| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 10 1 2 3 4 5 6 ... الأخيرةالأخيرة
النتائج 1 إلى 10 من 99

  1. #1

    الصورة الرمزية moh.aboelkheir

    رقم العضوية : 17703

    تاريخ التسجيل : 01Sep2008

    المشاركات : 1,276

    النوع : ذكر

    الاقامة : nasr city cairo

    السيارة: Hyundai matrix 2006

    السيارة[2]: punto evo pk2 auto 2011

    دراجة بخارية: harley davidson vrod soon isA :)

    الحالة : moh.aboelkheir غير متواجد حالياً

    Smile تقرير مفصل و مصور عن punto evo auto pk2 - Facebook Twitter whatsapp انشر الموضوع فى :

    hasad">

    هذا التقر ير عن بونتو ايفو اوتو باكدج 2 ….. العربيه الان معايا عامله 1200 كيلو … اللون ابيض الفرش احمر …. موديل 2011
    بلد المنشأ : ايطاليا
    التوكيل " اوماتر"... لم اتعامل معه الى الان بس الموضوع ده فيه رأي الاعضاء عنه http://www.nilemotors.net/Nile/191325-a.html
    السعر 109000
    قطع الغيار :: معقوله بالنسبه لكونها اوروبي ... مع المبالغه في سعر تيل الفرامل اللي دلوقتي يوكو و الاستاذ غمراوي و الاستاذ tareket بيشوفولو بديل علشان هو برى الضمان !
    … نبدأ اولا بمعلومات عامه عن العربيه
    الموتور : 1400 سي سي ... 77 حصان ... 4 سيلندر ... 8 صمامات sohc ... العزم 115@3000 rpm الدفع امامي
    التسارع من 0-100 : 13.2 ثانيه
    السرعه القصوى : 180
    نظام التعليق الامامي : ماكفيرسون " مستقل "
    نظام التعليق الخلفي : تورشن بيم " متصل "
    الابعاد : الطول : 4056 مللي متر
    العرض : 1678 مللي متر
    الارتفاع : 1490 مللي متر
    المسافه بين العجلتين الاماميه و الخلفيه : 2510 مللي متر
    الارتفاع عن الارض للعتبه: 155 مللي متر
    مساحه التخزين الخلفيه بدون طي الكراسي : 275 لتر

    مساحه التخزين بطي الكراسي الخلفيه : 1030 لتر


    سعه تانك البنزين : 45 لتر
    الكاوتش و الجنط :15*65 * 185 ... و الجنط اسبور " شكله جامد الصراحه "

    صندوق التروس : ديولوجيك 5 سرعات + مرشدير
    الامان : العربيه مزوده ب 2 ايرباجز و و اخده 5 نجوم في اختبار التصادم
    الزجاج : فاميه و مثبت على الرخصه
    العربيه بيجي معاها مفتاح بريموت و مفتاح عادي .... و كود المفتاح و كود الكاسيت .. عده تغيير الاطار و اطار استبن " بس بجنط حديد عادي " ...ايريال عربيه و 4 كتالوجات " واحد للعربيه وواحد للكاسيت وواحد للبلو اند مي وواحد مكتوب بالايطالي و مش فاهم منه حاجه "و يالطبع فيه ذي غلاف كده تحط فيه الكتالوجات شيك اوي الصراحه لونه ازرق

    نبدأ بقى ندخل شويه اكتر في العربيه
    التصميم الخارجي : العربيه من قدام مستوحاه من فيات 500 و شكلها مختلف عن الجراند بونتو في وضعيه الشبكه الاماميه

    ... اما من الخلف فهي مشتوحاه من الجراند بونتو مع اختلاف شكل الفوانيس المزوده بأنوار " الصراحه شكلها خرافه led lights "

    الشكل الداخلي : مستوحى من الفيات برافو و التابلوه بينزل بلون الفرش مع شكل العدادت مخلي العربيه من جوه شكلها جامد جدا ... و الخامات المستخدمه هي مزيج من الجلد الطبيعي و الكربون فيبر و فعلا خامات محترمه جدا.


    المفتاح : ذي بتاع الجراند و البرافو و ال 500 في الشكل و هو فيه 3 زراير .... واحد لفتح العربيه و واحد لفتح الشنطه و واحد لغلق العربيه ... و بالضغط على علامه فيات يطلع المفتاح

    " و ايضا الشنطه يمكن ان تفتح من الخارج عن طريق الضغط على علامه فيات في الخلف " مثل البرافو "
    نأخذ بقى العربيه حتى حتى كده
    اولا نبدأ بالسحب : العربيه بالرغم ان موتورها 77 حصان الا انه مرضي جدا و بيعمل اللي انا عايزه و كده كده احنا مش على طول هنشد المهم الاستمتاع بالسواقه ... و الصراحه الموتور لم يخذلني حتى الان في أي شيء بجد ... و صوت الموتور هادي جداا !

