الموضوع: ممكن مساعده من خبراء الاكسيل ( للخبراء فقط

السلام عليكم و رحمه الله و بركاته
الزملاء الكرام
انا من زمان و انا بحب الاكسيل
و دلوقتي بفكر اشتريها
و امامي سياره موديل 94 1300 سي سي
مبهدله كتير
و فرشها وحش و عفشتها متبهدله
و دهانها من بره نص نص
التكييف مش شغال
و الاكسسوار اللي فيها تعبان يعني حتي المقابض و الكوالين
و سمعت كمان من صاحبها بيقوللي دي فبريكه من جوه لكن في خبطه مسمعه علي بسيط من عن الكرتيره اليمين كده
و سمعت الصراحه ان الاكسيل مع كتر المطبات و كده بيحصل فيها كسور في الحوض
خايف اشتريها و الاقيها مصيبه بعد كده
المطلوب منكم حاجتين
ايه رأيكم في العربيه اللي وصفتهالكم اشتريها و اظبطها علي مزاجي
و لا اللي فيها دي مصاصيب متنفعش
ثانيا دي تبقي سعرها حلو بكام لو حبيت اشتريها
ردوا عليا لان بجد رأيكم يهمني

جزاكم الله خيرا
و صح المثل اللي بيقول
ما خاب من استشار
جزاكم الله الف خير