مالكي الجميله جين 2 اتفضلو هديه بس محتاجه تفكير تتعمل ازاي

اولاد العم مالكي الجميله الجين 2

السلام عليكم و رحمه الله من اهل النيسان و من العبد لله

اما بعد

مؤخرا وصلت لاكتشاف غريب مذهل جبار من النوع اللي بياكل نار و عينه تطق شرار :F_eyeb1[1]:

انا زمان كنت قلت ان فتحه المفتاح عند الدركسيون عامله و كأنها لمبه عندكم بس ناقصها انها تنور

و بص شوف يا استاذ علي رجلها تنور علي وشها تنور :11:

من كام يوم كنت في المصريه بمارس هوايه التقليب في العربيات و لقيت النيسان ليفنيا فيها نفس الموضوع بس الفرق ان الدايره المحيطه بفتحه المفتاح في العربيه بتنور فعلا مع فتح الباب

انا اسف الصوره يمكن مش واضحه قوي بس الفلاش طلع جامد شويه و اتكسفت اصور تاني من غيره لان كان في ناس كتير واقفين عايزين يتفرجو علي العربيه و انا بكل برود قاعد بصور !

ادي الصوره و وروني همتكم في التنفيذ

http://i698.photobucket.com/albums/v...3122010005.jpg

الله جميله
دي حاجه صعبه اوي

انا من حوالي 8 شهور كده كنت فكيت الكونتاكت و لاحظت إنه متحوط برينج أكريليك بس ناقصه اللمبة بالتوصيلات بتاعتها ..... ومن ساعتها و انا عايز أشتري لمبة و أركبها بس مكسل ..... بس إن شاء الله قريبا حأشتريها و أركبها و أعملكم موضوع بالصور عنها .... إنتظروناااااااااااااا


دي صورة على الماشي للشكل اللي حتبقى عليه بعد التركيب

http://t2.gstatic.com/images?q=tbn:G...933fd1.jpg&t=1

http://t2.gstatic.com/images?q=tbn:x...ing026.jpg&t=1

http://t0.gstatic.com/images?q=tbn:g...ing027.jpg&t=1


http://t1.gstatic.com/images?q=tbn:B...C_0001.jpg&t=1

هو ده اداء الاسود بجد

بجد والله يا عبد الرحمن لو عرفت تعملها وزبطت معاك بجد تبقى خبطة موسم 2011 :d :d :d ,ويا سلام بقى لو بالخطوات وعملتها فيين تبقى باشااااااااا عشان ها تبقى تحفة لو زي ما هية كده باللون الأزرق ده تبقى وهم بجد والله ها استناها بفارغ الصبر ...

اقتباس:

---

المشاركة الأصلية كتبت بواسطة sayed911

بجد والله يا عبد الرحمن لو عرفت تعملها وزبطت معاك بجد تبقى خبطة موسم 2011 :d :d :d ,ويا سلام بقى لو بالخطوات وعملتها فيين تبقى باشااااااااا عشان ها تبقى تحفة لو زي ما هية كده باللون الأزرق ده تبقى وهم بجد والله ها استناها بفارغ الصبر ...

---

انا نزلت الجراج دلوقتي وبصيت على الساجا بتاعة إختي لقيت إن فيها نفس الموضوع برضه ..... يعني الكلام ده ينفع للبروتون ساجا و جين-2 و بيرسونا ..... ما أعرفش أخبار الواجا والويرا إيه

والواجا كمان والويرا

هههههههه واضح انه حضرتك يا استاذ عبد الرحمن تحمست جدا لدرجة انك نزلت تبص على عربية اخت حضرتك ههههه ولكن ممتاز توكل على واعملها وان شاء الرحمن نخليه حل معتمد من بروتون :d :d وها تكسب ثواب في 5 موديلات بصحابهم كمان :d :d وهيا واضح انها سمة موجودة في كل سيارات بروتون

جامد جداً الموضوع ده
ومستنينك ياعبدالرحمن دائماً نجم والله

اقتباس:

---

المشاركة الأصلية كتبت بواسطة Abdelrahman.H

أخبار الويرا إيه

---

اظن الويرا بتنور ياعبد الرحمن :lurk5:
ربنا يوفق

فكرة جامدة جاً.. ومنظرها بيعجبني في السيراتو...

