اشتريت جين 2 وفي شويه كلام هنا خانقني وهقوله

**ayman_83** · 26-12-2010 05:04 AM

علي فكره انا كتبت الكلام ده قبل كده وجيت ارفعه النت فصل وبعيده تاني اهو
بصو بقئ انا متابع قسم بروتون من اكتر من سنه وبشوف خناقات ومطاردات وهجوم ودفاع عن العربيه ومش عارف مين بيتبلي علي مين لان اكيد في طرف صادق ومكنتش برد لاني مركبتهاش في حياتي فمكنتش عايز افتي ودلوقتي عايز ارد علي الفتايين اللي بيعملو البحر مهلبيه
وكنت مستني اجيب جين 2 2011 بس الحمد لله علي كل شي فضلت مستنيها لحد مااتخنقت وجبت مستعمل لاني كنت عايز مثبت السرعه وعز افندي نزل اعلانها بعد مااشتريتها بيومين
المهم ...
العربيه 2008 اتوماتيك
ماشيه 38000 كيلو
هبتدي بالعيوب واللي كنت بسمعها هنا
صوت خبطه الدريكسيون موجود .. صوت تزيق من الكنبه اللي ورا موجود .. المالتي فانكشن بيعلق
.. صوت صفاره وانا بفرمل شبه القطر .. العفشه ناشفه شويه .. السحب بطئ حبه تحت ال 100 ولسه مجربتهوش فوق ال100 .. اخدتو بالكو بقئ من العيوب
المميزات ...
ثبات فعلا محترم .. شكل خارجي وداخلي تحفه .. فرامل مع اني كنت حاسس من اللي سمعته في 2010 مابالكم بقئ ب 2008 اني هفرمل العربيه هتقف بعد تلت ايام وااسبوع لا فراملها بجد منجزه وحلوه ومفهاش اي مشاكل غير الصفاره بس .. الشنطه بتاعتها تقلب نص نقل فعلا زيها زي الاوكتفيا تقريبا .. الساوند سيستم لا تعليق لاني ممكن اظلم الفنان اللي عمله ..
السنسور بارك ده حاجه حلوه اوي .. لفه الدريكسيون عاديه مش صغيره اوي زي ماحسستوني ..
بجد بجد بجد كلمه وقفه في زوري للناس الفتايه
مع كل العيوب اللي فيها
اسمحولي ..... طز في كل العيوب الهايفه دي كلها ولا تشغل الدماغ واللي يكبر العيوب دي ويعملها مشكله يبقئ بني ادم ....* ومش بيقدر المميزات اللي معاه بجد ياجماعه والله انا كنت بحس الناس اللي هنا بتجامل في العربيه بس بجد انا حاسس ان العربيه دي تعتبر ببلاش ....
المالتي فانكشن زورا واحد بس اللي بيعلق بتاع الواطي بيقلب ويعمل صامت
وكل اللي يشوف العربيه ماشاء الله عينه بتروح معاها بقعد اقرا قران وفعلا محدش يديها التمن ده خالص
والراجل اللي انا اشتريتها منه اللي يباركله كان حاطط لها زينون عالي وواطي .. وفرش جلد .. وحده رفع مع السنتر من الريموت .. لمبه الصالون بتنور لما تفتح العربيه من الريموت هو قالي انها مش نازله كده
شويه حاجات بقئ طالبها من الناس اللي كانت بتدافع عن العربيه لانهم هما دول فعلا اللي طلعو بيفهمو
العيوب اللي عندي دي ملهاش حلول ولا لا مع انها مش شغلاني اوي بس ياسلام بقئ لو راحت
وطريقه عدم حرق بنزين يعني مخليش ال ار بي ام ميعديش كام عشان بيكتبلي 12.5 لتر لكل 100 كيلو فده اعتقد كتير وصوت صفاره الفرامل لو يروح
وعلي فكره كلها عيوب تافهه جدا
وبالنسبه بقئ للناس اللي كانت بتحكي قصص حب فعلا انا كنت بركنها في الجراج وامبارح ركنتها تحت البلكونه والله في السقعه دي كنت كل شويه اطلع ابص عليها وعايز انزل تنام في حضني وفعلا ياجماعه العربيه دي بتدي وضع للي سايقها وشعور غريب بس جميل وان شاء الله قريب هرفع صورها
واخيرا بقيت بروتناوىىىىىىىىىىىىىىىىى

**loveknight** · 26-12-2010 05:19 AM

الف مبروك يا باشا على العربيه وربنا يباركلك فيها ويكفيك شرها وهى فعلا عربيه ممتازه بالسعر ده وانا واللهى بجد كان نفسى اركبها وكل مابشوفها فعلا باقعد ابص عليها من بره ومن جوه والف شكر على العرض الجيد للموضوع ياريت كل اللى يتكلم عن عربيه يعمل زيك

