مقارنة مش سهلةبصراحة كدا انا ما كنتش باهتم باى حاجة عن الرينو بس لاما الفلوانس نزلت ب

أنا عارف ان في مواضيع كتير بس عايز حد يتكلم معاي خطوة بخطوة بصراحة كدا انا ما كنتش باهتم باى حاجة عن الرينو بس لاما الفلوانس نزلت برده ما دخلتش دماغى قد كدا ولكن من شهرين كدا او أكتر لله فلله لاقيت نفسي بادور علي اي حاجة ليها صور وتقارير وكدا لانى ناوى اشتري عربية وبعدين كنت بافكر في الاسكودا الفانتازيا وكنت نازل اتفرج عليها بس لاقيت واحد مافيش بيني وبينه محبة جابها وقعد يرسم بقي والاسكودا وفيها وفيها فلاغيت فكرتها خالص فلو الفلوانس هتكسب عرفونى ولو الاسكودا هتكسب عرفوونى برده لانى ماليش قد كدا في العربيات وبعدين
اجيب الفلوانس بــ 167 والا الاسكودا بـــ 200
دلونى

ايه يا جماعة اكتر من 20 مشاهدة ومافيش حاجة تريح بالى

ربنا يوفقك فى الاختيار..... بس متهيقلى فلوانس افضل

الحمد لله انا حطمت الرقم القياسي في المشاهدة بدون رد
60 مشاهدة ورد واحد الف الف شكر ليك يا مهندس صابر

الفلوانس تكسب بصراحه من حيث الشكل والفخامه انا قعدت جوه الفلوانس من جوه تحس انك قاعد داخل كبينه طائرة وكنت حاسس بي الفخامة اكثر فيها وقعدتها مريحه جدآآآآآ
بس بصراحه مقدرش اقارن بينهم من حيث الثبات والسرعه وقطع الغيار لي اني مجربتهمش عاملي انا يبدوبك قعدت جوها فقط

شوف الموضوع ده وان شاء الله خير
وما تنساش تستخير
بالتوفيق
وعلى كل حال انا لو بقارن بين الاثنين حاجيب الفلونس - كماليات اكثر بكتير وسعر برضه اقل بكتير
الداينلميك بـ 137 تقريبا

اقتباس:

---

المشاركة الأصلية كتبت بواسطة wassof

الفلوانس تكسب بصراحه من حيث الشكل والفخامه انا قعدت جوه الفلوانس من جوه تحس انك قاعد داخل كبينه طائرة وكنت حاسس بي الفخامة اكثر فيها وقعدتها مريحه جدآآآآآ
بس بصراحه مقدرش اقارن بينهم من حيث الثبات والسرعه وقطع الغيار لي اني مجربتهمش عاملي انا يبدوبك قعدت جوها فقط

---

ده نفس ردي :F_eyeb1[1]:

الفلوانس طبعا يا باشا كفاية ان الوكيل بتاعها محترم و رينو لما بتنزل عربية بتراعي فيها الامان لاقصى درجة و بردو اسكودا بس لو عاوز {ايي انا شايف ان فرق ال20000 انت اولى بيهم

طبعا ان بشكركم جدا والحمد لله ان الموضوع حد بص عليه بعد 80 مشاهدة
ان شاء الله الفلوانس هتبقي الفئة الكاملة 167 والاسكودا 200 غالية بخصوص لا قدر الله في البيع هى هتنزل والرينو هتنزل بس
200 الف ياما ينزل منهم والا 167 الف واللى مخوفنى ان الناس قاعدة تقول الالمانى المانى اى نعم الاسكودا متقفلة في التشيك بس هي عربية حلوة بصراحة لكن من وجهة نظرى ان شايف ان الفلوانس فيها نفس المميزات وارخص بس طبعا مشكلة الرينو في اعادة البيع وان ما ينفعش اى ميكانيكى او كهربائي برا توكيلها يشتغل فيها

ما تشوف انواع اخرى زى الهوندا سيفيك-السيراتو-ماذدا3-او مرسيدس موديل عالى

او السوبارو امبريزا ممتازة ويابانى وعريقة

الألمانى المانى انا رأى octavia

اشكركم جميعا
بالنسبة للهوندا فكرت فيها بس مشكلتها الوحيدة انها مش مرتفعة عن الارض وسورى فى اللفظ (( واطية )) خالص وما تنفعش معاي كعيلة
انما بعد كدا مافيش فيها اي حاجة
المازدا نفس مشكلة الهوندا بالظبط
السيراتو انا لاغيها لانى ركبتها قبل كدا وكان معاى حمل بس مش كتير فكانت بتحك في كل المطبات واصلا ماليش نية لها
المرسديس لا لانى مش عايز اجيب مستعمل خالص وعشان تجيب مرسيدس حالة نادرة الواحد هيلف كتير
السوبارو مالهاش حل وممتازة وفكرت فيها برده بس انا من المنصورة وما فيش ليها مركز خدمة خالص ولا حتي في اى محافظة جمبنا
انما مراكز ابو غالى باشا في جسر السويس والمعادى والاسكندرية فمستحيلة
ونفس الموضوع مع الفورد فوكاس مافيش ليها برده
وفكرت في الكارينز عربية حلوة بي الهاى لاين بتاعتها بي اللى تتركب عشان تتمتع بيها وبصراحة 130 الف لعربية كوري حرام

