يا صباخ القلب الجامد
دا الزيت عندى بيطلع بعد ال3000كيلو اسود وعامل زى المية...يعنى بيكون جايب اخره
معلش حضرتك حتى لو بتوع الزيوت كدابين
حضرتك هتلاقى فى كتالوج العربية انك لازم تغير زيت المحرك بعد مدة معينة قصرت او طولت وكمان بيقولك غير فلتر الزيت بعد فترة معينة والكلام دا موجود حتى فى الكتالوجات بتاعت السيارات القديمة
وعلى الفكرة الناس الى بتحط زيت 3 الاف وتغيره كمان 10 الاف .... الزيت مش هيقول لا بس عمره ما هيشتخل بكفاءة وثق تماما ان الى انتا وفرتو فى الزيت هتعملو حق عمرة الموتور لان الاثار السلبية للحوار دا مش بتظهر غير على المدى الطويل
ايه المصدر الموثق للمعلومة دياقتباس:
فجرت هيئة القياسات والمواصفات العالمية
وهل توجد هيئة بالاسم ده؟
لان الموضوع ده مكرر كثير جدا وشفته يمكن30 مرة
وده يهم استثمار مهم في حياتنا وهي سياراتنا
بس بالمنطق كده زيت ايه اللي يقعد في الموتور 20 الف كيلو انا اعتتقد ان اي زيت هيتبخر كله في الفترة دي
طبعا شركة فيسكو شركة ذكية لما تقول ان زيوتها التخليقية تتغير كل 25 الف كيلو وطبعا مفيش زيت هيستمر المده دي كلها في المحرك لانه هيكون اتبخر وطبعا الجواب الجاهز ان العيب عيب الموتور مش الزيت
أعمل كده على مسؤليتك ؟
موضوع غريب جدا بس يا ترى المعلومات دى الواحد يعتمد عليها
انا بجيب زيت 3000 كيلو و بغيرو على 12000 او 13000 و لسه فيه لزوجه يعنى ممكن 20000 كيلو بدون مشاكل طالما لسه فيه لزوجه
أنا متفق مع هذا الرأى فى تغيير زيت المحرك ليس قبل 10000 -12000 كم نظرا لأن محركات السيارات تتحمل العمل لهذه المدة وأن الزيوت الحديثة والمتعددة الدرجات أصبحت ذات كفاءة وقدرة عالية على البقاء فى العمل بالمحرك لهذه المسافات وأكثر ، وعن تجربة شخصية لى فى مجال عملى حيث أننى مهندس سيارات وعملت مدير لورش السيارات وأساطيل السيارات فى عدد من الشركات بمصر والسعودية وكان خطة الصيانة وتغيير الزيوت للسيارات تتم على أساس تغيير الزيت للمحرك على 5000 كم، وكان يوجد بعض السائقين يتخلفون ويتأخرون عن هذه المسافة وتصل فى أحيان كثيرة إلى 10000 - 11000 كم مما كان يعتبر إهمال جسيم من السائق ولكن بالممارسة والخبرة لم نجد أى مشكلة من جراء هذا التأخير فى تغيير الزيت، وعند فك بعض محركات هذه السيارات التى اعتادت التأخير فى غيار الزيت إلى 10000 - 11000 كم وجدت هذه المحركات عادية جدا ولا يوجد بها أى علامات تآكل زائد سواء فى عمود الكرنك أو السبائك ، ولكن المشكلة والخطورة بالنسبة للزيت تكمن فى أن ينقص مستوى الزيت على مقاس الزيت عن الحد الأدنى وإذا حدث ذلك يجب تزويد الزيت على الفور بحيث يصبح بين علامتى المقاس العليا والسفلى ، لا أعلا من العليا ولا أدنى من السفلى . كما أن تزويد الزيت يزيد من جودته وكفاءة أداءه.