    الثبات : العربيه ما شاء الله ثابته جدا على الارض و معومتش مني ولا مره و انا بسوق على كوبري اكتوبر 140 و بأخد المنحنيات مستريح " و بأيد واحده كمان " ... بجد ما شاء الله صخره على الارض .
    الفرامل : العربيه فراملها مفتريه بجد و انا اتعذبت في الاول علشان اتعود عليها ... بجد باللمس بتكلبش فيا ريت اللي يجبها يسوقها براحه اوي علشان ممكن تفرمل غصب عنك جامد اللي وراك يخبط فيك ... و برده في نظام امان مع الفرامل يعني لما تدوس فرامل جامد العربيه تعمل انتظار برتم سريع لتحذير اللي وراك من الفرمله المفاجئه .
    العزل : العربيه عزلها حلو جدا و هي افضل من الجراند في الموضوع ده ... بجد تبقى قاعد حواها مش سامع صوت من برى خالص لضمان الهدوء .

    انوار و مصابيح العربيه :
    الفانوس الامامي و الانوار الاماميه : فيه عده انظمه و شكله قريب جدا من فانوس الجراند ... الانظمه اللي موجوده في الفاانوس 1) نور خفيف جدا بيشتغل مع نور التابلوه
    2) نور متوسط و ده قوي و يكفي في الاضائه الليليه ... الا لو الطريق سفر او كحل
    3) نور عالي : و ده قوي جدا بجد و بيعمي أي حد امامي
    4) نور الصباح ( نور جانبي ) و ده بيشتغل من كمبيوتر العربيه و ملوش دعوه بأنوار العربيه خالص و بيفضل شغال على طول مجرد ما تشغل العربيه ... لكن بيقفل لما تشغل النور المتوسط او الفوجات " علشان متعميش الناس "
    و الانوار الماميه فيها فنوس صغير للاشاره فوق الفوجات
    الفوج الامامي : ده نوره قوي و بينفع في الشوارع المكسره ... و فيه خاصيه بتخليه ينور مع اتجاه عجله القياده " و ده علشان ينور الشارع اللي انت داخل فيه ..و برده الفوج بيتحرك مع عجله القياده corner lights "
    و بمناسبه الحديث عن عمي الناس ... العربيه فيها حاجه كده بتخلى اافانوس اللي على الشمال نوره مركز اكتر في الطريق امامك عن الجنب الشمال علشان ميضرش في عين اللي جي عكسك

    الفانوس الخلفي و الانوار الخلفيه : يحتوي على انوار " ليد " للاضائه الليليه ..و لميه توقف و لميه اشارات
    و تحت فيه فانوس المرشدير و الفوج الخلفي " اللي لونه احمر ده "

    الانوار من الداخل: ا ماميه فقط و هي عباره عن جزئين واحد للراكب و واحد للسائق و ممكن اضائه الاتنين مع بعض . و بجد انا مستغرب ليه مش عاملين نور للكنبه اللي ورى .

    صندوق القفازات فيه نور برده خاص بيه و يضاء عند فتح الصندوق ... العربيه من جوه انوارها لونها احمر ذي ما في الصوره
    عجله القياده : multi function

    نتكلم شويه عن صندوق التروس الديولوجيك اللي الناس مستغرباه :)


    الفتيس عباره عن فتيس مانيول تماما مكون من ديسك و اسطوانه ... لكن اللي مخليه اوتو هو الدبرياج اللي بدل ميكون بدال ... بيكون موتور كهربائي يتحكم فيه كمبيوتر العربيه و الفتيس مكون من "+ و – للنقل و
    ....و في عجله القياده فيه دراعين للنقلm/a ..Paddle shift للنقل بين وضع اوتو و مانيول , R للمرشدير ,.للتموير N لتبديل ا لنقل السرعات برده .... في الفتيس ده العربيه بتنزل نقلات لوحده في جميع الاوضاع و
    بتنقل لوحدها في وضع اوتو ... يعني ال الوضع مانيوال ده بيبقى لتثبيت الترس ... و الفتيس ده بيديك احساس المانيول في كل حاجه يعني في النقل و التسقيط و التسارع و كمان العربيه تريح منك على المطالع لو مش ضاغط فرامل و عمرها ما بتمشي لوحدها ذي الاوتو العادي ... يعني مانيول في الاداء و اوتو في الراحه .
    نيجي لكراسي العربيه و الاتساع الداخلي : كراسي العربيه مريحه جدا جدا بجد و كرسي السائق يمكن تحريكه الى اعلى و اسفل و امام و الخلف و تحريك الظهر عن طريق بكره في الجنب
    الوسع الداخلي الصارحه مناسب لاسره من 4 افراد مشتريحيين و ممكن شخص خامس بس يكون رفيع شويه
    و اللي قاعد ورا بيكون مستريح و قاعد كويس ... يعني العربيه واسعه من جوه مقارنه بسيارات هاتش باك تانيه.

