-
عايز أصلح كاسيت سونى
السلام عليكم ورحمة الله وبركاته
الكاسيت اللى عندى فى العربية الإسطوانات وهى خارجة بتعلق دا غير إنها بتبقى متجرحة
من الآخر أنا عايز حد يكون بيصلح كاسيت عربيات إسطوانات ويكون بيفهم وياسلام بقى لو قريب من المعادى
ولو فى توكيل سونى ممكن يصلحوا شغال برضو
وجزاكم الله خيرًا
-
عليك وعلي B.Tech هما توكيل سوني وهايصلحوه تمام ان شاء الله
-
جزاك الله خيرًا
بس مش بى تك دى اللى بتبيع أجهزة كهربائية ؟؟
والتصليح دا فى أى فرع لأن أنا فى فرع قريب منى فى المعادى؟؟
-
بى تك واخده توكيل سونى
و بتبع حاجات سونى
روحلهم و هما هاظبطولك كل حاجه ان شاء الله
-
بص يا باشا التعليق ده بيبقى سببه البكره اللى عليها طبقة جلد خفيفه قوى اللى هى مسؤله عن التعشيق فى سحب الاسطوانه و دى من الجلد و لما بنتشف بسبب التغيرات الجويه اللى عندنا فى مصر على مدار السنه سواء جو حر قوى او ساقع قوى بتتبدى تبوظ و تزحلق من الاسطوانه انا ممكن اديك حل مسكن كده مؤقتا انا جربته مره و نفع معايا فى البايونير
1- تجيب منديل معطر زى بتاع كنتاكى كده مثلا و انا اختارته عشان ناشف و مش بيتقطع عشان ميدخلش جوه الجهاز
2- افتحه و افرده و حطه تحت الاسطوانه و حط نصفها جوه و خلى الكاسيت يقوم بعملية السحب مع مراعاة انك متسبش الاطوانه تدخل
3- بعد عمل كده مرتين او تلاته لغاية اما المنديل يسحب كل الاوساخ او الاتربه من على البكره و يطلع نظيف امسح الاسطوانات دايما قبل ما تحطها فى الكاسيت عشان البكره دى بتسحب الاتربه من الاسطوانات يعنى خلى الاسطوانات دايما نظيفه و انشاء الله يتظبط معاك و جرب و قولنا عملت ايه
Content Relevant URLs by
vBSEO 3.6.0 PL2