من فضلكم استخدموا كلابش الدريكسيون

**M.Osman** · 26-12-2010 11:05 PM

المشاركة الأصلية كتبت بواسطة gebreel

يا باشا ده تكة صغيرة يمين او شمال على حسب و تلاقي الدريكسيون قفل مش حتاج باور ولا يفرق تقل الدريكسون من عدمه

بس انا بصراحة بكسل و العربية فيها اموبيلايزر و اشيل وش الكاسيت و ميبقاش فيه حاجة ملفتة في العربية باينة و اتوكل على الله

و يا جماعة من فضلكم محدش بعد مايركن العربية ينزل يحط حاجة مهمة في شنطة العربية حطها بعيد و بعدين اركنها

انا لما بنزل من الشغل الابتوب في شنطة العربية من المهندسين مايطلعش غير في الجراج في مدينة نصر و هكذا لو في مشوار و معاك حاجة مهمة عاوز تحطها في شنطة العربية اركن على جنب قبل ما توصل و بعدين حطها و كمل طريقك

و بردو بلاش الجواكيت و البدل تتحط في العربية و تتساب

حلوة النصيحة دي ... انا دايماً مكنتش واخد بالي منها
اركن و انزل زي الشاطر احط كل الحاجات المهمة في الشنطة

طب الجواكت لو الجو حر اوديها فين !!
دي بقت حاجة صعبة اوي

**D . a .\ AYMAN** · 26-12-2010 11:06 PM

أنا فعلا كنت بأستخدمه من فترة .. ومن ساعة ما إتجوزت نسيته في عربيتي القديمة وماجبتش واحد جديد ونسيته خالص

لكن هو فعلا بيصعب الموضوع على نسبة كبيرة جدا من الحرامية اللى بيقرروا يسيبوا العربية اللى فيها البتاع ده

لكن برضه الحرامي لو قفلت معاه هايفكه عادي مش مشكلة ... في عربيات بالهبل فيها إموبيلايزر وبتتسرق عادي وبيكون الدركسيون مسوجر كمان ... لكن فكه بيكون صعب شوية ورخم

**gebreel** · 26-12-2010 11:14 PM

المشاركة الأصلية كتبت بواسطة m.osman

حلوة النصيحة دي ... انا دايماً مكنتش واخد بالي منها
اركن و انزل زي الشاطر احط كل الحاجات المهمة في الشنطة :e_braces[1]:

طب الجواكت لو الجو حر اوديها فين !!
دي بقت حاجة صعبة اوي

هقلك على حاجة

شوفلك حافظة بدل تكون مش بتستخدمها و ارميها في شنطة العربية و لما تتحر و مش عاوز تاخد الجاكيت معاك اركن و احطوا في الحافظة دي و حطوا على وش الحجات اللي في شنطة العربية

و بكدة مش هيتكسر و لا هيبقى مغري للحرامي اللي ممكن يكسر العربية علشان اي حاجة مهمنا كانت تافهة

**M.Osman** · 26-12-2010 11:37 PM

المشاركة الأصلية كتبت بواسطة gebreel

هقلك على حاجة

شوفلك حافظة بدل تكون مش بتستخدمها و ارميها في شنطة العربية و لما تتحر و مش عاوز تاخد الجاكيت معاك اركن و احطوا في الحافظة دي و حطوا على وش الحجات اللي في شنطة العربية

و بكدة مش هيتكسر و لا هيبقى مغري للحرامي اللي ممكن يكسر العربية علشان اي حاجة مهمنا كانت تافهة

تمام... عندك حق .. :)
thank you

**ahmed_mido1889** · 27-12-2010 03:01 AM

المشاركة الأصلية كتبت بواسطة cars sniper

لما الحرامى مايعرفش يفك قفلة الدركسيون بتاعة الكونتاكت...امال العربيات الحديثة دى بتتسرق ازاى...هل معاه مفتاح بيفتح بيه العربيات دى ولا ايه؟؟

انا فاكر اني شوفت واحد في ميكروباص كان الدريكسيون مسوجر قعد يخبط فيه من تحت بعتله وفك المسوجر وقام مدوره بسلكتين ونزل بينا من المريوطيه لحد المعادي

**pro_samir** · 27-12-2010 07:57 AM

والله الواحد من كتر ما بيسمع عن السرقه كل يوم بتهيألي وانا نازل اني مش هلاقي العربيه :s

حاليا بكتفي بمسوجر الدركسيون و ناوي ان شاء الله اركب انذار من اللي بيفصل الكهربا ، قفل الدركسيون اعتقد بيتطفش برضو بس مش عارف سهل ولا صعب ..

الأهم من كل ده لما تركن أو تركب تقول "اللهم إني أستودعك سيارتي هذه"

شكرا استاذ هشام

**احمدعبدالعزيز** · 27-12-2010 08:51 AM

شكرا علي النصيحه .

**SonaSteel** · 27-12-2010 09:50 AM

المشاركة الأصلية كتبت بواسطة Rerii

انا عربيتى اوتوماتيك هل ممكن الاقى كلابش دريكسيون وبيركب ازاى ؟؟؟

وهل فيه طرق امان زيادة؟؟؟

كلابش الدريكسيون الاتوماتيك اللي محطوط صورته في اول الموضوع ده موجود في شارع دمشق ب35 جنيه
انتي ممكن تجيبي اتنين ...............
واحد يمسك الفتيس بفرامل اليد
والتاني يمسك الطارة نفسها وازنقيها في قايم الباب
وسوجري الدريكسيون نفسه .......... يلا من نفسك برده

-

-

الموضوع: من فضلكم استخدموا كلابش الدريكسيون

LinkBack

أدوات الموضوع

عرض

-

-

-

-

-

-

المواضيع المتشابهه

!? !? !? !? حد ضايع منه كلابش ؟! ؟! ؟! ؟!

كلابش الدركسيون

كلابش للعجل دي بتاع المرور

كلابش الدريكسيون

فيديو يثبت ان الالمان هم اول من استخدموا المحركات الوسطية

الكلمات الدلالية لهذا الموضوع

المفضلات

المفضلات

ضوابط المشاركة