    العربيه فيها زجاج كهرباء امامي فقط و فيها تحكم في المرايات الجانبيه بالكهرباء .. لكن الضم يدوي " و ده احسن علشان المرايات كبيره اوي و ببتخبط كتير ... بس الصراحه بتجيب الطريق كله بوضوح "

    العربيه فيها مخرج كهرباء لكن مفهاش ولاعه ولا طفايه علشان صديقه للبيئه المفروض
    تانك البنزين بيفتح من الخارج بالمفتاح .
    بمناسبه التحدث عن البنزين فالعربيه موفره جدااا للبنزين " الاستهلاك 15 كيلو للتر " و مزوده بنظام ايكو و ده في الاوتو بس و فكرته بينقل العربيه بسرعه يعني على ار بي ام قليل "2 " و كده بوفر البنزين و برده في برنامج اسمه ايكو درايف و ده نتكلم عليه مع البلو اند مي.

    نيجي للكماليات :
    نبدأ بأهم حاجه في العربيه blue & me
    و هو نظام مطور من شركه microsoft و به عده خصائص مثل اتصاله بالموبايل و استقبال المكالمات و الرد عليها عن طريق زرار في عجله القياده .. و يمكن منه اصدار اوامر صوتيه للعربيه مثل call " mohamed " , next track, etc.. و فيه قارء للرسائل و فيه usb لتشغيل الاغاني و وضع برنامج eco drive و تحديث Blue & me

    برنامج eco drive ده برده مطور من micorsoft و خاص بفيات فقط و ده عن طريقه بتقاس طريقه سواقتك اذا كانت aggressive or ideal و بيقيس استهلاك البنزين عن كل رحله و يديك feed back عنها و يقارنلك الرحلات و يديلك نصائح لتعديل نظام سواقتك .

    بعد كده sound system : و العربيه فيها cd player " mp3 " و فيها 4 سماعات كبار و 4 صغيرين و 2 تويتر و بجد الصوت ممتاز جدا و نقي ... و في ال cd player ممكن التحكم في صوت blue& me و تشغيل نظام يعلي صوت الكاسيت في السرعه العاليه و يوطيه عند التهدئه و فيه equalizer ,ضيط bass و هكذا .... نظام الصوت هو من نوع blu punket الالماني .

    الباور : العربيه فيها زرار اسمه سيتي بيخلي الدركسيون خفيف جدا و ده بيستخدم في الركن و الزحمه فقط
    التكييف : الصراحه مجربتوش في الصيف علشان استلمت في الشتاء بس الصراحه انا شايفه قوي و في التوكيل قالو لي انه معمول على كمبرسور ياباني .
    start/stop: و ديه خاصيه موجوده في الايفو فقط دونا عن سيارات فيات الاخرى في مصر ..ز و هو نظام بيفصل العربيه في الاشارات و الزحمه و مجرد متدي نقله او تدوس بنزين العربيه تشتغل تاني .. و ده بيوفر بنزين جدا و موجدو له زرار في التابلوه علشان تلغيه لو مش عايزه .
    خاصيه follow me home : و ديه علشان لما تركن امام بيتك و الدنيا ظلام تنور نور العربيه الامامي لمده صغيره بعد ما تسيب العربيه و تمشي لات=ناره الطريق امامك و بيقفل لوحد طبعا و حد وقت اقصى 120 ثانيه
    شاشه المعلومات ... و ديه بقى فيها حجات كتير منها تقلب اغاني و تجيب استهلاك البنزين و تجيب نناقص بنزين قد ايه و تجيب متوسط السرعه و تجيب كل حاجه في menu العربيه مثل تشغيل الاضواء الجانبيه ... تعليه صوت التنبيه في العربيه ... عمل تنبيه على سرعه محدده كي لا تتجاوزها ... تشغيل نظام غلق الابواب بعد تجاوز سرعه 30 ... تشغيل trip b لو هتقارن رحلتين . و برده لوحه المعلومات تظهر اي باب مفتوح مثلا rear right open or front left open . و كمان لو لمبه اتحرقت في العربيه تحددلك مكانها ... و لو فيه اي مشاكل في العربيه في الفتيس .. تيل الفرامل ... الفرامل .. الزيت ... الشاشه تبينلك .... و كمان يظهر عليها انت على وضع auto ولالا manual و تظهرلك النقله ... و او جالك تلليفون تبينلك المتصل ...و ممكن تقلب منها في الارقام بتاعت موبايلك . " ارجو مكنش نسيت حاجه "