**alarabiya11** · 26-12-2010 06:15 AM

مبروك على السيارة

بشويش على الناس

**أبومعاذ** · 26-12-2010 08:37 AM

الف مبروك وربنا يديك خيرها ويكغيك شرها
بالنسبة للعيوب مادامت العربية في الضمان روح التوكيل وباذن الله تتظبط

**A.Lotfy** · 26-12-2010 09:37 AM

ألف مبروك يا ريس وربنا يحفظهالك

بس السؤال بقى دلوقتي .. هو عز عمل اعلان ان 2011 فيها مثبت سرعة؟؟

**Mo.khalaf** · 26-12-2010 10:39 AM

ياباشا 1000000 مبروك
ربنا يباركلك فيها ويديك خيرها ويكفيك شرها
بيتهيألى معظم العيوب دى فى ناس هنا عملتها فى التوكيل

**frahat** · 26-12-2010 11:20 AM

السلام عليكم ورحمة الله وبركاته

ازيكم جميعا وكل سنه وانتم طيبين

الف الف مبروك يا معلم وربنا يباركلك فيها وعلى فكرة انا كنت مجهز موضوع كنت هاتكلم على النقط اللى انت اتكلمت فيه دلوقتى وهى نفس العيوب عندي مع ان عربيتى 2010 ومانيوال يعني السحب والتزييق والدركسيون والصفارة اللى بدأت تظهر بعد 13000 كم بـــــــــــس مش عارف ليه وشكيت انها محتاجة تيل جديد بس الغريب ان الصوت بييجي ويروح مش على طول يعني وانا اعرف ان التيل يبقى صوت مستمر مع الفرملة ومش عارف ايه السبب .
بجد العربية ممتازة بس حاسس برضه انها مش زى كنت متخيل على السمع من الناس اللى ركبتها
بس برجع واقول ممكن علشان دى اول عربية اشتريها او التوكيل برضه مش قادرين يظبطوها صح ... مش عارف والله بس بصراحة لو الزمن يرجع بيا ورا شوية كنت هاشتري سيراتو ولا ايه رايكو يا جماعة
والف مبروك مرة تانية يا ريس ورنا يكفيك شرها ان شاء الله

**amr1973** · 26-12-2010 11:31 AM

اخى العزيز انا هاحاول اساعدك على قد ما اقدر
اولا لعيب التزييق بتاع الكنبة
الحل اتنى الكنبة من الجهة اللى خلف مقعد السائق هاتلاقى قفل حديد اللى بيعمل لوك للكنبة حضرتك هاتشترى حتة خرطوم بتاع حوض السمك و تقطعه على ادها و تشقها من النصف و تلبسها فى الصباع بتاع القفل او الحل التانى انك تفكة اللوك دة و تدية لبتاع اكريليك يصب علية طبقة رقيقة جدا لمنع الاحتكاك على فكرة الطريقة الاولى تم تجربتها على 10 عربيات فى الايفنت بتاع العين السخنة
ثانيا العيب التانى موضوع المالتى فنكشين
كان فى موضوع عاملة الاستاذ راميار ممكن تبعت لة تسالة و على فكرة كان بالصور و كلة او طالما العربية 2008 يبقى لسة فى الضمان و من حقك انك ترجع للضمان لانة ممكن يتغير فى الضمان
العيب الثالث موضوع الصفارة فى الفرامل بص بقى العيب دة عيب تيل و التيل وحش و راجع الطنابير و لو لاقيت الطنابير كويسة يبقى غير التيل بتيل كويس بص على الموضوع بتاع الاستاذ عبد الرحمن ده

http://www.nilemotors.net/Nile/191939-2.html

و اخيرا مبروك عليك العربية و ربنا يديك خيرها و يكفيك شرها باذن الله

**ecybrarian** · 26-12-2010 11:49 AM

مبروك عليك العربية..وعلى فكرة العفشة الرياضية لازم تنبقى ناشفة..دا مش عيب فيها، دي ميزة

-

الموضوع: اشتريت جين 2 وفي شويه كلام هنا خانقني وهقوله

LinkBack

أدوات الموضوع

عرض

اشتريت جين 2 وفي شويه كلام هنا خانقني وهقوله - انشر الموضوع فى :

-

-

-

-

-

-

-

المواضيع المتشابهه

انا اشتريت عربيه بولو وعايز اعليها شويه اعمل ايه ؟

حد فسر كلام نائب الرئيس من شويه

اشتريت زينون hid وعندي شويه أسئله

شويه كلام من محادثه كده على اسعار العربيات فى مصر وخارجها

الحمد لله اشتريت نوبيرا كسر زيرو وعندى شويه اسئله

الكلمات الدلالية لهذا الموضوع

المفضلات

المفضلات

ضوابط المشاركة