ترااااااب ... عربيتي مدمنة تراب
يااااااه
أخيرا
بعد أيه !!
لازم يعني أعمل 10 مشاركات !!
يالله
ندخل في موضوعنا
انا خلاص كرهت التراب
أو عربيتي تحديدا مع التراب
باركن العربيتين جمب بعض ( الأوبترا والخلاط )
الأوبترا مسحة كدة وبتبقي بتبرق .. لونها نبيتي .. ماهياش فاتحة برضه
الخلاط ( أكسيل ) لو أتشقلبت ما بتنضف :I_angr1[1]:
لونها زيتي
لون رزل كدة ..:fun_36_3_4[1]:
والله يا جماعة العربية ده بتموت في التراب
أمسحها وثانية تبقي كوم تراب
والصبح مع الندي والتراب تبقي طين
زهقت والله
من أسبوع أو أكتر كان في أيام تراب شديدة
والله كانت بتلم أكياس الزبالة
النهارده نزلت أمسحها ... مفييييييش ... هي خلاص مش عايزة
قلت خلاص أمسح الأزاز وخلاص
تلت ساعة بنضفه وكمان الشبورة مرخمة
ماشي علي الكوبري بتاع الأميرية
حفرة كدة من الحفر الغبية اللي عليه ... بس المرة ده مليانة ميه
وانا ماشي في النص ونقل علي شمالي
النقل داس في الحفرة :)
وانا علي يمينه
بس :)
ماشوفتش حاجة بعدها
حظييييي اناي كنت قافل الأزاز بتاعي
كنت لبست المية كلها :36_1_58[1]:
أديت أنتظار
والله ما عارف ركنت أزاي
مش شايف حاجة خااااااااااااالص
الأزاز طيييييييييييييييييييييييي ين
العربية زي ماتكون خرجت من بلاعة
مسكت أزازة ميه وأقعدت نص ساعة بنضفها بقي
بقت شكلها عرررررررررررة
وبرضه مانضفتش
وبعدها مشيت ورحت الكلية
طبعا أصحابي أستلموني تريقة :)
ماسلمتش من حد :)
مش عارف أيه العربية ده
أول عربية تعصلج كدة معايا في تنضيفها
هل من حل ؟
جربت كوفر بس ماحوقش خالص
عايز أمسحها وتنضف