كنت عاوز اجيب الجلدة السوداء اللي عاملة زي جلد الباب اللي الناس بتحط منها حتة على نص الباب عشان لو اتخبط او حاجة مكان الاسفنجة اللي بتنزل بيها العربية .. اجيبها منين
عرض للطباعة
كنت عاوز اجيب الجلدة السوداء اللي عاملة زي جلد الباب اللي الناس بتحط منها حتة على نص الباب عشان لو اتخبط او حاجة مكان الاسفنجة اللي بتنزل بيها العربية .. اجيبها منين
انا لسة كنت بفكر في الحكاية دي النهردة وانا راجع من الشغل
متابع معاك نشوف مين هيقلنا نجيبها منين !
لو قصدكوا علي الجرايد
اللي بتركي في اجناب العربية
كل عربية وليها الجرايد بتاعتها وفية عربيات مش ليها جراايد
دى كاوتشه باب يا باشا
روح عند اى حد بتاع اكسسوارات وقوله عاوز متر كوتش باب المتر فى حدود 5 جنيه
وحتقطعه على ال 4 ابواب وحيزيد معاك حته كمان :)
الا لو انت عاوز لكل باب حته كبيره بقى يبقى هات على المقاس الى انت عاوزه
بس بلاش تطولها عشان شكلها ميبقاش وحش
طب حد يقدر يجبلنا صور ليه يا شباب ؟!
انت تقصد جرايد او باكتات كاوتش اللي بتدي شكل للابواب ولا الكاوتش اللي بيتركب في الشفه الخارجيه بتاعت الابواب والشنطه عشان يحمي الحرف من الخرابيش او لما يقفل على يد الاطفال مثلا او الكبار لاقدر الله تبقى الاضرار قليلة (طبعا الكلام دا ستاندر للعربيات كلها مش نازل لنوع معين من العربيات )
العموم الاتنين فيه منهم اشكال والوان في شارع التوفيقيه اسال مع تقاطع شارع زكي اللي فيه السينما (مش فاكر اسمها ) شارع البورصة القديمه عند العيال اللي بيبقم قاعدين بفرش ولمض سريال ليدات والعلامات والاستكرات هتلاقيهم هناك بالمتر وهتلاقي تفاوت في الاسعار شوف انت محتاج اطوال ايه قد ايه وفاصلهم كويس وسيبك من الكلام بتاع دا اسباني ودا الماني وكدا
ولو كنت تقصد الكاوتش او الجلد الخراطيم اللي بيركب بقا من جوا العربيه في حلق الباب عشان يعزل التراب والهوا والميا وكدا دا ياتجيبه استيراد(مستعمل) طقم مره واحده لعربيتك وهتلاقيهم بيتكلمو في ارقام جزافيه شويه بس اهم شي تاخد حاجه مافهاش غلطه ويتفك قدامك ياما تجيبهم من شارع محمد فريد في عابدين قريب من شارع مجلس الامه وقصر عابدين في هناك ناس ( محلين تقريبا كان في حد عامل موضوع عنهم بس مش فاكر للاسف ) بتبعهم بالمتر جديد شغل استاندر (بالمتر ومترهم بيبقى غالي حبتين بس ارحم من الاستيراد) بس طبعا الاستيراد شغل الفابريكا بتاع العربية احسن لو حالتهم حلوه وسعرهم جيد بالنسبه للحاله
بالنسبه للبكتات اللي على الابواب او الجرايد فانا افضل انك لوعندك ومش راكبين حلو شوف كدا بينزل حاجات خاصة كطقم لكل عربية هتلاقيها بردوا عند بتوع العربيات دي ممكن تركبها انت بنفسك بتتباع كطقم والاصلي منها بيبقى غالي وهاتلاقيهم في التوفيقة بس في المحلات اللي في الشارع الرئيسي طبعا دا غير الشغل الاستاندر بالمتر
الف شكر ياباشا وفعلا انا اقصد اللي زي الكوتش الي بيتحط على الشفة الخارجية عشان الخرابيش بتبقى عبارة عن حتة صغيرة كده بتتحط عشان لو الباب اتخبط وانا بفتحة ولا حاجة
[mark=#fdffbd]فيه كمان نوع تاني.. عبارة عن قطع صغيرة مربعة الشكل تلصق في زاوية الباب من أسفل علشان تمنع الاحتكاك أو الخبط في الرصيف عند فتح الباب وممكن كمان تضعها على الإكصدام في الزوايا بتاعته علشان وانت بتركن برضه ما يتجرحش من الرصيف..
أنا جبتها من كارفور.. وكانت رخيصة جدا لدرجة إني مش فاكر بكام! وعيبها الوحيد إن لونها إسود.. وده كان مناسب جدا ليا لأن عربيتي لونها أسود[/mark]