عرض للطباعة
السلام عليكم و رحمة الله و بركاته
انا اشتريت ماروتي من سنتين الا شوية كدة .. و كتيب الصيانة بتاعي مش عارفة فين .. و الحقيقة دي أول مرة أركب عربية و ماليش خبرة خالص .. و اتفاجئت بكمية الحاجات اللي بتغيروها و تركبوها .. فممكن بعد ا>نكم حد يكتب لي المطلوب في صيانة الـ 5000 و الـ 10000 و الـ 15000 ..
أنا عارفة اني متأخرة قوي في الطلب .. بس انا كنت فاكرة ان كل المطلوب مني ان كل فترة اغير الزيت و الفلتر :) .. و مشكورين لتعبكم معايا ..
اهلا بيكي اولا معاناااا
ثانيا
ممكن حضرتك تقولي عربيه عامله كم كيلو دلوقت؟
وايه اللى غيرتيه من وقت ما جبتيها.؟
وهل فى شكوة معينه وانتى ماشيه بيهاااا؟
علشان نعرف نحدد ايه مطلوب
؟
السلام عليكم
ميرسي لورد على اهتمامك و ردك ..
هي العربية ماروتي و عاملة 14000 كيلو لحد دلوقتي
رحت التوكيل بس عند صيانة الألف و غيروا لي الزيت ..
بعد كدة عند بغير مرة زيت و فلتر و مرة زيت بس كل 2000 او 3000 كيلو .. و زودت مرة واحدة زيت الفيتيس ..
المشاكل اللي بلاحظها :
1- في الشتا بتدور بعد مرتين او تلاتة و لازم ادوس بنزين جامد عشان تلقط و مش تبطل ..
2- من وقت للتاني الفتيس بينشف قوي في الغيار التاني و التالت ..مع اني ببقى مدية السرعة المناسبة .. و مش بتحصل كل مرة بغير فيها .. لكن اوقات و اوقات .. و رحت لواحد و قلت له اكشف على زيت الفيتيس .. قال لي كويس و مش محتاجة تزوديه ولا تغيريه .. و قال لي روحي للميكانيكي علي الدبرياج شوية .. و انا اصلا اول لما جبتها كنت معلية الدبرياج .. فهل لازم اعليه كل فترة شوية ؟
3- احيانا ببقى ماشية عادي .. و فجأة تقوم العربية تنتش نتشة واحدة غريبة كأني مثلا حاولت اوقفها لثانية و كملت تاني على سرعتي ..
معلش هي اول مرة اجيب عربية فمش عارفة المطلوب .. تعبتك معايا ..
السلام عليكم
دلوقتى غياب الدوار و التنتيش انتى طبعا لازم تغيرى طقم سيرفس (بوجهات و ابلاتين و كوندنسر) و البطارية لازم يتكشف على المية بتاعتها لو هيا بطارية سائلة و فلتر الهواء لازم يتنفخ عند اى واحد بتاع كاوتش
و بالنسبة لعصا الفتيس متهيألى لازم تربيط و تشحيم عصا الفتيس
أو فيه حاجة اسمها "العقربة" و دى بتبقى تحت عصا الفتيس و تقوم بنقل الحركة من العصا للفتيس و ساعات بحصلها التواء فبتتفك و تستعدل و تتركب تانى
و ابقى طمنينى و شكرا
هلا وسهلا بيكي يا اختي معانا هنااقتباس:
المشاركة الأصلية كتبت بواسطة thestorm
بصي بقا
تسمعي كلامي بالحرف الواحد كده
اول حاجه عندك هتتغير هيا طقم بوجيهات فقط لا غير
بلاش تغيري الابلاتين والكوندنسر اطلاقا حاليا
(دنتي يادوبك عامله ال14 ألف وعربيتك على ما فهمت انها 2008)
الحاجه التانيه فلتر الهوا يتنضف بالمنفاخ عند العجلاتي او بتاع تغيير الزيت
ثالثا موضوع الدواره هيتحل بالبوجيهات ان شاء الله ويلزمك تعملي حاجتين زياده
الاولى انك تحولي الكربيراتير على مجرى الشتا
وده عن طريق الكلبس الموجود في ماسورة العمة
الحاجه التانيه
تشغلي العربيه بالطريقه دي:
تفتحي الكونتاكت لحد اما عداد البنزين يستقر واول اما يستقر تدوسي دوسه واحده بس عالبنزين وتشيلي رجلك وبعدين تدوري هتلاقيها دارت لوحدها ان شاء الله...
رابعا الفتيس
ده حاجه سهله وكلنا متعودين عليها في الماروتي
لازم تاخديها لاي ميكانيكي او بتاع فتيسات وتقوليله يشحملك العصايه
العصايه دي بتتشحم بالشكل التالي
الكونصوله اللي جوا العربية بتتفك هيلاقي تحتهم 4 مسامير والعصايه في النص
هيحل الصواميل ويرفع الجلده ويشحم ويرجع بعد كده كل حاجه زي مهيا
اما الحاجه الخامسه اللي لازم تعمليها انك تخلي عفشجي يربطلك العفشه بما فيها قاعدة الفتيس وقوليله يعملك ما يعرف ب تدوير العجلات او الصليبه وهوا هيفهم
هتلاقيه فك الاربع عجال وجاب اللي ورا يمين قدام شمال واللي ورا شمال قدام يمين واللي قدام يمين ورا يمين واللي قدام شمال ورا شمال....
الحاجه السادسه لو بطاريتك سايله فقط لازم تشيكي عليها اول بأول وتشوفي مستوى الميه فيها وتتزود كل شهر
اما لو جافه فكبري دماغك
الحاجه السابعه مية الرديتير
ياريت تكون عالعلامه العليا والميه تكون خضرا بتركيز 10%
لو بتمشي بالعربية بالليل ياريت تخلي كهربائي يظبطلك رجلاش النور
كده ده كل اللي موجود في كتالوج العربية وان شاء الله بكده تكوني حفظتي عربيتك تمام التمام التمام.....
آسف على الاطاله
تحياتي
اقتباس:
المشاركة الأصلية كتبت بواسطة TheStorm
alking_2006
hm414
LORD.ADeL
بجد ميرسي جدا على اهتمامكم و ردودكم ..
انا مش من القاهرة ولا من اليكس و مفيش توكيل قريب مني، فمش هروح توكيل تاني ..
بالنسبة بقى للحاجات دي .. هطبع انا ردودكم و ابدأ رحلتي مع المكيكانيكية و الكهربائية :) و ان شاء الله اقول لكم ع النتيجة
ميرسي خالص على تعبكم و كل سنة و انتم طيبين