سؤال للخبراء. مين احسن فى السفر ؟؟
سيريون 1
بيكانتو
انا بصراحه كنت مقتنع بالبيكانتو بس لما شوفت السيريون لقيت انها اوسع من الداخل قات اسأل الخبراء.
ياريت اعرف ايه نظام الموتور 1000على الطريق و قطع الغيار و التوكيل
شكرا للردود
عرض للطباعة
سؤال للخبراء. مين احسن فى السفر ؟؟
سيريون 1
بيكانتو
انا بصراحه كنت مقتنع بالبيكانتو بس لما شوفت السيريون لقيت انها اوسع من الداخل قات اسأل الخبراء.
ياريت اعرف ايه نظام الموتور 1000على الطريق و قطع الغيار و التوكيل
شكرا للردود
بذمتك يا شيخ هان عليك عينك تبص بيها علي السيريون برضو
و بعد ما شفت المشمشه!!!
انا لو علي رقبتي مركبش الشيء المسمي سيريون دي نهائي و لو بيوزعوها مجانا هديه علي كيس شيبسي
أنا شايف ان السيريون تتفوق في كل حاجة تقريبا و بفرق كبير كمان
الامان: السيريون فيها ايرباجز وواخدة 4 نجوم في euroncap اليكانتو مفيهاش ايرباجز وواخدة 3 نجوم بس
الثبات و نعومة العفشة في صالح السيريون
استهلاك البنزين في صالح السيريون
مش لاقي حاجة البيكانتو تتفوق فيها علي السيريون
في الاخر دي ياباني و دي كوري
ممكن نعرف الاسباب اللي تخليك ترفض سيريون هدية علي كيس شيبسي؟اقتباس:
المشاركة الأصلية كتبت بواسطة amir
سيريون أكيد
السيريون من جوة أوسع من عربيات كتييييير .. زي لانوس وفيرنا
أثبت
تسارع ممتاز الحقيقة
أستهلاك ممتاز
توكيل وقطع غيار ... طبعا بيكانتو
بس في المجمل السيريون أفضل
هو اساسا المواتير ال1000 سى سى مش معمولة للسفر لمسافات طويلة
لان ديه عربيات مدينة
فكر فالياريس 1300 او اللانسر
وطبعا الاحسن لو بتسافر كتير انك تجيب عربية 1600 سى سى
اقتباس:
المشاركة الأصلية كتبت بواسطة amir
بالله عليك لو لقيت اي عربية بتتوزع تقولي انا زي اخوك برضة هههههههه
بالنسبة للعربيتين كشكل البيكانتو احلي ودي اذواق
لكن السيريون ياباني والبيكانتو كوري
سعر العربيتين بحس انه مبالغ فيه خصوصا السيريون
البيكانتو 1100 سي سي
والسيريون فيه منها 1000 وفيه 1300
معرفش اكتر من كدة
بالعكس أنا بستمتع بالبيكانتو فى السفر عن اللانسر ( 1600 كمان )
ممكن طبعااقتباس:
المشاركة الأصلية كتبت بواسطة wael17
اولا :سعر غير متناسب مع العربيه (هتوفر بنزين بعد كده ممكن بس المبلغ المدفوع لو حسبته مع حساب استهلاك البنزين هتلاقي ان لو بتستهلك 5 لتر في الصفيحه برضو غاليه قوي)
ثانيا: شكل العربيه عجيب غريب, دايهاتسو في نظري سقطت في تصميم الماتيرا و السيريون
و لو تغاضينا عن الشكل الخارجي للسيريون هنلاقي شكل عجيب مستفز لعربيه لعبه عليها منبه جوه العربيه (شكل العربيه من بره و جوه من الحاجات اللي بختار علي اساسها) لأنك و انت جوا العربيه قدامك التابلوه و الطريق
ثالثا: قطع الغيار غير متناسبه نهائي مع عربيه من الفئه دي, و مش مبرر انها ياباني برضو, لان المفروض العربيات دي تكون رخيصه لانها عربيات مدن صغيره او ميني و كفايه سعر العربيه اللي ذكرته في النقطه الاولي و مازال بيقحم نفسه عليا اني اكتبه هنا تاني !
