اقتباس:
المشاركة الأصلية كتبت بواسطة ahmedesmat1987
ياجماعه قفل المسوجر بتاع الدركسيون مش بيقدم ولا بياخر الا فى الوقت بتاع السرقه لان كده كده الحرامى واخد احطياتاطو فى المسئله دى سواء كنت قافل ولا فاتح هو كدة كدة بيسرقها ويطفش المسوجر لان بذكاء كده لو دورها باسلاك من غير ميفور الكونتكت مهى هتسوجر منه من اول طلعه لان المفتاح مش فيها لان المسوجر مابيقفلش الا بالمفتاح فاكيد هو عامل حسابه على كده .. ثانيا حكايه تفوير الكونتكت دى مسئله سهله جدا واكتشفتها بالصدفه البحته عن تجربه ليا فى عربيه صحبى.......... الحكايه كالتالى.
كنت فى يوم من الايام ماشى فى شرعنا اتصدفت بواحد صحبى عندو عربيه شاهين بينادى عليا (بحكم ان انا عبقرينو الشارع يعنى بحب ادعبس فى كل حاجه) ما علينا المهم لاقيتو بيقولى ياحمد المفتاح معلق ومشراضى يدور العربيه المهم قولتلو ماشى هات المفتاح قعدت اجرب يمين شمال مش نافع قولتلو هاتلى مفك جابهولى بالصدفه البحته قولت افور علبه الدركسيون اشوف فى ايه فى الكونتكت فكيت العلبه ماخديتش 2 دقيقه وكانت الصدمه مجرد مافكيت العلبه لاقيت الكونتكت متسبت على اربع مسامير فى الدركسيون واسلاكه بينه كلها وهما عباره عن 3 اسلاك داخلين فيشه بتتفك وتتركب المهم الدركسيون كان مسوجر مجرد ماحليت الكونتكت بالاربع مسامير الكونتكت كان فى ايدى والعربيه اتحررت افتكرت الافلام العربى القديمه اللمس سلكتين وشرز بالتالته لاقيت العربيه دارت ساعتها لاقيت صاحبى راح بصصلى حته بصه وقالى انت مستقبلك مضمون وراح ضاحك المهم انا اليوم دا اتصدمت لانى كنت متخيل انا الامان فى العربيات اكتر من كده .
المهم تخيلو انا اللى اسمى بلعب واول مره اعملها دورت العربيه فى 10 دقائق وانا بكتشف كمان تخيلو بقى الحرامى المتمرس ممكن يعمل ايه فى اقل من 5 دقائق.......عشان كده بقولوكو متتخيلوش انها حاجه صعبه ان العربيات تتسرق دى اسهل من السهوله وربنا يحرسكو....
لا ياباشا مش بالسهولة ديه
الموضوع كان سهل معاك لإن الكونتاكت ده اتفك قبل كده
انا عندى شاهين 2004 والكونتاكت علق
الكهربائى طلع عينه على ما عرف يفوره
الكونتاكت الأصلى الفبريكة مع السيارة متثبت بأربع مسامير وروؤس المسامير بتتكسر بعد تركيبها وتثبيت الكونتاكت بحيث ان تفويره بيكون صعب جدا
الكهربائى أخد حوالى ساعه على ما عرف يفكه
لما جبت كونتاكت جديد اثبت بأربع مسامير عاديه
دلوقتى الفك سهل جدا زى ما انت بتقول بمفك بسيط تقدر تفور الكونتاكت
علشان كده كلابش الدريكسون بقى أكثر أهمية بالنسبة ليا