ترااااااب ... عربيتي مدمنة تراب

**saadelden** · 27-12-2010 11:25 AM

كويس والله ان عربيتي سماوي
انا غسلت العربيه مره واحده من ساعه ماشتريتها من 4 شهور

اللون السماوي و الرصاصي و الفيراني مابيبانش فيهم التراب زي الالوان الغامقه و الابيض

دا ف السعوديه الي كلها صحرا العربيه مابتتبهدلش بالطريقه دي حتى لو لونها اسود

**Eng.Geo** · 27-12-2010 06:31 PM

المشاركة الأصلية كتبت بواسطة amr mokhtar

ده مش انا لوحدى اللى بعانى من المشكلة دى!!
انا تقريبآ بطلت أغسلها من بره
المهم تبقى نضيفة من جوة و الزجاج و المرايات تبقى برضه نضيفة عشان أعرف اسوق

وديتها كار كير محترم و قولت هتخلص من المشكلة دى .. هى بالظبط اسبوع و رجعت زى ما كانت

بجد حاجة تزعل ان الواحد يبقى عايز يهتم بالعربية و مش عارف

بتغطيها ؟

المشاركة الأصلية كتبت بواسطة ahmed_mido1889

بص انا بتدايق لما الاقي تراب علي العربيه وعربيتي اللانوس زيتي برده كانت نفس القصه
كل شويه انضفها وتترب ويا سلام لو عليها نقطه مياه تلاقي العربيه كلها بتجير
سبت العربيه كام شهر من غير لما اغسلها وامسح الحته اللي بشوف منها بس
وفين لما رضيت عليها ورشتها بخرطوم في الجراش
عرفت ان الله حق وانها كانت بتتدلع وبقت تتنضف من اول فوطه
لدرجه السايس غسلها بليل وروحت بيها 6 اكتوبر ورجعت زي ما هي من غير لما تتردم

ههههههههههههههههه
هجرب
بس انا بتاعتي يتزعل شوية
ده لو واقفة لوحدها في مكان بتزعل :)

المشاركة الأصلية كتبت بواسطة a7med_pharma

التراب ده مشكلة قومية ياجووو
أنا عربيتي مدمنة هيا كمان..بتشم تراب
من بره .. ومن جوه

تشم تراب :) ههههههههه
بتجيبه منين ؟
انا دايخ مش لاقي :)

**Eng.Geo** · 27-12-2010 06:38 PM

المشاركة الأصلية كتبت بواسطة Rerii

انا عربيتى كحلى ومجنانى برضه لما كرهت غسيل العربيةتقريبا كنت بوديها البنزينة تتغسل فى الاسبوع مرة او اتنين

بس بطلت لما عرفت انه غلط واتعودت عليها بترابها

لأ برضه غلط
كل أسبوعين كدة غسلة محترمة وتمام علي كدة .. حاولي تغطيها
انا عارف العيب مش من التراب ... عربيتي هي العيب فيها
انما أي عربية تانية بتبقي زي الفل بعد الغسيل

المشاركة الأصلية كتبت بواسطة mrghost

برضه عندى الشاهين كده بتلم تراب بسرعه اوى اوى ولما زهقت بقيت اكبر دماغى ومبقيتش انضفها الا كل اسبوع ولا حاجه بجد حاجه تزهق

شكلي هعمل زيك

المشاركة الأصلية كتبت بواسطة pro_samir

عربيتي كانت بنفس منظر الصوره اللي انت حاطتها في المطره اللي فاتت حتي السقف نتيجة برك المياه علي سرعه

بس استغليت الموضوع ورسمت رينجات علي الفوانيس

ههههههههههههههههههههه

المشاركة الأصلية كتبت بواسطة احمدعبدالعزيز

الجميل فى الموضوع انك تروح البنزينه تغسل العربيه وتلاقى نفسك واقف ساعتين او تلاته ودافع فلوس كتير وفى الاخر فى نهايه اليوم العربيه كلها تراب

الحمد لله البنزينة اللي عندي فاضية :)
بس أمبارح غسلتها
و أستنيت ساعة جمبها تنشف عشان مكانش في فوطة :(

المشاركة الأصلية كتبت بواسطة saadelden

كويس والله ان عربيتي سماوي

انا غسلت العربيه مره واحده من ساعه ماشتريتها من 4 شهور

اللون السماوي و الرصاصي و الفيراني مابيبانش فيهم التراب زي الالوان الغامقه و الابيض

دا ف السعوديه الي كلها صحرا العربيه مابتتبهدلش بالطريقه دي حتى لو لونها اسود

انا أتخبطت في دماغي وانا بجيب العربية ده
زيتي
و خلاط

**amr mokhtar** · 27-12-2010 07:37 PM

المشاركة الأصلية كتبت بواسطة eng.geo

بتغطيها ؟

بغطيها يوميآ بالغطاء الووتر بروف و بغسله كل فترة من بره و جوة
و هو ده اللى هيجننى

