ايه أفضل نوع wax و polish موجودين دلوقتى فى السوق؟

**meza** · 26-12-2010 07:52 PM

أنا لفيت إنهاردة على 5 بنزينات عشان الاقى armor all wax لأن ناس كتير هنا شكرت فيه بس مش لاقي خالص غير فى وطنية الأوتوستراد نوعين إسمهم rain drain و formula 1 ... و نوع غريب كده أزرق فى سبينس.

يا ريت لو حد يعرف الاقيه فين أو لو مجرب نوع wax كويس و متوافر دلوقتى فى السوق يقولنا عليه و نلاقيه فين و سعره كام؟

بالنسبة لل polish أنا قررت أجيب sonax اللى معاه القلم بس مش عارف هل ده أفضل نوع ولا لأ خصوصاً إنه غالى و علبته كبيرة ... و أنا عاوزه عشان خدش عندى واصل للصاج و شلت الجزء اللى مش واصل منه ببنزين بس لسه سايب أثر خفيف فأعتقد البولش هيقدر عالجزء ده لكن العميق معرفش لسه ... ده غير طبعاً الخدوش البسيطة بتاعة الفوطة المنيلة اللى فى الجراج!

شكراً مقدماً على المساعدة

**SonaSteel** · 26-12-2010 09:27 PM

بص انا كنت في سبينس اللي في سيتي ستارز مدينة نصر ولقيت نوعين ....... واحد ب79 والتاني ب85 تقريبا ......... والاتنين غالبا الماني
....... ممكن تتأكد منهم ولو روحت تاني هابقي اشوفهم لحضرتك ان شاء الله

**mahmoud_afifi** · 26-12-2010 10:21 PM

بالنسبه للخدش الي واصل للصاج, انا عندي اخوه في الرفرف وكنت عاوز اصلحه برضه في مره ورحت لمكان بتاع تلميع وقالي انه مش هيقدر يشيله كله , هيقلله بنسبه معينه وان احسن حل انه يترش.

بس نصيحه مني, ماتعملش البوليش و الواكس بنفسك بشهادة اكتر من واحد بما فيهم الصنايعيه الي واخدين عليها المفروض. متعبه جداااااا و اوقات كتير بتطلع ملحوسه
انا جربت اعمل كده في الرفرف الي قدام بس قعد معايا نص ساعه وطلع ملحوس على الاخر

**A.Saad** · 26-12-2010 11:35 PM

turtle wax

موبيل جنب كايرو مول الهرم
شل اول صحراوى اليكس
عايز ؟؟؟

**meza** · 27-12-2010 12:12 AM

يا جماعة أعذرونى أنا اسف ليكم كلكم

كان لازم أشكركم على إهتمامكم و ردكم عالموضوع .. شكراً جزيلاً لكل واحد فيكم

**M.Osman** · 27-12-2010 12:18 AM

المشاركة الأصلية كتبت بواسطة mahmoud_afifi

بالنسبه للخدش الي واصل للصاج, انا عندي اخوه في الرفرف وكنت عاوز اصلحه برضه في مره ورحت لمكان بتاع تلميع وقالي انه مش هيقدر يشيله كله , هيقلله بنسبه معينه وان احسن حل انه يترش.

بس نصيحه مني, ماتعملش البوليش و الواكس بنفسك بشهادة اكتر من واحد بما فيهم الصنايعيه الي واخدين عليها المفروض. متعبه جداااااا و اوقات كتير بتطلع ملحوسه
انا جربت اعمل كده في الرفرف الي قدام بس قعد معايا نص ساعه وطلع ملحوس على الاخر

انا على طول بعمله بنفسي
بس مرة عملته بنوع طلع سئ كنت جايبه من كارفور (مع انه كان اغلى نوع اجربه)
كان اسمه carnauba wax
بجد كان كابوس
غير كدا turtle wax و F1 ممتازين و سهل تعمل العربية بيهم في حوالي ساعة :))

انا بتكلم على الواكس الجاف مش السائل

**meza** · 27-12-2010 12:33 AM

المشاركة الأصلية كتبت بواسطة M.Osman

انا على طول بعمله بنفسي
بس مرة عملته بنوع طلع سئ كنت جايبه من كارفور (مع انه كان اغلى نوع اجربه)
كان اسمه carnauba wax
بجد كان كابوس
غير كدا turtle wax و F1 ممتازين و سهل تعمل العربية بيهم في حوالي ساعة :))

انا بتكلم على الواكس الجاف مش السائل

carnauba wax دى لقيتها مكتوبة على النوعين اللى فى وطنية .. ال rain dance و ال formula 1 .. فغالباً ده نوع الشمع نفسه

تمام أنا عاوز الجاف ... هو ال F1 هو هو ال formula 1 ؟