هي ليه الناس في مصر ماشية خلف خلاف

**amribrahim** · 27-12-2010 04:09 AM

أنا دلوقتي مش فاهم .. لما يكون في واحد فاتح أو عندو شركة أو بزينس أي حاجة و يكون معين ناس في المكان ده ليه بقى بتلاقي إن معظم الناس دول مش فاهمين حاجة أو هما بيبواظو سمعت المكان و صاحب الشركة نايم في العسل نوم .. أنا واحد صاحبي طالب في جامعة خاصة .. الجامعة ديه من كلامه عنها خت عنها صورة مش حلوة عنها .. صاحبي بيقولي إن الجامعة فاشلة و صاحب الجامعة نايم في عسل نوم و سايب الجامعة لشوية بنى أدمين هما اللي ممشينها و طبعاً التعينات بالكوسة و كل واحد جايب حبايبه علشان يدرسوا في الجامعة .. لما الطلاب يحاولو يقولو رأيهم طبعاً لا حياه لمن تنادي .. طيب أنا قلت لصاحبي طيب ما كدة سمعة الجامعة ديه ممكن تتبهدل فصحبي رد و قالي لأ طبعاً كل حاجة هنا ماشية خلف خلاف .. السؤال بقى إنت لو صاحب الجامعة ديه هطنش على اللي بيحصل في جامعتك أو شركتك طالما البزينس شغال و بيجيب فلوس كل شهر ولا إيه .. أنا عن نفسي لازم أكون خايف على شركتي و مش عشان فيه فلوس دخلة يبقى أنام على الموضوع ولا انتو رأيكو إيه ولا أنا غلطان من أساسه

**A7MED_PHARMA** · 27-12-2010 04:24 AM

طالما السبوبة ماشية
يبقا هيعوز إيه أكتر من كده

**amribrahim** · 27-12-2010 04:34 AM

أنا والله عارف إن العيال اللي في الجامعة ديه عيال فاشلة بس بردو ده مش منطق إن علشان السبوبة مشية خلاص يبقى مفيش مشكلة

**pro_samir** · 27-12-2010 05:51 AM

للأسف دي مشكله عامه عندنا ، تلاقي صاحب الشغل صارف كتير جدا وعايز يعمل حاجه كويسه لكن الناس اللي شغاله مبوظه الدنيا .. كوني صاحب شغل برضو بعاني من الموضوع ده جدا وببقي حاسس بالحاجات للي زي دي ولو شوفت أي حاجه مبعديهاش علشان حاسس بصاحب الشغل بالرغم من كونه غلطان ومشغل ناس مش مناسبه وكمان مش متابعهم كويس

مش ناسي مره محل بيتزا كبير من سلسلة كنت بروحه كتير لحد ما ابتدي مستواه في النازل علي طول واخر مره روحته كان في عك كتير واهمال الموضوع استفذني جدا وخدت رقم الشكاوي اللي معلقينه وطلعو حاطين رقم غلط وفضلت اتصل بالفروع التانيه لحد ما جبت الرقم الصح وكلمتهم خدو بياناتي واتصلو بيا عملت شكوي بكل الملاحظات وطبعا ظبطو الناس في الفرع وخلوهم يتصلو بيا يعتذرو .. بس في النهايه مدخلتوش من ساعتها ولا هدخله تاني لكن عملت كل ده علشان حرام عالم معندهاش ضمير توقع الدنيا لصاحب الشغل