**Bishoy.Girgis** · 27-12-2010 07:52 PM

رأيي المتواضع يا جورج .. هو متعب شوية
انك تشتري غطا ووتر بروف مبطن هو بيعمل في حدود 170 جنيه و تشتري فرشة كبيرة بتبقي طولها في حدود 80 سنتيمتر و تزفرها كويس
تلمع العربية كويس بالليل قبل ما تغطيها و لما تقوم الصبح تشيل الغطا هتلاقي العربية شبه متربة .. لمعها لو حبيت و بعدين لما ترجع البيت تاخدها فرشة كده و تفرش الغطا
هتلاقي ممكن ساعات انك و انت رايح الكلية و مستعجل مثلا و شيلت الغطا ممكن متلمعهاش و مش هتبقي محتاجه لأنك بتحافظ علي ان البطانه متكونش اتوسخت.
و اي خدمة

**icehearted girl** · 27-12-2010 09:01 PM

انتوا بتقاموا ايه

مصر..يعني تراب...حتي لوني طيني لون خيرك يا مصر

تأقلموا بقي ولانتو نازلين مصر امبارح العصر؟؟

**ahmed_mido1889** · 27-12-2010 09:52 PM

انا كنت بستخدم فوطه فيها بقايا جاز
هي اللي بتلمع العربيه الصراحه
لكن شغل الفرشه والريشه ده مبينفعش مع الالوان الغامقه دي

**MBhead** · 28-12-2010 02:27 AM

الصراحة انا مش بعرف اركب العربية و عليها ذرة تراب لازم تكون بتلمع كلها
انا بعمل بولش و بعده علطول واكس كل 8 شهور كده و غطاء ووتر بروف و بركنها في الجراج و بغسلها كل اسبوع مرة او مرتين و في الشتا ممكن كل يوم غير اني بلمع الجنوط و الكاوتش و الكروم اللي في العربية كله و الصالون بنضفه و الابانوس اللي في التابلوه و حوض الموتور و حاجات كتير كده
اصل انا هاوي عربيات كلاسيك فالموضوع دا شي اساسي بالنسبه ليا و غاليا بيبقي ممتع اووووي

**Eng.Geo** · 28-12-2010 04:22 PM

المشاركة الأصلية كتبت بواسطة amr mokhtar

بغطيها يوميآ بالغطاء الووتر بروف و بغسله كل فترة من بره و جوة
و هو ده اللى هيجننى

طاب بتمحها قبل ما تغطيها ؟

المشاركة الأصلية كتبت بواسطة Peaceman

رأيي المتواضع يا جورج .. هو متعب شوية
انك تشتري غطا ووتر بروف مبطن هو بيعمل في حدود 170 جنيه و تشتري فرشة كبيرة بتبقي طولها في حدود 80 سنتيمتر و تزفرها كويس
تلمع العربية كويس بالليل قبل ما تغطيها و لما تقوم الصبح تشيل الغطا هتلاقي العربية شبه متربة .. لمعها لو حبيت و بعدين لما ترجع البيت تاخدها فرشة كده و تفرش الغطا
هتلاقي ممكن ساعات انك و انت رايح الكلية و مستعجل مثلا و شيلت الغطا ممكن متلمعهاش و مش هتبقي محتاجه لأنك بتحافظ علي ان البطانه متكونش اتوسخت.
و اي خدمة

الغطا بتاعي ووتر بروف متبطن .. جايبه ب 125
عندي فرشه اللي هي شراشيب .. بس مش مزفرها عشان الفوط أو اي حاجة بتتزفر وتلم تراب .. بعد كدة بتخربش العربية ... صنفرة
انا بعمل كدة فعلا دلوقتي
بانضفها قبل ما بغطيها وبعد ما بشيل الغطا
تسلم يا كبير :)

المشاركة الأصلية كتبت بواسطة ahmed_mido1889

انا كنت بستخدم فوطه فيها بقايا جاز
هي اللي بتلمع العربيه الصراحه
لكن شغل الفرشه والريشه ده مبينفعش مع الالوان الغامقه دي

ماهي ده الفوطة الزفرة

المشاركة الأصلية كتبت بواسطة MBhead

الصراحة انا مش بعرف اركب العربية و عليها ذرة تراب لازم تكون بتلمع كلها
انا بعمل بولش و بعده علطول واكس كل 8 شهور كده و غطاء ووتر بروف و بركنها في الجراج و بغسلها كل اسبوع مرة او مرتين و في الشتا ممكن كل يوم غير اني بلمع الجنوط و الكاوتش و الكروم اللي في العربية كله و الصالون بنضفه و الابانوس اللي في التابلوه و حوض الموتور و حاجات كتير كده
اصل انا هاوي عربيات كلاسيك فالموضوع دا شي اساسي بالنسبه ليا و غاليا بيبقي ممتع اووووي

لاااااااا
مش أستمتاع خالص
انا عندي أمتحانات
أمسح مين و ألمع أيه
انا للأسف معنديش بواب يمسحهالي كل يو الصبح
عشان كدة ببقي مضطر
بس أهو أحسن من أني أمشي بيها متربة

-

الموضوع: ترااااااب ... عربيتي مدمنة تراب

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

مشكله تراب

ميه و تراب دخل في فانوس الميجان

تراب على تابلوة الفرنا

حبة تراب مجننني شوية

الكلمات الدلالية لهذا الموضوع

المفضلات

المفضلات

ضوابط المشاركة