الموضوع: السيراتو أتسرقت و لا حول و لا قوة إلا بالله

السلام عليكم
ربنا يصبر صاحب العربيه و يعوضه .و يلاقيها ان شاء الله
قدامه حلين:
1- تصعد الموضوع و تكبره اوى و تكلم معارف جمدين اوى فى الشرطه و يا ريت لو فى نفس المنطقه اللى اتسرقت منها.(الشرطه بتاعتنا جمده جدا بس مبيتحركوش الا فى القضايه الكبيره و بيجيبوا من الاخر و بسرعه)غير كده صعب.
2-السكه دى بلاش منها احسن و خليك فى الشرطه احسن و أمن,(تحاول تشوف حد من الامناء او حد ممكن ياخد فلوس و يطقص و يلاقيلك عربيتك )(حد عنده خبره فى الموضوع ده و شغال فيه بمعنى (1-واحد من الامن "شرطة السيارات"2-واحد يعرف يسلك مع الاشكال اللى سرقوا العربيه و عارف سككهم و طرقهم)
و خلى بالك فى حاجه اسمها السلوك الاجرامى او فى محلل نفسى فى الشرطه (عن طريق الملابسات و طريقة السرقه هما بيقدروا يحددوا شخصية المجرم و يقبضوا عليه حتى لو مش عرفينه و حتى لو مش مسجل عندهم ,الشرطه لما بتحط حاجه فى دماغها بتعملها)
الموضوع عاوز شوية توصيات و شوية رش جامدين .
و اهم حاجه فى الموضوع السرعه قبل ما يلحقوا يتصرفوا فى العربيه و يبيعوها خرده.
و ممكن كمان تكلم صاحب الالنترا اللى اتسرقت من نفس المنطقه و تعرف التفاصيل و ان شاء الله تلاقى فى تشابه فى حاجه كده و الا كده و تعرف حل اللغز
و يا ريت تمدنا بتفاصيل اكتر على اد ما تقدر علشان نقدر نساعدك بتفكيرن و نفكر معاك
خلى بالك الحرامى لما يسرق حاجه مبيرحش يسرقها الا لما يخطط و يراقب كويس و يطمن و بعد كده يسرق
حاول تفتكر الكام يوم قبل ما اعربيه تتسرق انت رحت بالعربيه فان و اتعاملت مع مين و ركز كويس (ممكن يبقى احل قدامك و عنيك مش شيفاه)
كتير بنثق فى ناس و بيخونوا الامانه ,حتى لو الناس دى محترمين او خارج الشبهات و نصيحتى ليك متستبعدش حد من دائرة الشك خالص.....
شوف و فكر و ربنا يوفقك و يرجعلك عربيتك ,
و لما تفكر اسأل اهل الخبره فى الشرطه و هما يفيدوك اكتر و فكر بدماغ الحرامى ,و متفكرش بدماغك العاديه عشان متحترش
و الموضوع ده شكله منظم و متخطط و من الاخر الشرطه عرفه مين اللى بيسرق بالطريقه دى ,و اكيد ان شاء الله تلاقى عربيتك و ربنا معاك
و السلام ختام.