لا اوكتافيا ودغ دغ فيها زي مانت عايز هتستحمل معاك ومش هتقول لا بس سعرها غالي اوي عليها
انت ممكن تجيب سكودا سوبرب وديه حاجة كدا زي الباسات 1.4 تربو وdsg وب 195 الف

معلش نسيت احطلك رابط الموضوع

http://www.nilemotors.net/Nile/167227-a.html

الصراحة الفلوانس ممكن تكون احلى بس الاوكتافيا حاجة تانية

انا ليا بس ملحوظة
مع احترامي لكل الأراء
ولكن الأسكودا ليست الماني لا ماركة الماني ولا صناعة الماني
ولو الموضوع ماشي كده يبقى كل عربيه تصمع في الصين بتكنولوجيا الماني او ياباني او امركي اقول عليها الماني او ياباني او امريكي ؟؟؟؟

لصاحب الموضوع
انا رايي لك لو بتحب الهوندا هاتها وركب جنوط 17 العربيه هتلاقيها عاليه
وفي اكتر من عربيه في المنصورة مركبين جنوط 17 وهتلاقي العربيه ارتفاعها كويس جدا
انا شايف ان الفوانس او الأسكودا مشكلتهم نفس مشكلة الأمبريزا في رايك من حيث مراكز الخدمة وعلى فكره
الأسكودا قطع غيار عاليه والفوانس لو حصل اي مشكلة لا قدر الله لازم هتروح التوكيل في القاهرة لا المقطم لا العبور

مع احترامى ...
الفانتازيا اوسع ...كماليات اكتر (مش اوى)
الفانتازيا عفشه ملتى لينك ..الفلوانس بيم ...وده يفرق فى الثبات و الراحه
قطع غيار الاوكتافيا متوفره اكتر و ممكن تكون ارخص ...
سعر اعاده بيع افضل ...
مشاكل اقل (هنا بتكلم على الميجان..الفلوانس لسه منعرفش)
رأيى الفانتازيا افضل وفرق السعر مش فى الهوا

اقتباس:

---

المشاركة الأصلية كتبت بواسطة khaled ayman

مع احترامى ...
الفانتازيا اوسع ...كماليات اكتر (مش اوى)
الفانتازيا عفشه ملتى لينك ..الفلوانس بيم ...وده يفرق فى الثبات و الراحه
قطع غيار الاوكتافيا متوفره اكتر و ممكن تكون ارخص ...
سعر اعاده بيع افضل ...
مشاكل اقل (هنا بتكلم على الميجان..الفلوانس لسه منعرفش)
رأيى الفانتازيا افضل وفرق السعر مش فى الهوا

---

نفس اللي عايز أقوله

اقتباس:

---

المشاركة الأصلية كتبت بواسطة KHALED AYMAN

مع احترامى ...
الفانتازيا اوسع ...كماليات اكتر (مش اوى)
الفانتازيا عفشه ملتى لينك ..الفلوانس بيم ...وده يفرق فى الثبات و الراحه
قطع غيار الاوكتافيا متوفره اكتر و ممكن تكون ارخص ...
سعر اعاده بيع افضل ...
مشاكل اقل (هنا بتكلم على الميجان..الفلوانس لسه منعرفش)
رأيى الفانتازيا افضل وفرق السعر مش فى الهوا

---

+1111111 tOTALLY AGREE

انا متشكر ليكم كلكم

اقتباس:

---

المشاركة الأصلية كتبت بواسطة zezmograby

اوكتافيا ودغ دغ فيها زي مانت عايز هتستحمل معاك ومش هتقول لا بس سعرها غالي اوي عليها
انت ممكن تجيب سكودا سوبرب وديه حاجة كدا زي الباسات 1.4 تربو وdsg وب 195 الف

---

+1111111
لو السوبيرب فعلا بالسعر ده.... تبقى احسن من الأثنين كعربية تتركب
لكن اكيد هتبقى اقل فى سعر اعادة البيع وقطع غيار اغلى من الفانتازيا نفسها..!

اقتباس:

---

المشاركة الأصلية كتبت بواسطة formulator

+1111111
لو السوبيرب فعلا بالسعر ده.... تبقى احسن من الأثنين كعربية تتركب
لكن اكيد هتبقى اقل فى سعر اعادة البيع وقطع غيار اغلى من الفانتازيا نفسها..!

