الموضوع: من فضلكم استخدموا كلابش الدريكسيون

انا دلوقتى بقيت بستخدم العربية استخدام بسيط يعنى لو رايح مشوار موصلاته سهلة بسيب العربية و بروح موصلات
و لو روحت بالعربية فى اى حتة باركن فى اى جراج فى المنطقة اللى انا فيها و مش بسيب المفتاح لحد و بسوجر الدركسيون و بركب الكلبش بالاضافة انى مغير سنتر الهيونداى المعفن اللى غبور مركبه و جايب سنتر تانى فيه خاصية ان العربية ماتدروش الا اذا اتفتحت بالريموت لو اتفتحت بالمفتاح مش هاتدور لاغى المارش خالص و طبعا براضى السايس بتاع الجراج
الموضوع دة كله عشان لما ارجع من مشوارى الاقى عربيتى
و ربنا يبعد عننا ولاد الحرام الله يلعنهم دنيا و اخرة

يا جماعه محدش يصدق موضوع مسوجر الدروكسيون لان كان معايا كورولا 2005 وكنت مسوجر الدركسيون وكل عام وانتم بخير نزلت لقيت مكنها ازاز
طبع الاوبترا بتكلبش بس ركزو قوي في الحته دي انا عرفت اشيل الكلابش من غير المفتاح بس مش هقولل الطريقه علي العام كده الي عايز هبقي ابعتهالو علي الخاص

المشاركة الأصلية كتبت بواسطة hpxp

يا جماعه محدش يصدق موضوع مسوجر الدروكسيون لان كان معايا كورولا 2005 وكنت مسوجر الدركسيون وكل عام وانتم بخير نزلت لقيت مكنها ازاز
طبع الاوبترا بتكلبش بس ركزو قوي في الحته دي انا عرفت اشيل الكلابش من غير المفتاح بس مش هقولل الطريقه علي العام كده الي عايز هبقي ابعتهالو علي الخاص

ابعتها ياسيدى

وصلت يا بشا

هي نصيحه غاليه نشكرك عاليها

لكن المشكله ان حتى مانع السرقه ليه مفتاح فالحرامي زي ما فتح كلون العربيه هيفتح كلون مانع السرقه بالاضافه لان فيه طرق كتير لانك تشيلو من غير مفتاح بردو
بس بردو هو هيتعطل شويه او يمكن يغير رأيو لما يلاقي حاجه زي كده

هل فيه نوع مثلا المفتاح بتاعو صعب يتفتح بحاجه تانيه ؟ ( انا كنت هجيب واحد لكن بدور على حاجه كده ) فلو حضرتك تدلنا مثلا على نوع كده يبقى جزاك الله خير


وشكرا مره تانيه

المشاركة الأصلية كتبت بواسطة puyol

والله يا جماعة الموضوع مهم جدا لأن السرقة زادت أوي أنا عربيتي كانت هتسرق انهارده والحمدلله ربنا ستر
اللي حصل أنا بركن عربيتي في مكان واركب الباص بتاع الشغل وبرجع السعة تقريبا 7 م لنفس المكان عشان آخد عربيتي ولقيت الزجاج الخلفي يمين مكسور والباب مفتوح سنه صغيرة والعربية مفيهاش حاجة مسرووقة حاجة غريبة والكاسيت موجود ونظارة شمس كارتير وكله تمام كان معايا واحد صحبي قاللي ادام الزجاج مفتت يبقى سرطان مش سرقة إيه الحل

أخطر حاجة يكون ليك سلوك ثابت خاصة لو منطقة مش أمان لأنهم بيرصدوك و يعرفوا ان العربية دي صاحبها حيفضل بعيد عنها كذا ساعة.. الأفضل تركن كل مرة في حته شكل أو بعيد شوية عن المكان اللي بتركب منه الباص.
برضه من المشهور سرقة السيارات من أماكن زي عمارة فيها طبيب أطفال مثلاً.. بيشوفوا اسرة ومعاهم طفل وواضح من شكلهم انهم داخلين عند الطبيب... يعني معاه ساعة أو اتنين بالمرتاح.. وبيبقى متكمن ان العربية مش بتاعت حد في المنطقة ولا حد يعرف صاحبها..

هو مسوجر الدريكسيون مش كافي ؟؟؟؟؟؟