ما هو أفضل كاوتش 14 في السوق!

**NaderNabil** · 28-03-2008 03:49 PM

Every single dealer tells me Hankook is crap now, even if he has it or sell it for higher price than tyres, I never used anything but hankook in my previous car and it was excellent, but im suspisious about it now.

do u know what is the price of the michellin?

**paladin** · 28-03-2008 03:53 PM

last year it was about 310LE for each i dont know how much now but will be in the same range

**ahmed1981** · 28-03-2008 04:23 PM

المسألة مستعد تدفع كام
لو مفيش مشاكل في الفلوس يبقى بريدجستون ياباني يليه الجوديير والكونتينينتال والميشلان وإن كنت أكرهه (كنت بركبه للبيجو وكان مقرف)

لو عايزين ننزل بالسعر شوية يبقى عليك بالكوري زي الأرورا والهانكوك
أو بالأندونيسي زي ال Gt

أنا قريب بإذن الله ناوي على جوز 195/50/14 كوري ماركة أرورا أو هانكوك

**Dr_Smart** · 28-03-2008 09:23 PM

على فكرة البريدجستون سعره مايفرقش كتير عن الهانكوك

انا اشتريت فردتين هانكوك 13/175 ب 220 للفردة والبريدجستون الياباني كان ب 280

**dragonsmith** · 29-03-2008 01:24 AM

ترشحولي ايه افضل كاوتش في المقاس ده...اللي أنا محتاجه حاجة طرية و هادئة و في نفس الوقت ثبات و تماسك علي الأرض

مع العلم ان مقاس الكاوتش عندي بالظبط: 185/60 R14

السلام عليكم،

أنا الاسبوع اللي فات لفيت مدينة نصر و شارع أحمد سعيد على كاوتش 185/60 R14. اللي لاقيته:

1) اللي مالي السوق الكومو (Kumho) الكوري و ده سعره ما بين 260 للفردة و 275 حسب المحل. نقشة عادية جدا، مش طري و مش محمل قوي. فردة عادية و صوتها هيكون عالي حاجة بسيطة.

2) الهانكوك كوري برضه و أغلى 10 أو 15 جنيه من الكومو بس ناشف. صوته أكيد عالي و هيبقى مش مريح قوي مع شوارعنا الجميلة.

3) البريدجستون فيه منه نقشتين. GR و دي Super Silent. فردة طرية نوعا ما و أكيد هادية. ياباني و سعرها في حدود 460.
MY-01 فردة طرية جدا و محملة كويس و نقشتها رياضية. اندونيسي. ماسكة في الأرض حلو قوي (أنا مجربها قبل كده). صوتها معقول قوي. سعرها 350 جنيه. مش موجود المقاس ده منها غير في التوكيل (Fit & Fix) في كالتكس عباس العقاد.

4) البيريللي P6000 في منها برازيلي و تركي. مهتمتش أعرف اسعارها عشان ادائها زفت. ناشفة قوي و مش ماسكة في الأرض كويس. عانيت منها عشان كانو نازلين في العربية و الحمد لله انهم معمروش. 3 فرد من ال 5 ماتو على 35 ألف كيلو :D

5) ميشلان مش فاكر الموديل بصراحة. كانت طرية و شكلها محترم جدا بس السعر 420.

6) كونتيننتال كان في محل واحد بس. فردة عادية جدا و سعرها كان فوق ال 400 غالبا عشان الاسم بس.

7) جوديير و ده اللي ركبته. فردة متوسطة الطراوة و نقشتها معقولة مش هتبقى تحفة في المطر. ميزتها بقى انها محملة قوي و ماسكة في الأرض جدا و سعرها 305.

أنا أرشح لحضرتك البريدجستون MY-01 أو الجوديير .
تحت أمركم في أي استفسار.
شكرا.

**NaderNabil** · 29-03-2008 01:48 AM

شاكر ليك جدا علي ردك الوافي...فعلا جبت من الأخر...و نفس المقاس كمان:)

أشكرك مرة أخري و هعمل بنصيحتك ان شاء الله:)

**dragonsmith** · 29-03-2008 02:02 AM

طب ايه رأيكم في النانكانج Nankang

و شوفت امبارح نوع جديد اسمه نيكسا باين او حاجة كده اللي هوه نقشته حلوة بيسموها نقشة الشجرة...لو حد يعرفه يقوللي ايه رأيه فيه.

السلام عليكم،

نصيحة لوجه الله....ابعد عن النانكانج التايواني زي البياعين ما بيسموه :) و أي نوع تاني مجهول من اللي بيجيبهم أشرفكو زي Nexen.
الكاوتش ده حاجة مهمة قوي و ماينفعش تغامر فيها بالإضافة لأن فرق السعر مش كبير.

شكرا.

**NaderNabil** · 29-03-2008 02:03 AM

عندك حق...فعلا لازم اجيب حاجة مضمونة و معروفة...عشان الكاوتش ده اهم حاجة في العربية....

أشكرك علي نصيحتك الغالية:)

**Ahmad Allawy** · 29-03-2008 03:35 PM

افدتنا جدا والله يا دراجون..
جزاك الله خيرا عنا..

**eng_mkhalaf** · 29-03-2008 05:11 PM

الله ينور يا دراجون باشا - أنا ان شاء الله ناوى على البريدج ستون الأندونيسى بس كمان 5000 كيلو - أنا سألت علية فى التوكيل إللى فى الهرم قالى جة وخلص بسرعة إللى موجود اليابانى ودة معناة أنة فردة طلقة زى ما أنت بتقول

الموضوع: ما هو أفضل كاوتش 14 في السوق!

LinkBack

أدوات الموضوع

عرض

-

-

-

-

-

-

-

المواضيع المتشابهه

الرجاء المساعدة فى إختيار أفضل كاسيت صينى فى السوق

أفضل كاوتش للوجان

أيه أفضل نوع كاوتش للساجا ؟

ايه أفضل نوع wax و polish موجودين دلوقتى فى السوق؟

أفضل انواع الكاوتش فى السوق

الكلمات الدلالية لهذا الموضوع

المفضلات

المفضلات

ضوابط المشاركة