---

:colsmil:
فعلا بنفس السعر بس مش dsg دى مانيوال 6 سرعات ..ولازم بنزين 95 لانها 1400 tsi ...,وبنفس كماليات الفانتازيا الكامله

مشكلة السوبيرب انها مانيوال !!!!!!!!!!!!!!!!!!1

الاوكتافيا طبعا افضل

جو تاني خالص

خامات افضل بكتير وتقفيل برضو

اركب الاتنين وانت تعرف الفرق

اقتباس:

---

المشاركة الأصلية كتبت بواسطة zego

مشكلة السوبيرب انها مانيوال !!!!!!!!!!!!!!!!!!1

---

يمكن هما قاصدين ينزلوها كده علشان تنافس فى فئة محدودة جدا...!!!!!
او بمعنى اصح فئة التويوتا افينسيس و الفورد مونديو..
لو لاحظت هتلاقيهم ال3 مانيوال ونفس الحجم و بيلعبوا فى نفس رينج السعر حول ال 200 ألف...! :11:

اقتباس:

---

المشاركة الأصلية كتبت بواسطة adelminese

لو سمحتم انا عايز رايكم ... انا ناوى ان شاء الله اشترى سياره جديده 2011 ومحتار اجيب ايه بالضبط... بس هقول لحضراتكم على الحاجات اللى انا عايزها فى السياره وانتم ان شاء الله تساعدونى فى الاختيار... انا ناوى انزلها مصر ان شاء الله فعايزها 1600cc ..... يهمنى تكون شكلها كويس ... تتحمل الطرق عندنا فى مصر وتحديدا وجه قبلى لانى من الصعيد .... قطع غيارها تكون سهل ان الواحد يلاقيها ومتكنش غاليه قوى ... بالنسبه للسعر هجبها ان شاء الله عالبنك وده نظام الخليج غالبا ففروق السعر مش هتكون مهمه قوى ان شاء الله بس متكنش كبيره قوى بردو ... انا رحت معرض فولكس وشفت الجيتا وبصراحه شكلها ملوش حل بس الناس خوفونى من غلاء قطع الغيار وسوء الوكاله ... والكورولا شكلها مكنش قوى بس اللى نازله 2011 شكلها جميل قوى بردو بس بيقولو انها تايوانى مش يابانى وبصراحه خايف من اى مشكله فيها لان الاخبار بتجيب دايما عيوب فى منتجات تويوتا ونيسان اليومين دول ... وسمعت ان واحد هنا عمل حادثه بيها بسبب مشكله فى الفرامل وكانت 2009 او 2010 تقريبا فحاجه زى دى تخوف ... طبعا انا مسيبعد حاجات زى الصنى والسيفيك لان شكلهم مش حلو وتحس انهم قدام قوى ... معلش طولت بس هكون شاكر جداا لاى مداخله وشكراااا........

---

السلام عليكم جميعا ... ياريت تساعدونى فى الاختيار ..

خلاص كدا السوبرب طلعت من الاختيارات
عشان فعلا مانيوال
ولاوتوماتك dsg بينزل مع الماتور 1.8 tsi ودا لو نزل مصر الجمارك هتولعها

اقتباس:

---

المشاركة الأصلية كتبت بواسطة adelminese

السلام عليكم جميعا ... ياريت تساعدونى فى الاختيار ..

---

انا اعتقد لو جبتها من هنا هيبقي افضل
عشان هتاخد ضمان وهتبقا عارف انت هتدفع كام
لكن لو تعرف حد في الجمارك وكدا يبقي افضلك

حضرتك بردو لازم تحدد السعر بالمصري ونقولك علي الاختيارات

اقتباس:

---

المشاركة الأصلية كتبت بواسطة zezmograby

انا اعتقد لو جبتها من هنا هيبقي افضل
عشان هتاخد ضمان وهتبقا عارف انت هتدفع كام
لكن لو تعرف حد في الجمارك وكدا يبقي افضلك

حضرتك بردو لازم تحدد السعر بالمصري ونقولك علي الاختيارات

---

هو زى ما قلت لحضراتكم هتبقى على البنك ...وانا سالت على الاسعار لقيت الجيتا رقم 1 ب 85 الف درهم وده بالنسبالى كويس والكورولا رقم 1 ب 67 الف و سالت على اوكتافيا قالو من 72 لغايه 90 الف اللى هرى رقم واحد وسالت بردو على bmw لقيت عليها عرض ب 100 الف درهم بس دى اللى هى رقم 3 بس مش عارف العرض مستمر ولا لسه ... واستبعدت البى ام لان المبلغ ده بردو كبير واكيد العرض خلص لانه من فتره .... يعنى انا معايه من 65 الف الى 85 الف اقصى شىء وربنا يستر بعد كده......