الموضوع: العربية وقعت فى حفرة لولا ستر ربنا

صباح الفل
كنت نازل من على الدائرى نزلة شارع القومية وطبعا انا كنت اشتكتلكم من ايام قليلة ان شارع القومية كلة مكسرينة عشان هيسفلتوة وطبعا الكسل والغباء والاستهتار وانعدام الضمير موجود بكثرة المهم وانا نازل من على الدائرى وماشى فى شارع القومية يوم الخميس الساعة 7 باليل وكانوا البهوات قطعين النور من بعد النزلة بتاعت الدائرى بشوية لحد بنزينة الغاز المهم وانا ماشى فى امان الله الاقى العربية هوب وقعت فى حفرة من ناحية الفردة الشمال قدام حفرة كلها طين ورمل اظاهر كانو لسة فحتين وبعد كدة ردموا برمل بس كان مكان الحفر لسة منشفش وطبعا الشارع كلة رمل ومش واضع فى الضلمة ان دى حفرة ولا لا المهم وقعت فى الحفرة وطبعا العربية مش هتتحرك عشان غرزت المهم ولاد الحلال وطبعا انا بشكرهم جداجدا الناس المحترمين وصدقونى مكنوش ناس كبار فى السن لا دول كانوا شباب وصدقونى جدعا جدا ولسة فى امل فى الشباب ومش كل الشباب عندة اللا مبالاة المهم الشباب ربنا يديهم الصحة شالو العربية من قدام وقعدت ارجع ببطء لغاية لما طلعت من الحفرة والحمد للة الخسائر طلعت بسيطة اللاكصدام الامامى من ناحية كشافات الضباب اتفعص للداخل وبعد مركنت شفت الاكصدام طبعا زعلت عشان العربية لسة جديدة والغلطة مش غلطتى دة غلطة حيوان بعد لما خلص ردم مش يحط علامات تحذيرية او حتى فردة كاوتش منتهى الجهل والغباء يعنى تقريبا بقلهم اكثر من اسبوعين شالوا الاسفلت ومن ساعتها مفيش اى خطوات اجابية يعنى مرموش الحجارة ولا عملوا حاجة انا قرفت بجد من شارع القومية ومن قرفة وتصدقوا انا بقيت اروح الشغل وارجل ولما اروح اى مشوار لية بروحة بتاكسى اومواصلات عشان قرفت من السواقة فى الشارع المقرف دة المهم يوم الجمعة الصبح رحت ابص على الخسائر لقيت ان الاكصدام مفعوص فعصة بسيطة لاول وهلة اناقلت اوديها عند سمكرى يرد الفعصة دى بس قلت فى نفسى مجرب اردها انا الاول ولو معرفتش اروح عند السمكرى وفكيت بالفعل الكرتير اللى فوق الكاوتش وبدأت ارد الفعصة بإيدى طبعا ادية اتعورت واتجرحت وفى الاخر رديت الفعصة والحمد لله انى عملتها وشكرا على قراءتكم هذا الموضوع وربنا يسترها معانا