مطلوب تسعير سيارة فيورا موديل 87 و سيارة سكودا فيليشيا موديل 97

ارجو ان تقيمولي هاتين السيارتين:

سكودا فيليشيا موديل 97 :
اللون احمر - الشكل القديم -عاملة 120 الف كيلومتر - بها تكييف - الدواخل فابريقة - السقف و غطاء الشنطة ببوية الفابريقة و بقية الخوارج مرشوشة و بحالة ممتازة ما عدا حكتين محتاجين سمكرة و بوية - الموتور و العفشة بحالة ممتازة - والفرش و التابلوه كانه جديد

سوبر فيورا موديل 87 :
اللون الاحمر - دواخل ببوية الفابريقة كاملة ما عدا الفخدتين اللي في الامام و حتة صغيرة في ارضية الشنطة - فيها اثار معالجة بارومة في الفخدة اليمين و التانية في الفخدة الشمال ( تقريبا متصنفرين و فيهم تجنيط ) وعاوزين يترشوا علشان صاحب العربية حاطط عليها شحم مش عارف ليه بس فيها نمرتين الفخدة ( الارقام المحفورة في الفخدة + النمرة المعدنية ) - فيها كمان حتتين بارومة تحت ارضية الشنطة - فيه كمان كام حتة صدا في كذا حتة في الاجزاء الخارجية - الموتور اعتقد انه خفيف شوية

ارجو من حضراتكم توضيح السعر المناسب لكل عربية منهم

الفليشيا = 37
الفيورا = 16

ماحدش يقدر يسعر لانه على حسب حاله العربيه مش راشه خالص راشه بره او راشه كرتيرات ده بالنسبه للفيورا بس النضيف مش اقل من 20 وانت طالع او 20 وانت نازل كله على حسب الحاله وربنا يسهلك بس ما تستهونش بالبرومه لانها ممكن تاكل العربيه وكمان ماتتعملش كويس

الف شكر يا اخواني..... بس انا اتصدمت من السعر المطلوب في الفيورا ..........تخيلوا طالب كام ؟ 18500 من الاخر....... :mad:

اقتباس:

---

المشاركة الأصلية كتبت بواسطة thegoodhacker

الف شكر يا اخواني..... بس انا اتصدمت من السعر المطلوب في الفيورا ..........تخيلوا طالب كام ؟ 18500 من الاخر....... :mad:

---

ما انا عشان كدة قولتلك 16 عشان تبتدى كلام معاة تحت اللى هو هايطلبة

اقتباس:

---

المشاركة الأصلية كتبت بواسطة seatlover

ما انا عشان كدة قولتلك 16 عشان تبتدى كلام معاة تحت اللى هو هايطلبة

---

هو كان عارض العربية لاعلي سعر ولما شفتها و بعد استشارتكم في موضوع السعر قلتله حاشتري علي 16 الف قالي العربية جابتله 18500 من اكتر من مشتري و حلفلي علي كده ........ و طبعا كده السعر حيبقي بعيد اوي.......

للآسف هو دة حال السوق بالذات فى ال 127
حالات العربيات X غير متناسبة ابداً مع السعر المطلوب