الموضوع: الحمدلله ربنا ستر عربيتي كانت هتتسرق

المشاركة الأصلية كتبت بواسطة amrrr

جت سليمة الحمد لله
ياباشا بتركن فين ؟
انا كنت باركن مثلا عند عمارات العبورواروح الشغل في المهندسين ف كنت باركن في شارع تحت برج حراسة بتاع جيش
حاول تركن في حتة قدام محل او قدام نقطة حراسة ثابتة !!! غالبا هما مش هيعملوا اي حاجة ايجابية لو شافوا العربية بتتسرق لكن مع ستر ربنا اعتقد الحرامي يخاف يقلب عربية واقفة قدام حكومة او راكن قدام محل وصاحبه يشوفك كل يوم وعارف شكلك
وممكن برضة تظبطلها سايس
وممكن برضة تأمنها تماما يعني وش الكاسيت وتربط دراع الدريكسيون ومايكونشي في اي حاجة مغرية للسرقة باينة في العربية حتى لو جنيه او علبة سجاير
عشان ممكن واحد ياخد بله انك بتركن والعربية بتفضل واقفة طول اليوم كمان ممكن يبقى شافك بتركب باص الشغل او مع واحد صاحبك وعارف ان العربية مالهاش صاحب في المنطقة
وربنا يسترها الموضوع زايد اوي الفترة دي

هو فعلا بركن وقت طويل من 8 ص حتى 7 م وتقريبا المكان من بعد 4 عصرا بيبقى مفهوش أي أمان لأنه مكان كله تعامل مع جهات حكومية المهم إن أنا بركن هناك من 7 سنين وأول مره أتعرض للموقف ده وعموما أنا قولت أصحى بدري شوية كدا ربع ساعة وأنزل خد تاكسي لغاية مكان باص الشغل وأريح دماغي وخلاص والخمدلله على كده

ركبت الزجاج وكله رجع تمام
والتكلفة 100 ج بالتركيب بالتنضيف ( مكان الزجاج القديم )
والحمدلله ومش هركن في المكان دا تاني وهو بالمناسبة أمام جهاز التجمع الخامس - القاهرة الجديدة
عشان لو حد بيركن هناك ويروح شغله يخللي باله كويس
وبتاع الزجاج لما شاف الكسر قاللي دا حرامي كان بيحاول يسرق العربية
بس ممكن حد خد باله أو الإنذار إشتغل ساب العربية وجري