الموضوع: ترااااااب ... عربيتي مدمنة تراب

إوعى تفتكر إن الواكس هيريحك من الموضوع ده

أنا كنت تقريبا بعمل واكس كل شهر مرة أول ما جبت العربية .. هية إسبوع العربية كويسة فيه وتتمسح بقماشة ترجع بنت ناس تاني ,, وبقيت الشهر ترجع ريما لعادتها في إمتصاص أتربة الطريق وإلصاقها بجسمها الخارجي

أنا أعرف ناس أصدقائي معاهم عربيات سودا زيي (بس هما بي إمات ومرسيدس .. عشان كده لازم يعملوا كده) مجانين بقى .. تقريبا كل ما أكلم حد منهم في التليفون في أي وقت من الليل أو النهار ألاقيه بيغسل العربية .. ده فيه منهم اللى بيسيب العربية في البنزينة وياخد تاكسي يقضي بيه مشوار ويرجع ياخد عربيته تاني

حاجة تجنن .. عشان كده أنا ريحت دماغي .. وإن شاء الله مش هاجيب إسود تاني .. ومن تجربتك مش هاجيب زيتي من بابه

المشاركة الأصلية كتبت بواسطة Hesham Hamza

حد قالك تجيب خلاط لونه زيتى :)

أنا بعانى من الموضوع ده فى البيكانتو ( لونها أسود ) لدرجة أنى مبقتش أغسلها

أما اللانسر ( لونها شامبين ).....هتصدقنى لو قلتلك أن بقالها معايا 10 شهور ومتغسلتش غير حوالى( من 8 الى 12 مره )

وللعلم أنا مبمسحاش خالص ومفيش فوطه بتيجى ناحيتها عشان الخرابيش يعنى غسيل على طول

قدري :)
ل كنت عايز أكسيل ولا زيتي :)
بس حالتها عجبتني
ما شاء الله علي عربيتك
انا لو عملت كدة في عربيتي هتبقي كدة

المشاركة الأصلية كتبت بواسطة N.Y.S.M.A

إوعى تفتكر إن الواكس هيريحك من الموضوع ده

أنا كنت تقريبا بعمل واكس كل شهر مرة أول ما جبت العربية .. هية إسبوع العربية كويسة فيه وتتمسح بقماشة ترجع بنت ناس تاني ,, وبقيت الشهر ترجع ريما لعادتها في إمتصاص أتربة الطريق وإلصاقها بجسمها الخارجي

أنا أعرف ناس أصدقائي معاهم عربيات سودا زيي (بس هما بي إمات ومرسيدس .. عشان كده لازم يعملوا كده) مجانين بقى .. تقريبا كل ما أكلم حد منهم في التليفون في أي وقت من الليل أو النهار ألاقيه بيغسل العربية .. ده فيه منهم اللى بيسيب العربية في البنزينة وياخد تاكسي يقضي بيه مشوار ويرجع ياخد عربيته تاني

حاجة تجنن .. عشان كده أنا ريحت دماغي .. وإن شاء الله مش هاجيب إسود تاني .. ومن تجربتك مش هاجيب زيتي من بابه

ده بي أم
ليه حق طبعا
النهارده كانت عاملة زي كدة بعد ما جت عليها المية

وأكتر كمان
عشان مسحتها ولحوست

ده مش انا لوحدى اللى بعانى من المشكلة دى!!
انا تقريبآ بطلت أغسلها من بره
المهم تبقى نضيفة من جوة و الزجاج و المرايات تبقى برضه نضيفة عشان أعرف اسوق

وديتها كار كير محترم و قولت هتخلص من المشكلة دى .. هى بالظبط اسبوع و رجعت زى ما كانت

بجد حاجة تزعل ان الواحد يبقى عايز يهتم بالعربية و مش عارف

بص انا بتدايق لما الاقي تراب علي العربيه وعربيتي اللانوس زيتي برده كانت نفس القصه
كل شويه انضفها وتترب ويا سلام لو عليها نقطه مياه تلاقي العربيه كلها بتجير
سبت العربيه كام شهر من غير لما اغسلها وامسح الحته اللي بشوف منها بس
وفين لما رضيت عليها ورشتها بخرطوم في الجراش
عرفت ان الله حق وانها كانت بتتدلع وبقت تتنضف من اول فوطه
لدرجه السايس غسلها بليل وروحت بيها 6 اكتوبر ورجعت زي ما هي من غير لما تتردم

انا عربيتى كحلى ومجنانى برضه لما كرهت غسيل العربيةتقريبا كنت بوديها البنزينة تتغسل فى الاسبوع مرة او اتنين بس بطلت لما عرفت انه غلط واتعودت عليها بترابها