رابعا: المساحه الداخليه الواسعه ظاهريا دي علي حساب قرب الركاب بالكامل من جسم العربيه, و محدش يقول فيها قضبان حمايه جانبيه لأن كل العربيات كده, بس ابقي قاعد في العربيه و اول خبطه الاقي الباب بيفعص فيا مباشره (دون المرور علي مساحات و فراغات بحيث ان الصدمه تأثيرها يقل) ده شيء غير مقبول ليا نهائي
خامسا: الفئه دي من العربيات غير ثابته بحكم اتساع قاعده العجل, البونتو اكبر في النقطه دي و السيريون الرفارف من بره (كصاج) هي اللي واخده بومبيه بيعمل خداع للنظر انها شبه البيتلز (العجل بره محيط العربيه فقاعده العجل اكبر من العربيه في حاله البيتلز و للسبب ده ثباتها قوي علي الارض) انما في السيريون ده مجرد شكل و مع حجم العربيه الاقل من بومبيه العجل ده شكلها مش متناسق من بره
سادسا: لو هادفع فيها 80 الف و يزيد يبقي عندي منافسين و بقوه ليها علي صعيد النقاط السابقه:
بونتو كلاسيك
بونتو ايفو
بيكانتو "المشمشه"
ازود حاجه بسيطه و تبقي فابيا ميني
هيونداي i 10 مع تحفظي عليها
و طبعا دي اذواق و انا اتسألت و جاوبت
وجهة نظر تستحق الاحترام و اتفق معك في عدة نقاط مثل الشكل...انا لا احب تصميمات دايهاتسو (خصوصا الماتيرا...قلبي بيتقبض لما اشوفها)اقتباس:
المشاركة الأصلية كتبت بواسطة amir
و اتفق معك اني لو اقدر ادفع 85 الف و ده سعر اقل فئة 2010 يبقي ازود حاجة بسيطة و اجيب بونتو ايفو
اختلف معك في حكاية الامان...لو فعلا تصميم العربية سيء و اقل خبطة هتاثر في الركاب ماكانتش تاخد 4 نجوم في اختبار السلامة euroncap الناس دي مش بتجامل و لو عربية ياباني او اوروبي وحشة هتاخد صفر و بالنسبة للسعر....الايرباجز و الامان الزيادة له تمن....بس برده انا شايف زيك ان 85 كتير علي امكانياتها
ياتري بخصوص الامان هل السيريون اللي بتنزل هنا هي هي بنفس عوامل الامان بتاعت العربيه بره؟اقتباس:
المشاركة الأصلية كتبت بواسطة wael17
ولا شايلين منها حاجات خاصه بالامان و منزلينها في فئات؟
تفرق النقطه دي برضو بس انا معرفهاش تحديدا
اما الماتيرا فمش انت بس دي واخده لقب التابوت في بلاد الفرنجه
و التيريوس حبيبه قلبي كان فاضلها سنه في الكابوت و كان هيكون شكلها هي كمان وحش بس ربنا ستر
علي حد علمي ان الياباني الجديد كله بينزل باتنين ايرباجز علي الاقل زي الاوروبي....يعني 2 ايرباجز دي اقل حاجة تطلع من اوروبا و اليابان حتي لو كان المستهلك عندنا مستعد يتنازل عنهم في سبيل تخفيض السعر...بعكس الكوري و الصيني اللي ممكن يشيلك اي حاجة من العربية بس المهم تشتري منه (انا متأكد من الاوروبي بس بالنسبة للياباني اعرف ان اي تويوتا جديدة فيها ايرباجز و غالبا دايهاتسو نفس الكلام )اقتباس:
المشاركة الأصلية كتبت بواسطة amir
خصوصا لو عامل ازاز فاميه اسود....لما اشوفها في الشارع ببقي عايز اوقفها و اقول لصاحبها...شيلوا الميتيين اللي جوه :fun_36_3_4[1]:اقتباس:
المشاركة الأصلية كتبت بواسطة amir
على فكره. انا بتكلم على سيريون 1000 فقط . يعنى كده الاغلبيه اختارت البيكانتو . زى ما توقعت و ده يفسر انتشار البيكانتو اللى اعلى من سيريون
شكرا للردود