لكن:
1- هل اللعب في الكهربا ممكن يخرج العربية من الضمان..؟
2- المفروض انها تنور لمدة دقيقة أو اتنين بعد فتح الباب و غلقه علشان لو ضلمة تشوف مكان المفتاح... طيب الكلام ده حيتعمل ازاي؟؟ ولا انت عاوز توصلها على نور التابلوه.. يعني تفضل منورة طول ما العربية ماشية؟؟

في الواجا بتنور...لما بفتح الباب وتفضل منورة شوية
مفيدة جدا في الضلمة...ربنا يوفقكوا

اقتباس:

---

المشاركة الأصلية كتبت بواسطة wajahawy

في الواجا بتنور...لما بفتح الباب وتفضل منورة شوية
مفيدة جدا في الضلمة...ربنا يوفقكوا

---

تقريبا هما في بروتون عملوها بس نسيوا يركبوا اللمبه ههههههههههههههههههههههههه هههه

لأ لو عملناها فعلا هتبقي في الجون اعتقد ممكن نعملها لما الباب يفتح تنور زي لمبة الصالون كدا

انا عندي الويرا بتنور 10 ثواني بعد فتح الباب

طيب فى حل اعتقد انه كويس لو العربية فواى الضمان وهو القلم الفسفورى و يتلون حوالين الباغة بتاعت المفتاح ده اقتراح قابل للنقد

عبد الرحمن انا خايف علي عربيتك من التجربه تعالي جرب في عربيتي لو سمحت :)
لو جامد بقي يا عبدو اعملاها Relay عشان تطفي بعد فتره عشان منبقاش سايقين وفرح العمده شغال

الحكايه دي في اسبرانزا ال516
بمجر المفتاح يدخل الكونتاكت بتطفي

ازى كانت موجوده وعاوزين نشغلها اوكى

انا شفتها فعلا فى عربيات كثير بس شفتها فى بروتون واجا وشغالة كمان
اما باقى الموديلات برسونا جين2 ساجا موجود المكان وجاهز بس مفيهوش دائرة كهربائية ولمبة
بس ممكن تتنفذ التجربة
عبد الرحمن انا جاهز للبحث معاك
هكلمك ونرتب نعملها مع بعض ان شاء الله

اقتباس:

---

المشاركة الأصلية كتبت بواسطة osama.shihata

انا شفتها فعلا فى عربيات كثير بس شفتها فى بروتون واجا وشغالة كمان
اما باقى الموديلات برسونا جين2 ساجا موجود المكان وجاهز بس مفيهوش دائرة كهربائية ولمبة
بس ممكن تتنفذ التجربة
عبد الرحمن انا جاهز للبحث معاك
هكلمك ونرتب نعملها مع بعض ان شاء الله

---

اسامه لو سحمت مش عاوزين قطع عيش قلنا هيجرب في عربيتي يعني هيجرب في عربيتي

اقتباس:

---

المشاركة الأصلية كتبت بواسطة ahmed.ali

اسامه لو سحمت مش عاوزين قطع عيش قلنا هيجرب في عربيتي يعني هيجرب في عربيتي

---

هههههههههههههه
خلاص يا احمد
انتا ابتدى واحنا وراك
وعموما ان شاء الله الفكرة بسيطة بس اهم حاجة دقة التوصيلات

حضرتك انا شفت من اسبوع بالضبط جين 2 فها فتحة سقف ومن النوع اللي بيتقتح يطلع فوق سقف العربية مش اللي بيدخل في بدن السيارة وازاي والتكلفة كام الله واعلم وهل يطلعوا من حاجة في الضمان برضوا الله واعلم بس الجين 2 مع فتحة السقف روعةةةةةةةةةةةةةةة

