ايه أفضل نوع wax و polish موجودين دلوقتى فى السوق؟

**M.Osman** · 27-12-2010 12:37 AM

المشاركة الأصلية كتبت بواسطة meza

carnauba wax دى لقيتها مكتوبة على النوعين اللى فى وطنية .. ال rain dance و ال formula 1 .. فغالباً ده نوع الشمع نفسه

تمام أنا عاوز الجاف ... هو ال f1 هو هو ال formula 1 ؟

عندك حق
انا هتأكد لك من اسمه و اقولك

لأ .. مش هو هو .. تقريباً f1 التقليد او العكس...
بس بصراحة الإتنين ممتازين

**ahmed_mido1889** · 27-12-2010 03:10 AM

انا بستخدم البوليش السائل(اسبراي) بيلمع العربيه وبينجز معاك
ممكن اخلص العربيه كلها في 15 دقيقه

**mahmoudselim** · 27-12-2010 04:53 AM

انا كان عندي بطول العربية خدش بس ماكنش مأثر علي الصاج . تقريبا لون عربية تانية المهم أشتريت بوليش ميدو ب 6جنية تقريبا واللون الحمدللة مش لاقي لة اي اثر دلوتي.

**meza** · 27-12-2010 08:15 AM

المشاركة الأصلية كتبت بواسطة mahmoudselim

انا كان عندي بطول العربية خدش بس ماكنش مأثر علي الصاج . تقريبا لون عربية تانية المهم أشتريت بوليش ميدو ب 6جنية تقريبا واللون الحمدلله مش لاقي لة اي اثر دلوتي.

حضرتك إشتريته منين؟ .. أنا عاوز برضه كومباوند ميدو ... اللى هو rubbing compund مش polishing compund
لأن كده كده هيكون عندى البولش و ده هعمله على كل العربية فهجيب نوع كويس شوية و بلون العربية و مستورد ... لكن الكومباوند هيبقى إستخدامه محدود فميدو هيبقى كافى.

**احمدعبدالعزيز** · 27-12-2010 08:48 AM

المشاركة الأصلية كتبت بواسطة meza

حضرتك إشتريته منين؟ .. أنا عاوز برضه كومباوند ميدو ... اللى هو rubbing compund مش polishing compund
لأن كده كده هيكون عندى البولش و ده هعمله على كل العربية فهجيب نوع كويس شوية و بلون العربية و مستورد ... لكن الكومباوند هيبقى إستخدامه محدود فميدو هيبقى كافى.

اسأل عليه عند اى حد بيبيع بويات وحدايد ..

**meza** · 27-12-2010 11:19 AM

المشاركة الأصلية كتبت بواسطة احمدعبدالعزيز

اسأل عليه عند اى حد بيبيع بويات وحدايد ..

تمام هسأل عليه انهاردة لما انزل

المشاركة الأصلية كتبت بواسطة mahmoudselim

بالظبط ممكن تسأل علية عند أي حد بتاع بوية .. وعلي فكرة ميدو بوليش بتاع التلميع دا كويس جدا جدا بس بيبان أكتر علي العربية ال دهانها عادي مش ميتاليك.

انا العربية ميتاليك ..

شكراً لكم

**memoo8888** · 27-12-2010 11:27 AM

انا جربت نوع صينى اسمه sk مكتو ب عليه بولش ووشمع بنفس الوقت "مش فاهمها دى"ب45ج وعملت العربيه فرقت اوى لمجه اسبوع وبعدها حسيت انها طفت شويه هل النوع دلا وحش؟؟
ولبا الكمقروض بولش الاول وبعدين شمع ولا مفيش حاجه 2فى 1 وانا ممن الاقاليم على فكره

**wlng76** · 27-12-2010 11:30 AM

بوليش "ميدو" هو من أفضل الأنواع عن تجربة وب 6 جنيه, والعبرة مش بالغالى, لكن المهم ازاى تستعمله
لو العربية البوية فيها قديمة او لونها غامق تستعمل البوليش بس
اما لو العربية لونها فاتح او البوية جديدة ممكن تحط كميه من كومباوند "ميدو" بس قليل قوى بيساعد جدا وبيخلى البوية تلمع اكتر.
طبعا دى الطريقة المبسطة بتاعة الهواه, أما المحترفين فليهم طريقة تانية, بس الطريقة دى مجربة وممتازة جدا.

بوليش وكومباوند ميدو بيتباع عند اى محل حدايد وبويات ودول منتشرين فى اى حى, ولو مش موجود من أى محل بيبيع بويات سيارات, وغالبا محل الحدايد والبويات هيكون عنده.