عن الكتب و المكتبات و طلب نصيحه

**amir** · 26-12-2010 06:58 PM

السلام عليكم و رحمه الله

شباب نايل موتورز

محتاج مساعده

الكتب و المراجع احتلو الاوضه تماما و فاض بيهم الدولاب و المكتب و كل الاسطح الممكن استغلالها في الاوضه

انا كنت عملت موضوع من فتره عن المكتبات لكن ملقيتش اللي كنت عايزه

دورت علي النت و لقيت شويه تصميمات سواء بسيطه او معقده
و في مكتبه تصلح للاركان دي محتاجها برضو

اتفرجو كده و قولولي الموضوع ده يخلص عند مين

في الرف المعمول باللون الاحمر ده

http://www.ultimatehandyman.co.uk/di...ng_....ves.htm

في منه بيتنفذ خشب بس انا عايز زي ده بالظبط و طبعا التثبيت بتاعه في الحيطه معدن و الرف نفسه انا شاكك انه يكون خشب بس حاسس ان ليه علاقه بالالوميتال او الوميتال عليه خشب (و ده اقوي في التحمل عن نفس الرف المعمول بالخشب)

و ده ارفف للاركان و عندي مكان فوق المكتب مناسب ليه جدا

Lorna Corner Shelf by William Feeney | Apartment Therapy New York

و ده منظر تاني ليه

http://www.ifurn.com/pics/8/4dconcep...9100.1.800.jpg

و دول طبعا اضعف الايمان

http://www.instructables.com/id/How-...-for-less-tha/

http://www.elledecor.com/files/web/u...es_nobooks.jpg

و دي تحفه بس عايزه مساحه علي الحيطه مش عندي اصلا بس اتفرجو عليها يمكن تعجب حد فيكم

http://farm4.static.flickr.com/3650/...936b388c13.jpg

و دي فكره حلوه و عايزكم تلاحظو نوع الخشب ده اسمه ايه

http://newshousedesign.com/tag/wood-book....ves/

===================

انا مهم عندي ان اللي عنده حد ينفذ يكون الفنش بتاعه حلو لأننا عملنا قبل كده مكتبات ضخمه عموله و للاسف فينش سيء للغايه

ارجوكم انا مش عندي مكان فاضي في الاوضه و كل شويه الاقي نفسي بجيب كتاب او مرجع جديد و حتي دول بقيت الاقي مكان اشيلهم فيه و مش عارف اوصله بسهوله بعد كده

**amir** · 26-12-2010 07:21 PM

المشاركة الأصلية كتبت بواسطة sarah5

ربنا معاك وتقدر توصل للمكتبة المناسبة لمجموعة الكتب بتاعتك بس نصيحة ليك لانك يبدو انك مهتم بموضوع الكتب وتنظيمها وشكلها مجموعة كبيرة من الكتب والمراجع .المكتبة مش عبارة عن خشب موجود جواه كتب لأ لازم تهتم جدا بتنظيم مجموعة الكتب اللي عندك وده موضوع كبير وليه طرق كتير لو احتاجت مساعدة او عندك اي سؤال انا مستعدة اجاوبك لأن عندي خبرة في الموضوع ده

اول ما الاقي التصميم و التنفيذ و تتعمل بأذن الله هبقي انظم الكتب فيها و انا و انا بدور قريت و خدت بالي من شويه نقط جماليه

بس حاليا المكان عندي يعتبر بيت رعب

**amir** · 26-12-2010 07:38 PM

كلام جميل لكن التنفيذ صعب
الاوضه مش صغيره بس اقولك الوضع عامل ازاي

كتب في الدولاب من فوق و تحت في الارفف
كتب و ورق في المكتب و عليه
كتب علي الارض في اكياس

ده غير مشكله الحمد لله انها عدت علي خير

انا عندي رساله الماجستير عن موضوع معين و بستخدم فيه مواد كيميائيه معينه لتصنيع كاشف عن الدم
منها كحول نقي 99.9%
شايل العلب الكبيره في مكان امن في المكتب لكن الكاشف نفسه كنت محضر منه كميه معقوله في زجاجات خاصه لحفظ المواد دي
كنت محتاجها الاسبوع اللي فات و فتحت اجيبها من الدولاب من فوق لقيت الزجاجات دي مسربه علي بعض و الكاشف المتحضر باظ و الكلام ده كان صباحيه اليوم اللي المفروض كنت اروح بيهم الكليه للمشرف و المشرفه المساعد اللي مسئولين عني في الكليه و طبعا كان موقف محرج

فالموضوع مأساه بمعني الكلمه غير السيمينارات اللي المفروض افتح ليها كذا كتاب و اللخبطه اللي عندي مش سامحالي غير البحث في النت عن معلومات ضحله جدا بدل ما اجيب الموضوع من مراجع بشكل احترافي

انا زهقت

**ecybrarian** · 26-12-2010 10:05 PM

كتب ومراجع..انت كدا صح..اصل الناس في مصر لما تكلمهم عن مكتبة يكلموك هم مكان التليفزيون والدش..ولأن اللينكات مش شغالة معي، هاقترح عليك اقتراح واحد فقط...استخدم الرفوف المغلقة وبلاش المفتوحة علشات التراب

**amir** · 27-12-2010 12:34 AM

طيب كل الاعضاء اللي شافو الموضوع محدش يعرف فيهم يدلني؟

**amir** · 27-12-2010 01:24 AM

المشاركة الأصلية كتبت بواسطة ecybrarian

...استخدم الرفوف المغلقة وبلاش المفتوحة علشات التراب

الاوضه هتبقي عامله زي الترب كده
المكتبه القديمه كانت 2 متر طول و كانت عامله زي جثه معلقه

اللينكات شغاله جرب تاني يمكن تفيدني

**amir** · 27-12-2010 05:40 PM

الموضوع صعب قوي كده

يا رجاله المنتدي فينكم و فين حلولكم

-

-

-

الموضوع: عن الكتب و المكتبات و طلب نصيحه

LinkBack

أدوات الموضوع

عرض

-

المواضيع المتشابهه

هي فين المكتبات العامة في القاهرة

اسعار قاعات كتب الكتب في مصر

نصيحه للى عاوز يشغل عربيته بالريوت(نصيحه لوجه الله)

الكلمات الدلالية لهذا الموضوع

المفضلات

المفضلات

ضوابط المشاركة