الموضوع: تعبت أنـا ..بجد أنا تعبااان قووي

أنا متجوز وعندى 30 سنه ومخلف بنوته ربنا يخلهالى عندها 4.5والتانى جاى فى السكه
بس عايز اقولك اننا مهما كبرنا صغييرين فى نظر ابائنا وفى حاجات مش هتحس بمعناها الا لما تتجوز وتخلف وساعتها هتبدأ تقول كان معاهم حق ربنا كان ويكون فى عونهم
خد المور ببساطه وحاول تراضيهم على قد ما تقدر رضاهم بالدنيا كلها كل حاجه بتبقى متسهله فى وشك
وغضبهم ربنا مايكتبه على اى حد فينا كل السكك المفتحه هتلاقيها بتتقفل فى وشك مدام ما بطعهمش فحاجه لاهى غلط ولا حرام ولا هتعود عليك بالضرر يبقى مفيش مشكله

المشاركة الأصلية كتبت بواسطة a7med_pharma

من كام يوم بقول للوالدة إني رايح السنبلاوين لواحد صاحبي
تخيل
قالتلي : " ماتروحش السنبلاوين ياأحمد"
ليه ياماما
قالتلي:" بتوع السنبلاوين حرامية .. يقتلوك علشان يسرقوا العربية..وأنا خايفة عليك ياحبيبي"
ههههههههههههههههههههههههه ههه
وأنا خارج تقولي:" إلبس كلسوم علشان البرد ياحبيبي"
" إمشي بالراحة وماتستعجلش ياحبيبي"
" خد بالك وإنت معدي الطريق ياحبيبي"
"أسخنلك شوية رز وطبيخ تزود بيهم..شكلك هفتان وبقالك كام يوم ماكلتش"
"عاوز تصحى الساعة كام ياحبيبي"
"إلس شرابين فوق بعض من البرد ياحبيبي"
"ماتتأخرش في الصيدلية ياحبيبي..إقفل بدري وتعالى إدفا ونام"
" إقلع الجزماااااااااااااااااااا اااااا بره .. قرفتووووووووووووووووووووو ووووووووني"


هههههههههههههههه
وعادي بقا..بقت نغمة كل يوم..ومابقتش أزهق منها

فى ناس مستعدين يعملوا اى حاجة علشان يسمعوا الكلام ده مرة واحدة على الاقل

المشاركة الأصلية كتبت بواسطة abouleila

اختلف مع بعض الاراء التى تقول بانه لايوجد مشكلة لديك ....!!

لانه بالعكس المشكلة واضحه وضوح الشمس لانك فى مرحلة تأسيس الشخصية فأن كان الاساس ضعيف فلن يتحمل اى ضغوط فيما بعد .

الموضوع بأختصار يا صديقى وما تمر به الان يسمى الثقه بالنفس

انت حاليا فى مرحلة تكوين الشخصية وعلى اى نهج تسير ومحتاج الكثير من الثقه بالنفس

كن صادق مع نفسك اولا ولا تعير اى اهتمام للاراء السلبية فى حياتك ، كن ايجابى فى افكارك

وتاكد تماما انه سوف يوجد فيها الخطا والصواب ودورك ان تنمى الافكار الايجابية ومع الوقت

سيكون هذا طبيعه تفكيرك مع اغلب مواقف الحياة .

كونك تفكر فى ان هناك مشكلة فهذا شى ايجابى وكونك تعرف ما هى طبيعة المشكلة فأنت بالتالى

وصلت بنسبة 50% من حلها .

فكرة الاهل فى هذه المرحلة هى دائما الخوف على الابناء من الخطا ...

وبالتالى ستجد دور الارشاد والنصح دائما الى ان تثبت لهم العكس بتصرفاتك وافعالك

حين ييتم تكرار سؤالهم اكتر من مرة لك فى موضوع ما فهذا دليل على عدم ثقتهم فى طريقه

تفكيرك ولعلمهم انك متخبط فى ارائك .....ولذلك عندما تثق فى نفسك وقرارتك سينعكس

بالايجاب عليهم ويبدا الخوف عليك يتراجع مع افعالك وتصرفاتك .