    cruse control : و ده مثبت سرعه يعمل عن طريق ذراع خلف عجله القياده و فيه ممكن تزود السرعه و تنقصا دون الضغط على الدواسات و الموضوع ده بيتلغي مجرد الضغط على الفرامل ... و فيه زرار recored علشان تسجل السرعه اللي عايزها و تدوس عليه يجبلك السرعه لوحده " لو دوست فرامل و مثبت السرعه قفل "
    في رأي العربيه ديه بسعرها ده حلوه جدا و تنافس بشده في السوق المصري ... و تمنها فيها الصراحه
    اعتقد كده قلت كل حاجه تقريبا اعرفها عن عربيتي ... ارجو مكنش نسيت حاجه ان شاء الله
    اتمنى يكون التقرير افادكم
    تفبلو تحياتي :)



    تقرير مفصل عن البونتو ايفو اوتو باكدج 2
    http://www.nilemotors.net/Nile/19242...-auto-pk2.html


  2. #2

    الصورة الرمزية fouady

    رقم العضوية : 44416

    تاريخ التسجيل : 03Aug2009

    المشاركات : 1,678

    النوع : ذكر

    الاقامة : Maadi

    السيارة: Nissan Tida Hatch 2012

    السيارة[2]: Fiat Punto 2003

    دراجة بخارية: لا يوجد

    الحالة : fouady غير متواجد حالياً

    افتراضي -

    لا تعليق تقرير زي الكتاب مابيقول مبرووووك عليك الايفو وإن شاء الله يكفيك شرها ويبركلك فيها


  3. #3

    الصورة الرمزية moh.aboelkheir

    رقم العضوية : 17703

    تاريخ التسجيل : 01Sep2008

    المشاركات : 1,276

    النوع : ذكر

    الاقامة : nasr city cairo

    السيارة: Hyundai matrix 2006

    السيارة[2]: punto evo pk2 auto 2011

    دراجة بخارية: harley davidson vrod soon isA :)

    الحالة : moh.aboelkheir غير متواجد حالياً

    افتراضي -

    اقتباس المشاركة الأصلية كتبت بواسطة fouady مشاهدة المشاركة
    لا تعليق تقرير زي الكتاب مابيقول مبرووووك عليك الايفو وإن شاء الله يكفيك شرها ويبركلك فيها
    شكرا ليك يا باشا .... الله يبارك فيك :)



    تقرير مفصل عن البونتو ايفو اوتو باكدج 2
    http://www.nilemotors.net/Nile/19242...-auto-pk2.html


  4. #4

    الصورة الرمزية sweetvolcanoo

    رقم العضوية : 60491

    تاريخ التسجيل : 30Jan2010

    المشاركات : 118

    النوع : ذكر

    الاقامة : alexandria

    السيارة: punto evo auto pk2

    السيارة[2]: kia cerato 2010

    دراجة بخارية: .......

    الحالة : sweetvolcanoo غير متواجد حالياً

    افتراضي -

    الله ينور يا محمد,,,ممكن لما اخلص تقريري نبقي ندبس الاتنين في بعض,ههههههههههههه


  5. #5

    الصورة الرمزية moh.aboelkheir

    رقم العضوية : 17703

    تاريخ التسجيل : 01Sep2008

    المشاركات : 1,276

    النوع : ذكر

    الاقامة : nasr city cairo

    السيارة: Hyundai matrix 2006

    السيارة[2]: punto evo pk2 auto 2011

    دراجة بخارية: harley davidson vrod soon isA :)

    الحالة : moh.aboelkheir غير متواجد حالياً

    افتراضي -

    اقتباس المشاركة الأصلية كتبت بواسطة sweetvolcanoo مشاهدة المشاركة
    الله ينور يا محمد,,,ممكن لما اخلص تقريري نبقي ندبس الاتنين في بعض,ههههههههههههه
    معنديش اي مانع



    تقرير مفصل عن البونتو ايفو اوتو باكدج 2
    http://www.nilemotors.net/Nile/19242...-auto-pk2.html


