الموضوع: تعبت أنـا ..بجد أنا تعبااان قووي

والله بتفكرني بنفسي

اسمحلي اقولك ان اللي انت بتمر بيه ده طبيعي... وكده احسن من الموديل التاني من الشباب اللي اهله خلفوه ورموه للشارع يربيه

ومدام البذرة طيبة... ان شاء الله حياتك هتتبدل اول ما تتخرج وتنطلق للحياة

ياااااااااااااااااااه
ده معظم البلد كده وأنا مش عارف :)
بجد أنا مش عارف أشكركم إزاي علي وقوفكم جنبي فعلآ بجد أكتر من إخواتي
الحمد لله
مجرد بس إني فضفضت بشوية الكلام دول حسيت إني إرتحت
وأنا بقيت مبسوط لما بصيت للموضوع من وجهة نظر الأهل :)
وفعلآ كلامكم صح أنا فعلآ الكلية مكتفاني لإن مش هيا دي الكلية إللي كنت ناوي عليها والحمد لله قدر الله وماشاء فعل ولحد دلوقتي فعلآ أنا معنديش هدف عايز أحققه بس بدعي ربنا إني أعدي السنادي علي خير وربنا ييسر الأمور
بس بلاش حكاية الجيش دي أنا متشائم منها أساسآ :s
إنما لو سفر لدبي مثلآ
معنديش مانع :))
إدعولي ربنا يفك ضيقتي وييسر طريقي

المشاركة الأصلية كتبت بواسطة a.saad

شوفى يا غالى
انا وانا زيك فى الاعداى والثانوى كنت زيك خجول ، اهلى مقفلين عليا
ده للاسف خلانى خام شوية
بعد الشغل ابتديت اخد خبرة بسبب الاحتكاك بالناس

موضوع انك تكلم بنت : خد الكلام بالراحة
بص لفوق فى الاول مش تبص فى عنيها
متعلقش لو لقيت حد بيبتسم
حط فى بالك كلمة
بلاش حب
علشان مش اول واحدة تكلمها تحبها وتعمل موضوع تانى عن الحكاية دى هههههههه
موضوع اهلك
انا 33 سنة
وقاعد فى الشغل متاخر بس بصراحة بقالى اسبوعين كدة
برده خدتى لى كلمتين
كلنا كدة
لان هما الاهل كدة
حاول توصل لحل زى ما الاعضاء قالوا برنة مثلا

هههههههه مش عارف حاسس إنه درس في إزاي أعاكس أي بنت :))
مش للدرجادي يعني أنا عادي بتكلم عادي مع أي بنت بس فيه حدود زي الدراسة مثلآ
ومفيش عندي حاجة إسمها صحوبية بين الولد والبنت بتاتآ
لإن إللي مرضاهوش لأختي مرضاهوش لبنات الناس طبعآ
وفعلآ مفيش حاجة أفضل من إن الوالدين يبقو راضيين عليك
كلمة "حاضر" سهلة كتير :)