالا للمعلومات أنا لسه مكلم أخونا فى الله صاحب العربية ........ ( الأستاذ شريف ) بجد راجل ذوق جدا و محترم أوووووووووى بجد إدعوله يا جماعة من قلبكم بظهر الغيب ( إن مع العسر يسرا ) .

العربية إتسرقت يوم 5/12/2010 من شارع متفرع من شارع السودان خلف نادى التوفيقية و المحضر إتعمل فى نفس اليوم فى قسم العجوزة برقم 30590 فياريت إللى ممكن يساعد بأى حاجة ما يتأخرش و أنا عهدى بالناس هنا إنهم رجالة و بجد ده فرصة كويسة أوى إننا نرجع نتفاعل مع بعض مرة تانية و نرجع للمنتدى مرة تانية رونقه و بريقه و جماله و عسى الله لو رأى منا خيرا أن يكافئنا و يرد الغائب على أيدينا ............ عندى إحساس غريب إن الراجل ده هيلاقى عربيته أو على أقل تقدير هيسترد حقه من الحيوانات إللى عملو كده ............. بالله عليكم ده فرصة نلم فيها بعضنا من جديد و عفى الله عما سلف ........ و لا إيه يا عم وائل ( حبيبى يا أبو ليلى يا جميل )

أنا بفكر نطلب من إدارة المنتدى إننا ننشر الموضوع فى كل الأقسام و نعممه علشان الكل يعرف و يشارك و يتفاعل معانا............. إيه رأيكم ؟

كمان عايز أطلب من إخوانا إللى فى المحافظات إنهم يدوروا فى مخارج و مداخل البلاد لإن على حسب تخيلى إنهم خدوا العربية لفوا بيها لفتين و سابوها فى أى حتة ممكن تكون موجودة على مداخل المحافظات و لا إيه رأيكم .

و لا تنسوا ( تعاونوا على البر و التقوى ) بالله عليكم دعوة لللتعاون على البر و التقوى فياليت الكل يقبلها و يعمل بها

**Conspirator** · 26-12-2010 01:12 PM

على فكره يا جماعه فى واحد زميلنا فى المنتدى بردوا عربيته لسه مسروقه هو كمان هيونداى النترا 2011 وفى نفس المنطقه اتسرقت من جنب نادى الترسانه كده واضح انها عصابه واحده لان السرقة بنفس الطريقة

ولو قدرنا نجمع الزميلين مع بعض ونحقق فى الموضوع لان حاسس انه فيه ان وممكن يكونوا جايبينهم من معرض واحد او حاجه زى كده لان العربيات الحديثه سرقتها مش سهله

**M7amD_7amDy** · 26-12-2010 02:37 PM

لا حول ولا قوة الا بالله

ربنا يصبره فى مصيبته ويرجعهاله ان شاء الله

وجزاك الله خير على نقلك للموضوع

**max_ziro** · 26-12-2010 03:19 PM

ربنا يعينة و يقدرة على هذا الاختبار ..

**ابو ليلى** · 26-12-2010 03:40 PM

المشاركة الأصلية كتبت بواسطة alsharief

السلام عليكم و رحمة الله و بركاته ..................

إستكمالا للمعلومات أنا لسه مكلم أخونا فى الله صاحب العربية ........ ( الأستاذ شريف ) بجد راجل ذوق جدا و محترم أوووووووووى بجد إدعوله يا جماعة من قلبكم بظهر الغيب ( إن مع العسر يسرا ) .

العربية إتسرقت يوم 5/12/2010 من شارع متفرع من شارع السودان خلف نادى التوفيقية و المحضر إتعمل فى نفس اليوم فى قسم العجوزة برقم 30590 فياريت إللى ممكن يساعد بأى حاجة ما يتأخرش و أنا عهدى بالناس هنا إنهم رجالة و بجد ده فرصة كويسة أوى إننا نرجع نتفاعل مع بعض مرة تانية و نرجع للمنتدى مرة تانية رونقه و بريقه و جماله و عسى الله لو رأى منا خيرا أن يكافئنا و يرد الغائب على أيدينا ............ عندى إحساس غريب إن الراجل ده هيلاقى عربيته أو على أقل تقدير هيسترد حقه من الحيوانات إللى عملو كده ............. بالله عليكم ده فرصة نلم فيها بعضنا من جديد و عفى الله عما سلف ........ و لا إيه يا عم وائل ( حبيبى يا أبو ليلى يا جميل )

أنا بفكر نطلب من إدارة المنتدى إننا ننشر الموضوع فى كل الأقسام و نعممه علشان الكل يعرف و يشارك و يتفاعل معانا............. إيه رأيكم ؟

كمان عايز أطلب من إخوانا إللى فى المحافظات إنهم يدوروا فى مخارج و مداخل البلاد لإن على حسب تخيلى إنهم خدوا العربية لفوا بيها لفتين و سابوها فى أى حتة ممكن تكون موجودة على مداخل المحافظات و لا إيه رأيكم .

و لا تنسوا ( تعاونوا على البر و التقوى ) بالله عليكم دعوة لللتعاون على البر و التقوى فياليت الكل يقبلها و يعمل بها

عندك حق يا شريف

وانا عن نفسى اخدت رقم العربية ومواصفاتها ويمكن ليه لا ...اشوفها وانا ماشى

كان نفسى تساله اذا كان فى العربية ايموبلايزر ولا لا ؟

**Donzi** · 26-12-2010 04:38 PM

المشاركة الأصلية كتبت بواسطة mameen

اللهم يا جامع الناس ليوم لاريب فيه إجمع بينه وبين ضالته آمين

امين يا رب العالمين

و جزاك الله خيرا على نشر الموضوع

الموضوع: السيراتو أتسرقت و لا حول و لا قوة إلا بالله

LinkBack

أدوات الموضوع

عرض

-

-

-

-

-

-

المواضيع المتشابهه

عربية أتسرقت :(

أنا أتسرقت يا كياوية

بالله عليكو افيدونى يا اصحاب السيراتو

أتسرقت في أبو رواش!

الكلمات الدلالية لهذا الموضوع

المفضلات

المفضلات

ضوابط المشاركة