اقتباس:

---

المشاركة الأصلية كتبت بواسطة sayed911

حضرتك انا شفت من اسبوع بالضبط جين 2 فها فتحة سقف ومن النوع اللي بيتقتح يطلع فوق سقف العربية مش اللي بيدخل في بدن السيارة وازاي والتكلفة كام الله واعلم وهل يطلعوا من حاجة في الضمان برضوا الله واعلم بس الجين 2 مع فتحة السقف روعةةةةةةةةةةةةةةة

---

انا اسف حطيت المشاركه في المكان الغلط

انا طلبت من المشرف حذفها و الاعتذار نيابه عني

و ادي لينك للموضوع لو حد حابب يعرف تفاصيل

http://www.nilemotors.net/Nile/192334-a.html

اقتباس:

---

المشاركة الأصلية كتبت بواسطة sayed911

حضرتك انا شفت من اسبوع بالضبط جين 2 فها فتحة سقف ومن النوع اللي بيتقتح يطلع فوق سقف العربية مش اللي بيدخل في بدن السيارة وازاي والتكلفة كام الله واعلم وهل يطلعوا من حاجة في الضمان برضوا الله واعلم بس الجين 2 مع فتحة السقف روعةةةةةةةةةةةةةةة

---

اه فعلا العربية دي لفتت نظري كتير اوي
اللي شوفتها كانت نبيتي

اقتباس:

---

المشاركة الأصلية كتبت بواسطة amr1973

طيب فى حل اعتقد انه كويس لو العربية فواى الضمان وهو القلم الفسفورى و يتلون حوالين الباغة بتاعت المفتاح ده اقتراح قابل للنقد

---

أؤيد ذلك وبشده وبعنف للأسباب التالية ...

عدم خروج ضفيرة الكهرباء من الضمان...

عدم خروج الكونتاكت من الضمان....

سهوله إزالة اللون الفسفورى فيما بعد عند الرغبة.....

تحياتى

محمد عبد المجيد

السلام عليكم
انا طلبت من التوكيل تشغيله وقالو لا مينفعش ومش بس كده ده فى نور للفتيس الاتوماتيك بس بردو مبينورش

طب سؤال علي الماشي كده هي زراير الزجاج الخلفي فيها اضاءه ولا لا عشان عندي ضلمه خالص

اقتباس:

---

المشاركة الأصلية كتبت بواسطة ayman_83

طب سؤال علي الماشي كده هي زراير الزجاج الخلفي فيها اضاءه ولا لا عشان عندي ضلمه خالص

---

مش بتنور

بصوا يا جماعه وانا بدور على النت لاقيت موضوع بيتكلم على القصة دى و لاقيت كتاب من النخيلى بيشرح الموضوع المهم التنفيذ لانه عايز حد يكون بيعرف فى موضوع الالكترونياتو الكتاب اهو

http://store2.up-00.com/Dec10/lh718467.jpg

تم الاتصال بشركة النخيلى الان و سالتة على الريلاى قال انه موجود متجمع جاهز على التركيب تمنة 90 جنية و ممكن تاخد القطع بتاعته مع طريقة التجميع و تجمعه انت و تمنها 55 جنية و دة بيكون مؤقت مع الباب من ثانية الى 60 ثانية و رقم النخيلى 23923500

للرفع عشان عبد الرحمن و الناس اللى عندها استعداد تعملها

طيب سؤال تقني هل ينفع نخلي لمبه المفتاح مع لمه بالصالون علي نفس الـRelay
بمعني لما افتح العربيه لمبه الصالون و المفتاح ينورو لمده 60 ثانيه

محتاجين حد بيفهم يا جماعه فى الالكترونيات و كمان انا بصدد عمل اضاءة للفتيس الاوتو و ربنا ييسر ان شاء الله

بالتوفيق يا عوبد