  6. #6

    الصورة الرمزية M_wahba

    رقم العضوية : 80636

    تاريخ التسجيل : 19Sep2010

    المشاركات : 60

    النوع : ذكر

    الاقامة : Alexandria

    السيارة: Fiat Punto Classic 2011

    السيارة[2]: Fiat 128

    دراجة بخارية: لا

    الحالة : M_wahba غير متواجد حالياً

    افتراضي -

    ربنا يبراك لك فيها يا باشا و يكفيك شرها
    بجد تقرير فوق الهايل


  7. #7

    الصورة الرمزية moh.aboelkheir

    رقم العضوية : 17703

    تاريخ التسجيل : 01Sep2008

    المشاركات : 1,276

    النوع : ذكر

    الاقامة : nasr city cairo

    السيارة: Hyundai matrix 2006

    السيارة[2]: punto evo pk2 auto 2011

    دراجة بخارية: harley davidson vrod soon isA :)

    الحالة : moh.aboelkheir غير متواجد حالياً

    افتراضي -

    اقتباس المشاركة الأصلية كتبت بواسطة m_wahba مشاهدة المشاركة
    ربنا يبراك لك فيها يا باشا و يكفيك شرها
    بجد تقرير فوق الهايل
    شكرا ليك يا باشا :)



    تقرير مفصل عن البونتو ايفو اوتو باكدج 2
    http://www.nilemotors.net/Nile/19242...-auto-pk2.html


  8. #8

    الصورة الرمزية الغزالى

    رقم العضوية : 43904

    تاريخ التسجيل : 24Jul2009

    المشاركات : 6,322

    النوع : ذكر

    الاقامة : القناطر الخيرية

    السيارة: مفيش

    السيارة[2]: kia-sephia 99

    دراجة بخارية: كريم منير لسه هايشترلى واحد

    الحالة : الغزالى غير متواجد حالياً

    افتراضي -

    مبروك ابو الخير ,,,,


  9. #9

    الصورة الرمزية moh.aboelkheir

    رقم العضوية : 17703

    تاريخ التسجيل : 01Sep2008

    المشاركات : 1,276

    النوع : ذكر

    الاقامة : nasr city cairo

    السيارة: Hyundai matrix 2006

    السيارة[2]: punto evo pk2 auto 2011

    دراجة بخارية: harley davidson vrod soon isA :)

    الحالة : moh.aboelkheir غير متواجد حالياً

    افتراضي -

    اقتباس المشاركة الأصلية كتبت بواسطة mgazaly مشاهدة المشاركة
    مبروك ابو الخير ,,,,
    الله يبارك فكيا غزالي ...و مبروك ليك مقدما برده



    تقرير مفصل عن البونتو ايفو اوتو باكدج 2
    http://www.nilemotors.net/Nile/19242...-auto-pk2.html


  10. #10

    الصورة الرمزية Eng_Moh.Dewair

    رقم العضوية : 71045

    تاريخ التسجيل : 20May2010

    المشاركات : 576

    النوع : ذكر

    الاقامة : alexandria

    السيارة: cruze 2014

    السيارة[2]: octavia A5 09

    دراجة بخارية: سكوتر بعجل بينور

    الحالة : Eng_Moh.Dewair غير متواجد حالياً

    افتراضي -

    hasad">

    ما شاء الله ربنا يباركلك فيها. على فكره انا عاجبنى جدا اختيارك للون الابيض شيك جدا. كنت عايز اعرف المانيوال pk2 فيها نفس الامكانيات دى و لا لا ؟ والبدال شيفت مش موجود غير فى الاتوماتيك بس ؟ واللون الاحمر فى التابلو والفرش ده موجود ولا لا ؟ يا ريت تفيدنى حضرتك لانى انشاء الله هحاول اجيبها فى اجازه نص السنه و جزاك الله خيرا



 
صفحة 1 من 10 1 2 3 4 5 6 ... الأخيرةالأخيرة

المواضيع المتشابهه

  1. تقرير مفصل مصور : و ركبنا لمض يا رجالة
    بواسطة ahma8 في المنتدى سـوزوكى
    مشاركات: 11
    آخر مشاركة: 14-05-2012, 02:45 PM
  2. تقرير مفصل و مصور عن الايفو مانيوال pk2
    بواسطة wael17 في المنتدى أخبار السيارات في مصر والعالم
    مشاركات: 8
    آخر مشاركة: 26-03-2012, 10:03 PM
  3. مشاركات: 36
    آخر مشاركة: 10-06-2011, 12:40 PM
  4. تقرير مفصل و مصور عن punto evo auto pk2
    بواسطة moh.aboelkheir في المنتدى أخبار السيارات في مصر والعالم
    مشاركات: 30
    آخر مشاركة: 06-03-2011, 01:20 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2