وهذا ما تشعر به الان من فى طريقه انعزالك مع نفسك وذلك خوف من الخطا ولعدم القدرة

على المواجهه .

الحياة تريد من يقتحمها بدون استأذن لانها قاسية وتريد طريقه مختلفه فى التعامل .

يا صديقى جميعانا اكتساينا خبراتنا فى الحياة من اخطأنا ..فأذا لم تخطى لن نعرف الفرق بين الخطأ والصواب ولكن الاهم ان تتعلم من اخطائك ولا تكررها ...

طب وفين المشكله يا باشا

حضرتك مقولتش عليها ؟

كلام حضرتك صح بس ده مجرد نصائح عشان يعدى المرحله الى هو فيه

وكلنا عارفين الحياه مراحل
لكن مفيش مشكله ولا حاجه يمكن المشكله الوحيده هى اختلاف الاجيال فقطط لاغير ودى مشكله ابديه يعنى اولادنا برضه حيختلفو معانا لان بعد 20 سنه التفكير والدنيا حتختلف عن دلوقتى طبعا

المشاركة الأصلية كتبت بواسطة gebreel

مبدئيا انا عاوزك تفرح لأن اللي انت فيه ده نعمة بجد مش هزار و انا في كثير من اللي انت حكيتو ده حاصلي بس خليني اركز على موضوع الاهل لأنه حاجة انا عايش فيها كل يوم

حضرتك لو اخدتها على انها بر بابوك و امك و انهم يبقوا مطمنين عليك هتلاقيها حاجة جميلة جدا و ثواب بالزوفة

انا مثلا اتفقت مع اهلي في البيت اني لما هوصل المكان اللي انا رايحوا هديهم رنة من الموبايل حاجة بسيطة جدا و مفيهاش لا تعب ولا احراج و لما اجي ماشي بردو نفس الشئ و قبل ما بخرج من البيت بسألهم ان كانوا عاوزين حاجة ولا لأ و اقلهم انا رايح المكان الفلاني و بعدين هعد على فلان و نروح الحتة الفلاني و هكذا بمزاجي مش غصب عني ... عارف ليه لأنهم بيقروا جرايد و يسمعوا الناس بتحكي عن حاجات بشعة بتحصل كل يوم في الشارع و هكذا فطبيعي جدا انهم يقلقوا و يخافوا علينا فدي ابسط حاجة ممكن نعملها لأهالينا اللي تعبوا علشانا

و يا سلام بقى لو في وسط اليوم تكلم والدك او والدتك تتطمن عليهم و على اخبارهم و اخبار العيلة و الله بجد بتفرق و بيحسوا قد ايه هما خلفوا راجل بيسأل على اهلوا و بيطمن عليهم بالرغم من انو راجلعهم كمان شوية

و هحكيلك على حاجة بردو ملهاش علاقة بالموضوع بس مثلا انا بنزل الشغل الساعة 8 الصبح مبرجعش قبل 8 باليل باكل في الشغ و افطر قبل مانزل و لما ارجع مبكلش اكل الغداء باكل حاجة خفيفة كدة و خلاص والدتي اضايقت من كدة و بتقلي انت كدة بيبهدل جسمك و كلمتين من دول و كانت زعلانة عملت انا ايه النهاردة وزعت اكلي على مدار اليوم عادي جدا بحيث ان اخر اكل ليا يبقى الساعة 3:30 و بالتالي رجعت البيت جعان خلصتلهم على الاكل اللي موجود عارف والدتي قالتلي ايه لما لقيتني عملت كدة و حست اني مش عاوزها تزعل؟ و الله واقف في المطبغ بجيب اكل لقيتها بتقلي ربنا يرضا عنك يابني و يبارك فيك و سابتني و مشيت انت عارف الدعوة دي لما تطلع من ام راضية عنك علشان حاجة هايفة من وجهة نظرك بس خايفة عليك و على صحتك يتسمع على طول عند ربنا سبحانه و تعالى

و نصيحة في الاخر اعمل اللي هما عاوزينو و شوية شوية اعملوا بالطريقة اللي تريحك و متحرجكش - مع اني مش شايف فيها حاجة اننا نطمنهم علينا كل فترة - و هما هيعملوا اللي انت عاوزو بعد كدة ان شاء الله

الله ينور عليك